இன்றைய செய்தித் தலைப்புகள் - சில….

Mr.theni · Mr.theni Tue Jul 17, 2018 11:28 am

பொது இடங்களில் மது குடித்தால் அபராதமாக 2500 ரூபாய் வசூலிக்கப்படும் என கோவா முதலமைச்சர் மனோகர் பாரிக்கர் அதிரடி உத்தரவு பிறப்பித்துள்ளார்.
(தமிழ் நாட்டிலும் வருமா?)

பெற்றோர்களை சரிவர கவனிக்க தவறினால் மகனுக்கு கொடுத்த சொத்துகளை பெற்றோர் திரும்ப பெற்றுக் கொள்ளலாம் என மும்பை உயர்நீதிமன்றம் தீர்ப்பளித்துள்ளது.
(சட்டத்தை விட மனம் மாறலாம்)

உத்தரகாண்ட் மாநிலம் சஹஸ்புரில் மொபைல் போனில் ஆபாச படம் பார்த்து 8 வயது சிறுமியை பாலியல் வன்கொடுமை செய்த 5 சிறுவர்கள் (வயது 9-14) கைது செய்யப்பட்டுள்ளனர்.
(பிஞ்சில் பழுத்தது)
இது சென்னை.

(சட்டம் தன் கடமையை செய்யும்.)

இணையத்தில் தொகுத்தது - இ.தேனி

Mr.theni · Mr.theni Tue Jul 17, 2018 11:35 am

தொடர்ச்சி..

நீட் தேர்வில் இயற்பியல், வேதியியல் பாடங்களில் 0, -1 மதிப்பெண்களை பெற்று தனியார் மருத்துவக் கல்லூரியில் மருத்துவம் பயிலும் மாணவர்கள்.

மருத்துவப் படிப்பில் சேர்வதற்கு நீட் நுழைவுத் தேர்வை மத்திய அரசு கட்டாயமாக்கியுள்ளது. மொத்தமாக 720 மதிப்பெண்களுக்கு இத்தேர்வு நடத்தப்படுகிறது. ஒவ்வொரு வினாக்களுக்கும் தலா 4 மதிப்பெண்கள் என மொத்தம் 180 கேள்விகள் கேட்கப்படுகிறது. இயற்பியல், வேதயியல், உயிரியல் போன்ற பாடங்களில் இருந்துதான் கேள்விகள் கேட்கப்படுகின்றன. நீட் தேர்வில் தேர்ச்சி பெறுவதற்கான தகுதி மதிப்பெண்ணை ஒவ்வொரு ஆண்டும் தேர்வை நடத்தும் சிபிஎஸ்இ முடிவு செய்கிறது.

தகுதி மதிப்பெண்களை பெற்றிருந்தால் போதும், தனித்தனியாக பாட வாரியாக தேர்ச்சி பெற வேண்டியதில்லை என்ற காரணத்தினால் அவர்களுக்கு தனியார் கல்லூரியில் சீட் கிடைத்துள்ளது.

நீட் தேர்வில் பாஸ் மதிப்பெண்கள் பெற்றால் போதும், ஒரு சில பாடத்தில் மிக மோசமான மதிப்பெண்கள் பெற்றிருந்தாலும் கூட, பணம் இருந்தால் தனியார் மருத்துவக் கல்லூரியில் சேர்ந்துவிடுகின்றனர். பெரும்பாலான இத்தகைய மாணவர்கள் டீம்ட் பல்கலைக்கழங்களிலே பயில்கின்றனர். இத்தகைய மாணவர்களுக்கு அத்தகைய டீம்ட் பல்கலைக்கழகங்களே எம்பிபிஎஸ் இறுதித் தேர்வையும் நடத்துகின்றன. இவர்கள் இத்தகைய தேர்வில் தேர்ச்சி பெற்றால் போதும், பயிற்சி மருத்துவராக பணி செய்ய அனுமதிக்கப்படுகின்றனர்.

(??? நன்றி-நீட்)

தமிழகத்தை அதிரவைத்த ஐ.டி ரெய்டு… 100 கிலோ தங்கம், ரூ.160 கோடி பணம் பறிமுதல்!

தமிழக நெடுஞ்சாலைத் துறையுடன் ஒப்பந்தத்தில் இருக்கும் எஸ்பிகே நிறுவனத்துக்குச் சொந்தமான 22 இடங்களில் நேற்று ஐ.டி ரெய்டு நடத்தப்பட்டது. இந்த சோதனையில் 100 கிலோ தங்கம் மற்றும் 160 கோடி ரூபாய் பணம் பறிமுதல் செய்யப்பட்டுள்ளதாக தெரிவிக்கப்பட்டுள்ளது.

ரெய்டு நடத்தப்பட்டதில் 17 இடங்கள் சென்னையிலும், 4 இடங்கள் அருப்புக்கோட்டையிலும், 1 இடம் வேலூரிலும் என வருமான வரித் துறை வட்டாரங்கள் தகவல் தெரிவிக்கின்றன.

இதுவரை நாட்டில் நடந்த ஐ.டி ரெய்டிலேயே இதில் தான் அதிக அளவு பணப் பறிமுதல் செய்யப்பட்டுள்ளதாகவும் தெரிவிக்கப்படுகிறது. 2016 ஆம் நடத்தப்பட்ட ஒரு ரெய்டில் 110 கோடி ரூபாய் கைப்பற்றப்பட்டது தான் அதிகபட்சத் தொகையாக இருந்து வந்தது.
(இது வளர்ச்சி.)

இந்தோனேஷியா வில் உறவினரை கடித்து குதறிய முதலையை பழிவாங்கும் நோக்கில், பண்ணையில் இருந்த 300 முதலைகளை ஒரு கும்பல் வெட்டிச் சாய்த்துள்ளது.

இன்றைய செய்தித் தலைப்புகள் - சில…. Jocm63p8_crocodile-killing_reuters_650_625x300_16_July_18