மின்வாரிய ஊழியருக்கு ரூ.100 கோடி சொத்து

**ayyasamy ram** · **ayyasamy ram** Fri Jun 22, 2018 6:26 pm

நெல்லூர்:
ஆந்திர மின்வாரியத்தில் லைன்மேனாக பணிபுரியும் ஊழியர்
ஒருவர் முறைகேடாக ரூ.100 கோடி அளவுக்கு சொத்து சேர்த்தது
கண்டுபிடிக்கப்பட்டது.

பறிமுதல்

ஆந்திர மாநிலம் நெல்லூரில் மின்வாரியத்தில் லைன்மேனாக
பணிபுரிபவர் எஸ் லஷ்மி ரெட்டி, 56. 1993ல் உதவியாளராக பணியில்
சேர்ந்த அவர், 1996 ல் உதவி லைன்மேனாக பணிக்கு பதவி உயர்வு
பெற்றார். 1997 ல் லைன்மேன் ஆனார்.

அவர் அதிகமாக லஞ்சம் வாங்குவதாக புகார்கள் வந்தன.
இதனையடுத்து நெல்லூர் மற்றும் பிரகாசம் மாவட்டங்களில்,
அவருக்கு சொந்தமான இடங்களில் லஞ்ச ஒழிப்பு போலீசார்
சோதனை நடத்தினர். அவரது தந்தை மற்றும் உறவினர்
வீடுகளிலும் சோதனை நடந்தது. அந்த சோதனையில் அசையும்
மற்றும் அசையா சொத்துகள் ரூ.100 கோடி அளவுக்கு
லஷ்மி ரெட்டி சொத்துக்கான ஆவணங்கள் பறிமுதல்
செய்யப்பட்டன.அவரை கைது செய்து அதிகாரிகள் விசாரணை
நடத்தி வருகின்றனர்

மனைவி பெயரில்

இவை, லஞ்சம் வாங்கியும், மின் வாரியத்திற்கு சொந்தமான
காப்பர் வயர்கள் மற்றும் சில பொருட்களை முறைகேடாக
விற்றும் கிடைத்த பணத்தில் சொத்துகளை
வாங்கியுள்ளதாகவும், பெரும்பாலான சொத்துகள் அவரது
மனைவி பெயரில் பதிவு செய்யப்பட்டுள்ளதாக அதிகாரிகள்
தெரிவித்தனர்.
-
--------------------------
தினமலர்

anikuttan · anikuttan Sat Jun 23, 2018 6:41 am

தமிழ் நாட்டிலும் இந்த நிலைமை வருவதற்கான சாத்தியகூறுகள் இல்லையென்று கூறிவிட முடியாது . இங்குள்ள லைன்மன்கள் லஞ்சம் குடுக்காமல் எந்த வேலையும் பண்ண மாட்டார்கள் .

SK · SK Sat Jun 23, 2018 2:31 pm

**T.N.Balasubramanian** · **T.N.Balasubramanian** Sat Jun 23, 2018 6:02 pm

anikuttan wrote:தமிழ் நாட்டிலும் இந்த நிலைமை வருவதற்கான சாத்தியகூறுகள் இல்லையென்று கூறிவிட முடியாது . இங்குள்ள லைன்மன்கள் லஞ்சம் குடுக்காமல் எந்த வேலையும் பண்ண மாட்டார்கள் .

மிகவும் உண்மை.
அப்பிடியே கேட்ட தொகைக்கு குறைவாக கொடுத்தால், மாலை நேரங்களில் அவர்கள் வீடு திரும்பும் நேரத்தில்,ஜங்க்ஷன் பாக்ஸில் பியூசை பிடிங்கிவிட்டு செல்கிறார்கள். பிறகு வரும் லைன்மேனுக்கு
இரட்டை தண்டம் அழவேண்டியுள்ளது.

இவர்கள் எல்லோருக்கும் ஒரு காலத்தில் பக்கவாதம் வந்தால் மின்னதிர்ச்சிதான் கொடுக்கவேண்டும்.

ரமணியன்