எங்களுக்கே தண்ணீர் இல்லை..எப்படி காவிரி நீரை தமிழகத்திற்கு கொடுப்பது : சித்தராமையா

**பழ.முத்துராமலிங்கம்** · 27/09/2015

பெங்களூரு: காவிரியில் தமிழகத்திற்கு 4 டி.எம்.சி. தண்ணீர் திறந்துவிட வேண்டும் என கர்நாடக அரசிற்கு உச்சநீதிமன்றம் உத்தரவிட்டுள்ளது. இது தொடர்பாக தாவன்கரே நகரில் முதல்வர் சித்தராமையா செய்தியாளர்களிடம் கூறியதாவது; எங்களுக்கே தண்ணீர் இல்லை.எப்படி காவிரி நீரை தமிழகத்திற்கு கொடுப்பது என்று கேள்வி எழுப்பியுள்ளார்.
காவிரி பிரச்னையில் உச்சநீதிமன்றம் பிறப்பித்த உத்தரவின்படி வரைவுத் திட்டத்தை தாக்கல் செய்ய மத்திய அரசுக்கு வழங்கப்பட்ட காலஅவகாசம் முடிவடைந்த நிலையில், இந்த வழக்கு உச்சநீதிமன்றத்தில் இன்று விசாரணைக்கு வந்தது. அப்போது மத்திய அரசின் சார்பில் வரைவுத் திட்டத்தை தாக்கல் செய்ய மேலும் அவகாசம் கோரப்பட்டது. பிரதமரும் , அமைச்சர்கள் கர்நாடகா தேர்தல் பிரச்சாரத்தில் இருப்பதால் வரைவுத் திட்டத்தை அமைச்சரவைக்கு அனுப்பமுடியவில்லை.
எனவே வரைவுத் திட்டத்தை தாக்கல் செய்ய மேலும் அவகாசம் வழங்க வேண்டும் என மத்திய அரசின் சார்பில் அவகாசம் கோரப்பட்டது. அப்போது அரசியல் காரணங்களை காட்டி மத்திய அரசு அவகாசம் கோருவதை ஏற்க முடியாது என உச்சநீதிமன்ற நீதிபதி எச்சரிக்கை விடுத்தார். மேலும் இந்த மாதம் தமிழகத்திற்கு கர்நாடகா அரசு 4 டிஎம்சி நீரை திறக்க வேண்டும் என உத்தரவிட்டது. இதனையடுத்து வழக்கின் விசாரணை வரும் 8ம் தேதிக்கு ஒத்திவைக்கப்பட்டது.
இந்நிலையில் செறிதியாளர்களை சந்தித்த கர்நாடக முதல்வர் சித்தராமையா 'எங்களுக்கே தண்ணீர் இல்லை.எப்படி காவிரி நீரை தமிழகத்திற்கு கொடுப்பது' என்று கேள்வி எழுப்பினார். மேலும் இந்த விவகாரத்தில் வழக்கறிஞர்களுடன் ஆலோசித்து முடிவெடுக்கப்படும் என்றார்.
நன்றி
தினகரன்

எங்களுக்கே தண்ணீர் இல்லை..எப்படி காவிரி நீரை தமிழகத்திற்கு கொடுப்பது : சித்தராமையா

எங்களுக்கே தண்ணீர் இல்லை..எப்படி காவிரி நீரை தமிழகத்திற்கு கொடுப்பது : சித்தராமையா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக