சம்மர் டிப்ஸ்...

**ayyasamy ram** · **ayyasamy ram** Mon 7 May 2018 - 7:47

-
வெட்டி வேரை நீரில் ஊற வைத்து, வடிகட்டி எடுத்து,
தர்பூசணி பழத்தை துண்டாக நறுக்கிப் போட்டு,
ஒரு முழு எலுமிச்சம் பழத்தை அதில் பிழிந்து,
அவற்றை அருந்தினால், கோடையின் எரிமலை உஷ்ணமும்,
பனிமலையாகும்

* கோடையில் ஏற்படும் நீர்கடுப்பு நீங்க, எலுமிச்சை சாற்றில்,
சம அளவு நல்லெண்ணெய் கலந்து சாப்பிட்டு வந்தால்
குணமாகும்

* பித்தம் அதிகமாக உள்ளோர், நிறைய எலுமிச்சை சாறு பருக
வேண்டும்

* எலுமிச்சை பழச்சாறு, சிறந்த காலரா தடுப்பு மருந்து;
அதனால், அடிக்கடி எலுமிச்சை சாறு குடிக்கலாம்

* தினமும் இரண்டு வேளை, லெமன் டீ குடித்தால், ஆரோக்கியம்
நிச்சயம்; பால் சேர்க்காமல் வெறும் பிளாக் டீயில், சிறிது
எலுமிச்சை சாறு கலந்தால், அதுவே, லெமன் டீ. தேவைப்பட்டால்,
சர்க்கரை சேர்த்துக் கொள்ளலாம்; இல்லையெனில், அப்படியே
பருகலாம். உடலுக்கும், மனதுக்கும் புத்துணர்வு ஏற்படும்

* வெல்லம் கரைத்த நீரில் சுக்கை தட்டிப்போட்டு, எலுமிச்சை
சாறு பிழிந்து அருந்துவது, கோடை வெயிலுக்கு மிகவும் நல்லது!
-
---------------------------------------
தினமலர்