வாரியார் வாழ்க்கையில்...

**ayyasamy ram** · **ayyasamy ram** Fri Aug 17, 2018 4:48 pm

பல ஆண்டுகளுக்கு முன் தன் வாழ்க்கைச் சரிதத்தை
வாரியார் சுவாமிகள் ஒரு நூலாக வெளியிட்டார்.
வாரியார் வாழ்க்கை வரலாறு என்ற அந்த நூலில்
அவர் கூறியுள்ள சில அனுபவங்கள்...
-
நான் 19 வயதிலிருந்தே என் தந்தைக்குத் தெரியாமல்
விரிவுரை செய்யத் தொடங்கினேன். என் தந்தையார்
காங்கேயநல்லூரில் ராஜகோபுரம் கட்டியதில்
5,000 ரூபாய் கடன்பட்டிருந்தார். சென்னையில் நான்
செய்த விரிவுரை மூலம் வந்த பணத்தைக் கொண்டு
தந்தையார் பட்டிருந்த கடனை அடைத்தேன்.

என்னுடைய தந்தை ''உன்னை வீணை வித்துவானாக்க
நினைத்தேன். நீ விரிவுரை வித்துவானாக ஆகிவிட்டாய்.
அதுதான் இறைவன் திருவுளம் போலும்...'' என்று கூறி
ஆசீர்வதித்தார்.
-
-------------------------------------

**ayyasamy ram** · **ayyasamy ram** Fri Aug 17, 2018 4:48 pm

ஒருமுறை கல்கத்தாவில் இருந்து சென்னையை நோக்கி
ரயில் பயணம். வண்டி போகும்போது என் அருகில்
இருந்த அன்பர் ஒருவர் ஜன்னல் கதவை ஏற்றுவதும்
இறக்குவதுமாக இருந்தார்.

அதைப் பார்த்த மற்றொரு அன்பர் ''இது என்ன ஓயாமல்
கதவை ஏற்றுகின்றீர்; இறக்குகின்றீர்'' என்றார்.

அப்போது அடியேன் ''இது கடவுள் செய்யும் வேலையாயிற்றே?''
என்றேன்.

''இது கடவுள் வேலையா?''

''ஆம், கடவுள் அந்தந்த உயிர்களின் புண்ணிய பாவங்களுக்கு
ஏற்ப சில உயிர்களை மேல் நிலைக்கு ஏற்றுகின்றார்.
சில உயிர்களை கீழ் நிலைக்கு இறக்குகின்றார். சிறையில்
இருப்பவரை் பெரும் பதவியில் ஏற்றுகின்றார்.
பெரும் பதவிகளில் இருப்பவரை வெறும் ஆளாகச்
செய்கின்றார்.

வறியவனைச் செல்வச் சீமானாகவும், செல்வச் சீமானை
வறியவனாகவும் செய்கின்றார். குப்பைத் தொட்டியை
கோபுரமாக்குகின்றார்.

பெரிய அரண்மனையைக் கழுதை ஒதுங்கும் குட்டிச்
சுவராக்குகின்றார். இதுதான் இறைவன் புரியும் வேலை''
என்றேன்.
-
--------------------------------------------

**ayyasamy ram** · **ayyasamy ram** Fri Aug 17, 2018 4:49 pm

எனக்கு அஜீரணம் என்பது என்ன என்று இன்றுவரை
தெரியாது. காரணம் அரசர் வீட்டு விருந்தானாலும்,
அளவோடு உண்பவன்.

ஒரு முஸ்லிம் அன்பர் என்னிடம் ''பசியெடுத்தபின்
கையை வாய்க்குள் வைப்பவனும், பசியடங்குவதற்கு
முன் கையை வாயை விட்டு எடுத்துக்கொள்பவனும்
நோய்வாய்ப்பட மாட்டான்'' என்று கூறினார்.

இதை நான் எப்போதும் நினைவில் வைத்திருக்கிறேன்.
-
-------------------------

(14.11.93 ஆனந்தவிகடனில் இருந்து)
நன்றி- விகடன்

SK · SK Fri Aug 17, 2018 5:05 pm

அனைத்தும் முத்துக்கள்
சேர்த்து வைத்து கொள்கிறேன்

சிவனாசான் · சிவனாசான் Sat Aug 18, 2018 7:29 pm

அருட்பெருஞ்ஜோதி தனிப்பெருங்கருணை.
முருகா ...உருவாய் அருவாய் உளதாய்
இலதாய் மருவாய் மலராய் >>>>>

Sponsored content · Sponsored content

வாரியார் வாழ்க்கையில்...

வாரியார் வாழ்க்கையில்...

Re: வாரியார் வாழ்க்கையில்...

Re: வாரியார் வாழ்க்கையில்...

Re: வாரியார் வாழ்க்கையில்...

Re: வாரியார் வாழ்க்கையில்...

Re: வாரியார் வாழ்க்கையில்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக