எனக்கும் அப்பாவிற்கும் வேறுபட்ட கருத்து இருக்கிறது - சுருதி ஹாசன் பேட்டி

**ayyasamy ram** · **ayyasamy ram** Tue Aug 21, 2018 6:52 pm

-
சினிமாவில் பெண்களுக்கு பாதுகாப்பு இருப்பதாகவே தான்
கருதுவதாக கூறிய நடிகை சுருதி ஹாசன், தனக்கும்,
அப்பாவுக்கு மத நம்பிக்கை பற்றிய கருத்து வேறுபாடு
இருப்பதாக
-
சினிமாவில் பெண்களுக்கு பாதுகாப்பு இருப்பதாகவே
கருதுகிறேன் என்று நடிகை சுருதி ஹாசன் தெரிவித்துள்ளார்.
இதுதொடர்பாக நடிகை சுருதி ஹாசன் அமெரிக்காவின்
பிரபல போர்ப்ஸ் பத்திகைக்கு அளித்த பேட்டியில்
கூறியதாவது,

‘ சினிமாவில் நான் அறிமுகமாகி பத்து ஆண்டுகள்
ஆகிறது. இதுவரை நான் நடித்த படங்கள் அனைத்தும்
நான் விருப்பப்பட்டு தேர்வு செய்து நடித்தது தான்.

இதற்காக நான் இப்போதும் மகிழ்ச்சியடைகிறேன்.
இந்த பத்தாண்டு கால திரையுலக வாழ்க்கை
நன்றாகவேயிருந்தது. இதைப் போலவே எதிர்காலத்திலும்
எனக்கு பிடித்த கதாபாத்திரத்திலும், கதைகளிலும்
மட்டுமே நடிப்பேன்.

மத நம்பிக்கை குறித்து எனக்கும் அப்பாவிற்கும்
வேறுபட்ட கருத்து இருக்கிறது. என்னைப் பொருத்தவரை
நான் ஆன்மீக சக்தி என்ற ஒன்று இருப்பதாகவே
நம்புகிறேன். ஆனால் அது கோவில், தேவாலாயம்,
மசூதிகளில் இருக்கிறதா? என்று கேட்டால் அதற்கு
என்னிடம் நேரடியான பதிலில்லை.
ஆனால் அனைத்தையும் நம்புகிறேன்.

அதேபோல் சினிமாவில் மட்டுமல்ல, இந்தியாவிலும்
பெண்கள் பாதுகாப்பாகவே இருக்கிறார்கள். எனக்கு
திரைத்துறையில் கிடைக்க வேண்டிய மரியாதையும்,
மதிப்பும் கிடைக்கிறது.
நான் திரைத்துறையில் சந்தித்தவர்கள் அனைவரும்
நல்லவர்கள் தான்.

தற்போது மகேஷ் மஞ்சரேக்கரின் ஹிந்தி படத்தில்
நடித்து வருகிறேன். அப்பாவுடன் இணைந்து நடித்து
வரும் ‘சபாஷ் நாயுடு’வின் பணிகள் விரைவில்
தொடங்கும்.

நியூயார்க்கில் இந்திய சுதந்திர தினத்தையொட்டி
நடைபெற்ற விழாவில் கலந்து கொண்டதையும்,
அதில் தேசப்பற்று பாடலை பாடியதையும் எண்ணி
பெருமையடைகிறேன் ’ என்றார்.
-
-----------------------
மாலைமலர்

**T.N.Balasubramanian** · **T.N.Balasubramanian** Wed Aug 22, 2018 12:13 pm

சினிமாவில் பெண்களுக்கு பாதுகாப்பு இருப்பதாகவே
கருதுகிறேன் என்று நடிகை சுருதி ஹாசன் தெரிவித்துள்ளார்.

இது நடிகைக்கு நடிகை மாறுபடும் .
நடிகையின் பின்புலம் முக்கியமான அம்சம்.
நடிகைகளுக்கு எதிரி நடிகைகளே.
சக நடிகைக்கு சந்தர்பம் வரும்போல் தெரிந்து,
அது தனக்கு கிடைக்கவேண்டும் என்றால்,
அவர்கள் தாராளமாக எல்லாவற்றையும் விட்டுக் கொடுப்பார்கள்.
ஆண்களுக்கு என்ன, எது கிடைத்தாலும் எப்போது கிடைத்தாலும்
யார் மூலம் கிடைத்தாலும் கவலை இல்லை.
இதில் கூட்டு வேறு ..நடிகர்/இயக்குனர்/தயாரிப்பாளர் மற்றும் பலர்.

சினிமா தொழிலுக்கு வந்து விட்டு, பிறகு ஏமாந்ததை குறை சொல்லுவது,
இயலாமையை குறிக்கும். ஒரு வித black mailing என்றும் கூட சொல்லலாம்.

ஆண்களில் எவரும் ராமன் இல்லை என்ற பாடல் நினைவுக்கு வருகிறது.

ரமணியன்

SK · SK Wed Aug 22, 2018 12:46 pm

ஒருமுறை மும்பை அடுக்கு மாடி குடியிருப்பில் இவர் தாக்கப்பட்டார் அப்போது இவர் இப்படி கூறவில்லை

ஒருவேளை வெளிநாட்டில் நம் நாட்டை பற்றி தவறாக பேச கூடாது என்ற ஒரு எண்ணத்தில் இப்படி பேசி இருப்பர்

Sponsored content · Sponsored content

எனக்கும் அப்பாவிற்கும் வேறுபட்ட கருத்து இருக்கிறது - சுருதி ஹாசன் பேட்டி

எனக்கும் அப்பாவிற்கும் வேறுபட்ட கருத்து இருக்கிறது - சுருதி ஹாசன் பேட்டி

Re: எனக்கும் அப்பாவிற்கும் வேறுபட்ட கருத்து இருக்கிறது - சுருதி ஹாசன் பேட்டி

Re: எனக்கும் அப்பாவிற்கும் வேறுபட்ட கருத்து இருக்கிறது - சுருதி ஹாசன் பேட்டி

Re: எனக்கும் அப்பாவிற்கும் வேறுபட்ட கருத்து இருக்கிறது - சுருதி ஹாசன் பேட்டி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக