திருச்சி மாணவி உருவாக்கிய ‘அனிதா சாட்’ செயற்கைகோள் மெக்சிகோவில் இன்று ஏவப்படுகிறது

திருச்சி: திருச்சி மாணவி உருவாக்கிய செயற்கைகோள் மெக்சிகோவில் இருந்து இந்திய நேரப்படி இன்று காலையில் ஏவப்படுகிறது. திருச்சியை அடுத்த திருவெறும்பூர் மேலகுமரேசபுரத்தை சேர்ந்த ஆல்பர்ட் குமார், சசிகலா தம்பதியின் மகள் வில்லட்ஓவியா. இவர் திருச்சி பெல் வளாகத்தில் உள்ள ஆர்.எஸ்.கே.மேல்நிலைப்பள்ளியில் படித்து பிளஸ் 2 தேர்வு எழுதியுள்ளார். கடந்த 3ஆண்டுகளாக இரவு, பகல் பாராமல் உழைத்து வளி மண்டலத்தில் கலந்துள்ள மாசு மற்றும் வெப்பமயமாதல் குறித்து ஆய்வு மேற்கொள்ளும் வகையில், குறைந்த எடைகொண்ட செயற்கைகோள் ஒன்றை வில்லட் ஓவியா உருவாக்கியுள்ளார்.
மருத்துவக்கல்வியில் கடந்த ஆண்டு திணிக்கப்பட்ட நீட் தேர்வின் கொடுமையால் தன் உயிரை மாய்த்துக்கொண்ட அரியலூர் மாணவி அனிதாவின் நினைவாக, தான் உருவாக்கியுள்ள செயற்கைகோளுக்கு ‘’அனிதா சாட்’’ என்ற பெயரை சூட்டியுள்ளார். இதுகுறித்து வில்லட் ஓவியா கூறுகையில், இந்த செயற்கை கோளில், வளிமண்டலத்தில் கலந்துள்ள கார்பன் மோனாக்சைடு, கார்பன்டை ஆக்சைடு, ஆக்ஸிஐன் உள்ளிட்டவற்றின் அளவுகளை கண்டறிவதற்கு தேவையான சென்சார் கருவிகள் உள்ளன.
செல்போன் மூலமாகவே இதை கட்டுப்படுத்தலாம். 15 செ.மீட்டர் க்யூப் வடிவத்தில், ஏறத்தாழ 500 கிராம் எடையுள்ள இந்த செயற்கை கோள், ஒரு கேப்சூலில் (விண்ணுக்கு எடுத்து செல்ல உதவும் கருவி) வைக்கப்பட்டு ஹீலியம் பலூன் மூலம் மெக்சிகோவில் இருந்து இந்திய நேரப்படி நாளை (இன்று) காலை 7.30 மணியிலிருந்து 8 மணிக்குள் வளிமண்டலத்தில் ஏவப்படவுள்ளது என்றார்.
நன்றி
தினகரன்

இவ்வாறான செயல்கலால்தான் மழையே பெய்ய அஞ்சுகிறது.
இயற்கையை எபெபோது தனிதன் சோதிக்க தலை பட்டானோ
அன்றே எல்லா நலன்களும் கலப்படமாகிவிட்டன. மனிதன்
நேர்மையாக ஊழலற்று குற்றமற்று செயல்பட ஓர் கருவியை
கண்டு பிடியுங்களேன்.கோர்டுகளை இழுத்து மூடி விடலாம்..

சிவனாசான் wrote:இவ்வாறான செயல்கலால்தான் மழையே பெய்ய அஞ்சுகிறது.
இயற்கையை எபெபோது தனிதன் சோதிக்க தலை பட்டானோ
அன்றே எல்லா நலன்களும் கலப்படமாகிவிட்டன. மனிதன்
நேர்மையாக ஊழலற்று குற்றமற்று செயல்பட ஓர் கருவியை
கண்டு பிடியுங்களேன்.கோர்டுகளை இழுத்து மூடி விடலாம்..

மேற்கோள் செய்த பதிவு: 1268562
அது முடியாது ஐயா,