கவிதைச்சோலை! - பார்த்துக்கொள் அம்மா!

**ayyasamy ram** · **ayyasamy ram** Sun Aug 05, 2018 4:37 am

---
கருவில் சுமக்கும் வரையில் தான்
உன் கவனம் குழந்தை மீதிருக்குமா...
மடி தவழும் மட்டும் தான்
உன் மனம், மகளின் மீது குவிந்திருக்குமா?
-
புத்தகம் சுமந்து, பள்ளி செல்கையில்
பறக்க விட்டு விடுவாயா
உன் மகளின் மீதான பாதுகாப்பு வளையத்தை!
-
காய் நறுக்கவும், சோறு சமைக்கவும்
செலுத்தும் கவனத்தை விட
கொஞ்சம் கூடுதலாய் செலுத்து
உன் மகளின் மீதான நெருப்பு வளையத்தை!
-
தொலைக்காட்சி தொடர்களில்
உன் அகத்தை வைத்து
மகளின் எதிர்காலத்தை
தொலைத்து விடாதே!
-
உன் மகள் சிறகசைக்கும் திசையெங்கும்
உன் சிந்தனையை செலுத்து...
உறக்கத்தில் கூட விழித்திருக்கட்டும்
உன் மகளை பற்றிய பொறுப்புணர்வு!
-
நல்லதும் கெட்டதும் நிறைந்த உலகில்
மனிதர்கள் மட்டுமல்ல
மனித உருகொண்ட மிருகங்களும் உண்டென
மகளுக்கு புரிய வை!
-
துரியோதனன் பரம்பரையில்
பிறந்துவிட்ட ஆண்கள் சிலருக்கு
துகிலுரிக்கும் புத்தி போகவே இல்லை...
அவர்கள், பெண்ணின் சதை உரித்துப் பார்க்க
சமயம் பார்த்துக் கொண்டிருக்கின்றனர்!
-
ஹாசினி ஆசிபாவோடு
அரும்புகள் கருகிய கதை போகட்டும்
பார்த்துக்கொள் அம்மா கவனமாய்...
உன் பெண்ணிற்கு எத்தனை வயதானாலும்!
-
------------------------------------------
— இ.எஸ்.லலிதாமதி, சென்னை.
வாரமலர்

**Dr.S.Soundarapandian** · **Dr.S.Soundarapandian** Sun Aug 05, 2018 9:22 pm

கவிதைச்சோலை! - பார்த்துக்கொள் அம்மா! 3838410834

கவிதைச்சோலை! - பார்த்துக்கொள் அம்மா!

கவிதைச்சோலை! - பார்த்துக்கொள் அம்மா!

Re: கவிதைச்சோலை! - பார்த்துக்கொள் அம்மா!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக