திண்டுக்கல்லில் உள்ள ரங்கமலையை வட்டமிடும் குட்டி விமானங்கள்: கனிமவள கொள்ளைக்கா? நியூட்ரினோ ஆய்வா?

திண்டுக்கல்: திண்டுக்கல் மாவட்டத்தில் சில ஆண்டுகளாக உணரப்பட்டு வரும் நில அதிர்வும் கேட்கும் வெடி சத்தமும் மக்களை பெரும் குழப்பத்தில் ஆழ்த்தியுள்ளது. அங்குள்ள ரங்கமலையில் விலைமதிப்பற்ற கனிமவளங்கள் இருப்பதாகவும், இதனை அபகரிக்கும் நோக்கில் மறைமுகமாக நடத்தப்படும் ஆய்வுகளுமே இதற்கு காரணம் என்று ஒருதரப்பு சொல்கிறது. திண்டுக்கல் மற்றும் கரூர் மாவட்டகளின் எல்லைப்பகுதியில் அமைந்துள்ளவை கருமலையும், ரங்கமலையும். இந்த மலைகளை சுற்றியுள்ள கிராமங்களில் அன்மைக்காலமாக கேட்கப்படும் பயங்கர வெடிச்சத்தம், பெரும் சர்ச்சையை ஏற்படுத்தியுள்ளது. வெடிச்சத்தம் கேட்கும் அதே வேளையில் மலை மீது குட்டி விமானங்களும் வட்டமடித்து வருகின்றன.
கருமலையில் இருந்து ரங்கமலை வரை பூமிக்கடியில் உள்ள பாறைகளில் செம்பு, துத்தநாதம், காரியம் உள்ளிட்ட 7 வகையான கனிமவளங்கள் கற்களுடன் பரவியிருப்பதாக கூறப்படுகிறது. இதை உறுதிப்படுத்தும் வகையில் மத்திய அரசின் இந்திய நில அறிவியல் துறை அதிகாரிகள் கருமலை முதல் ரங்கமலை வரை ஆய்வு நடத்தி வருகின்றனர். பாறை ஓட்டத்தின் அடையாளத்தை குறிக்கும் வகையில் அவர்கள் 500 மிட்டருக்கு ஒரு அடையாள கல்லை ஊன்றியும் உள்ளனர். கனிமவளம் ஒருப்பக்கம் என்றால் ரங்கமலைக்கு அடியில் தஙக ஆறு ஓடுவதாக இன்னும் ஊர்மக்கள் நம்புகின்றனர். ஒரு காலத்தில் தங்கமலை என்று அழைக்கப்பட்டதே பின்வரும் நாளில் ரங்கமலையாக மாறிவிட்டது என்பது அவர் கூற்று.
கிராம மக்கள் சொல்வதை போன்றே ஆங்கிலேயர் ஆட்சி காலத்தில் ரங்க மலையில் ஆய்வு நடத்தப்பட்டதாக தடையங்களும் உள்ளன. பூமிக்கடியில் பாறைகள் நகரும்போது வெடிச்சத்தமும், நில அதிர்வும் ஏற்படுவது சகஜம் என்பது ஆராய்ச்சியாளர்களின் கருத்தாக உள்ளது. ஆனால் கனிமவள கொள்ளைக்காகவும், நியூட்ரினோ போன்ற திட்டத்திற்காகவோ மறைமுக ஆய்வுகள் நடக்கின்றன என்று மக்கள் புகார் தெரிவித்துள்ளனர். இப்படி ரங்கமலை குறித்து பல்வேறு மர்மங்கள் இருக்கும் நிலையில் மத்திய, மாநில அரசுகளும் மவுனம் காப்பதால் சந்தேகம் இன்னும் வலுத்துள்ளது.
நன்றி
தினகரன்