காவலனா அன்றிக் காலனா ?

**M.Jagadeesan** · **M.Jagadeesan** Thu May 24, 2018 7:37 pm

காவலனா அன்றிக் காலனா ? ( நேரிசை ஆசிரியப்பா )
**************************************************************************************
செப்பு ஆலை சிந்தும் கசிவால்
கப்பிய நோய்கள் கடல்போல் பெருக
சுத்த நீரும் சுத்தக் காற்றும்
நித்தமும் வேண்டும் ; நிம்மதி வேண்டும்
என்று கேட்டு ஏழை மக்கள்
அன்று தொட்டு அறவழி தன்னில்
தொடுத்த போர்கள் தோல்வியில் முடிய
கடுத்த சினத்தால் கலெக்டர் மாளிகை
முற்றுகை யிடவே முனைந்து சென்ற
நற்றிறம் படர்ந்த நம்மின மக்களை
சிட்டுக் குருவியைச் சுடுவது போல
பொட்டிலும் வாயிலும் போட்டுத் தள்ளி
பஞ்சாப் மண்ணின் படுகொலை போல
அஞ்சாது செய்த அரக்கர் தமக்கு
நரகினும் கொடிய தண்டனை
அரனே ! நீயே அளித்திடு வாயே !

**T.N.Balasubramanian** · **T.N.Balasubramanian** Fri May 25, 2018 5:14 pm

காவலன் காலனாக ஒரு கட்டத்தில் மாறுவது
தொன்றுதொட்டு நாம் காணும் காட்சிதான்.
அருமையான கவிதை என்று போற்றவா? அல்லது
கவிதை பிறந்த காரணத்திற்கு தலை குனிவதா?

ரமணியன்

காவலனா அன்றிக் காலனா ?

காவலனா அன்றிக் காலனா ?

Re: காவலனா அன்றிக் காலனா ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக