ஆகஸ்ட் மாதம் 5 நாட்கள் ஏழுமலையானைத் தரிசிக்க முடியாதாம்! தேவஸ்தானம் அறிவிப்பு!!

**ayyasamy ram** · **ayyasamy ram** Sat Jul 07, 2018 6:04 pm

-

திருப்பதி ஏழுமலையான் கோயிலில் அஷ்டபந்தன பாலாலய
மஹாசம்ப்ரோக்ஷணத்தை முன்னிட்டு 5 நாட்கள் தரிசன
சேவை முற்றிலும் ரத்து செய்யப்படுவதாக தேவஸ்தானம்
அறிவித்துள்ளது.

திருப்பதி ஏழுமலையான் கோயிலில் 12 ஆண்டுகளுக்கு
ஒருமுறை அஷ்டபந்தன பாலாலய மஹாசம்ப்ரோக்ஷணம்
நடைபெறும். அதன்படி, இந்தாண்டு ஆகஸ்ட் 12-ம் தேதி
முதல் 16-ம் தேதி வரை நடைபெற உள்ளது.

இந்நிலையில், நாளொன்றுக்கு 30 ஆயிரம் முதல் 35 ஆயிரம்
பக்தர்கள் தரிசனத்திற்கு அனுப்பப்படும் என்று அறிவிக்கப்பட்ட
நிலையில், தற்போது அதற்கான சாத்தியக்கூறுகள் இல்லாததால்
5 நாட்கள் முழுவதுமாக தரிசனம் ரத்த செய்யப்படுவதாக
தெரிவித்துள்ளது.

இதனால், ஏற்கெனவே வரும் ஆகஸ்ட் 12 முதல் 16 வரை
நடைபெறவிருந்த ஆர்ஜித சேவை ரத்து செய்யப்பட்டது.
இந்நிலையில் அந்த நாட்களில் தரிசன சேவையும் முற்றிலும்
ரத்து செய்யப்படுகின்றன.

மேலும், ஜூலை 20-ம் தேதி முதல் அஷ்டபந்தன பாலாலய
மஹாசம்ப்ரோக்ஷத்திற்காக பரகாமணி சேவை கல்யாண
மண்டபத்தில் வைத்து மதியம் 2 மணி முதல் 11 மணி வரை
நடைபெறுகிறது. ஆகஸ்ட் 15-ம் தேதி மூலவருக்கும், பரிவார
தெய்வங்களுக்கும் திருமஞ்சனம் நடைபெறுகிறது.

ஆபரணங்கள் மற்றும் சிற்பம் பழுது பார்த்தல் போன்ற
பணிகள் ஆகஸ்ட் 8-ம் தேதிக்குள் முடிவடைகிறது. மேலும்,
44 ரிக் வேதர்களும், 100 வேத பாராணயம் செய்பவர்கள் மற்றும்
பிரபஞ்ச பண்டிதர்கள், வேதம் பயிலும் மாணவர்களும் இந்த
சம்ப்ரோக்ஷ விழாவில் பங்கேற்கின்றனர்.

ஆகஸ்ட் 17 முதல் அக்டோபர் 3-ம் தேதி வரை 48 நாட்களுக்கு
மண்டலாபிஷேகம் நடைபெறும் என்று தேவஸ்தானம்
அறிவித்துள்ளது.
-
--------------------------------
தினமணி

ஆகஸ்ட் மாதம் 5 நாட்கள் ஏழுமலையானைத் தரிசிக்க முடியாதாம்! தேவஸ்தானம் அறிவிப்பு!!

ஆகஸ்ட் மாதம் 5 நாட்கள் ஏழுமலையானைத் தரிசிக்க முடியாதாம்! தேவஸ்தானம் அறிவிப்பு!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக