எரியும் தீயில் எண்ணெய் கொட்டிய சிபிஎஸ்இ-யின் வானொலி நிகழ்ச்சி

**ayyasamy ram** · **ayyasamy ram** Sat May 05, 2018 8:14 pm

சென்னை:
நீட் தேர்வெழுதும் மாணவ, மாணவிகளுக்கு பல்வேறு விளக்கங்களை
அளிக்கும் வகையில் சிபிஎஸ்இ நிர்வாகம் ஏற்பாடு செய்திருந்த
வானொலி நிகழ்ச்சி எரியும் தீயில் எண்ணெய் கொட்டுவது போல
அமைந்திருந்தது.

மே 6ம் தேதி இந்தியா முழுவதும் சுமார் 13 லட்சம் மாணவ
, மாணவிகள் மருத்துவ மாணவ சேர்க்கைக்கான நீட் நுழைவுத்
தேர்வை எழுத உள்ளனர்.

இந்த நிலையில், தேர்வுக்கான நுழைவுச் சீட்டை பதிவிறக்கம்
செய்ய சிபிஎஸ்இ - நீட் இணையதளத்துக்கு வந்த மாணவ,
மாணவிகளுக்கு அங்கு ஒரு அறிவிப்பு காத்திருந்தது.

அதில், அகில இந்திய வானொலியின் எஃப்எம் ரெயின்போ
அலைவரிசையில் சிபிஎஸ்இ நடத்தும் நீட் தேர்வு குறித்து மாணவர்கள்
எழுப்பும் பல்வேறு சந்தேகங்களுக்கு விளக்கம் அளிக்கப்படும் என்று
கூறப்பட்டிருந்தது.

ஆனால், நேற்று மதியம் 1 மணியளவில், நீட் தேர்வு குறித்த தகவல்களை
அறிந்து கொள்ள எஃப்.எம். வானொலியை வைத்த தமிழக மாணவ,
மாணவிகளுக்கு பேரதிர்ச்சி காத்திருந்தது.

ஏன் என்றால், நிகழ்ச்சி முழுக்க முழுக்க ஹிந்தியில்
ஒலிபரப்பானதுதான். ஆங்கிலம் அல்லது தமிழில் இடம்
பெற்றிருந்தால் மட்டுமே தமிழக மாணவர்களுக்கு இது
பயனளித்திருக்கும்.

ஆரம்பம் முதல் முடிவு வரை இந்த நிகழ்ச்சி முழுவதும் ஹிந்தியில்
ஒலிபரப்பானதால், தமிழக மாணவர்களுக்கு இந்த நிகழ்ச்சி எந்த
வகையிலும் பலனளிக்கவில்லை.

இந்த நிகழ்ச்சி மூலம் முதன் முதலாக தேர்வெழுதும் மாணவ,
மாணவிகளுக்கு பல தகவல்கள் கிடைக்கும் என்று எதிர்பார்த்த
நிலையில், ஹிந்தியில் நிகழ்ச்சி இடம்பெற்றதால் எரியும் தீயில்
எண்ணெயை விட்டது போல இருந்தது என்று அதிருப்தி அடைந்த
மாணவர்கள் கூறுகிறார்கள்.
-
-----------------------------------
தினமணி

**பழ.முத்துராமலிங்கம்** · 27/09/2015

மத்திய அரசு சிபிஎஸ்இ அனைத்தும் சேர்ந்து
சதி செய்து கொண்டு இருக்கிறார்கள்.
ஹிந்தி மட்டுமே ஒலிபரப்பு என்பது திமிர் பிடித்த மத்திய அரசின் அகங்கார முகத்தை
காட்டுகிறது. இந்த சர்வாதிகார ஆட்சியை
எதிர்த்து தான் வாழ்க்கை போராட்டம் நடத்தி தான் வாழ வேண்டும்.

எரியும் தீயில் எண்ணெய் கொட்டிய சிபிஎஸ்இ-யின் வானொலி நிகழ்ச்சி

எரியும் தீயில் எண்ணெய் கொட்டிய சிபிஎஸ்இ-யின் வானொலி நிகழ்ச்சி

Re: எரியும் தீயில் எண்ணெய் கொட்டிய சிபிஎஸ்இ-யின் வானொலி நிகழ்ச்சி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக