கருவில் தொலைந்த குழந்தை: கு.முருகேசன்

**ayyasamy ram** · **ayyasamy ram** Sat May 19, 2018 12:13 pm

ஊருக்கு வெளியிலேயே போகும்
சொகுசு பேருந்து போல
இந்த உலகிற்கு வராமலேயே போன
என் வயிற்று முத்தே!
-
கடலில் மூழ்கியே! மூச்சு அடக்கி!
முத்தெடுப்பவர்க்கு மத்தியில்
நான் மூழ்காமல் இருந்து
எடுக்க நினைத்த முத்து நீ!
-
உன்னை கள்வன் கடத்தி இருந்தால்
காவலரைக் கொண்டு மீட்டிருப்பேன்!
உன்னை காலன் கடத்தியதால்
யாரைக் கொண்டு மீட்டெடுப்பேன்?
-
வெறிபிடித்த விலங்குகளின்
பாலியல் வேட்டையாடும் செய்தி கேட்டு
கருவிலேயே தொலைந்தாயோ!
கண்மணியே!
-
இன்று பள்ளியில் படிப்பதற்கே
பல லட்சம் வேண்டியதால்!
குழந்தை தொழிலாளியாகும்
கொடுமை நிகழுமென்று
கருவிலேயே தொலைந்தாயோ!
-
உலகில் உணவெல்லாம்
நஞ்சாகிப் போனதென்று!
நஞ்சுக்கொடி உணவோடு
நாட்டை விட்டே சென்றாயோ!
-
பூமியில் பனி, வெய்யில்
தாக்கும் என்று!
பனிக்குடத்தில் இருந்து
பறந்து சென்றாயோ!
-
நீ தொட்டிலுக்கு
வருவாய் என நினைத்தேன்!
தொப்புள்கொடியோடு
தூரதேசம் சென்றாயே!
-
தொலைந்ததை தொலைந்த இடத்தில்
தேடினால்தானே கிடைக்கும்!
கருவில் தொலைந்த உன்னைக்
கருவிலேயே தேடுகிறேன்!
கருவில் மீண்டும் வா!
-
---------------------------------
கவிதை மணி

**பழ.முத்துராமலிங்கம்** · 27/09/2015

கருவில் தொலைந்த குழந்தை: கு.முருகேசன் 3838410834

கருவில் தொலைந்த குழந்தை: கு.முருகேசன் 103459460

கருவில் தொலைந்த குழந்தை: கு.முருகேசன் 1571444738

உலகில் உணவெல்லாம்
நஞ்சாகிப் போனதென்று!
நஞ்சுக்கொடி உணவோடு
நாட்டை விட்டே சென்றாயோ!

இந்த வரிகள் அற்புதம்.

கருவில் தொலைந்த குழந்தை: கு.முருகேசன்

கருவில் தொலைந்த குழந்தை: கு.முருகேசன்

Re: கருவில் தொலைந்த குழந்தை: கு.முருகேசன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக