ஜோதிகா நடிக்கும் படத்துக்கு இசையமைக்கும் ஏ.ஆர். ரஹ்மானின் சகோதரி மகன்!

**ayyasamy ram** · **ayyasamy ram** Fri Apr 27, 2018 7:11 pm

-

கதாநாயகிகளுக்கு முக்கியத்துவம் தரும் படங்களில்
மட்டுமே நடித்து வரும் ஜோதிகா, அடுத்து இந்தியில்
வித்யாபாலன் நடித்த "தும்ஹாரி சுலு' வின் தமிழ்
ரீமேக்கில் நடிக்கிறார்.

தனஞ்ஜெயனின் பாஃப்டா மீடியா ஒர்க்ஸ் இப்படத்தைத்
தயாரிக்கிறது. இந்தப் படத்தில் வானொலி
தொகுப்பாளராக ஜோதிகா நடிக்கவுள்ளார்.

ராதாமோகன் இயக்கும் இப்படத்துக்கு காற்றின் மொழி
என்று தலைப்பிடப்பட்டுள்ளது. விதார்த், லக்‌ஷ்மி மஞ்சு
போன்றோரும் நடிக்கிறார்கள். கடந்த வருடம்
செப்டம்பர் மாதம் வெளியான துமாரி சுலு, ரூ. 20 கோடி
பட்ஜெட்டில் உருவாகி, ரூ. 50 கோடி வசூலித்துள்ளது.

இந்நிலையில் இப்படத்தின் இசையமைப்பாளர் குறித்த
அறிவிப்பு வெளியாகியுள்ளது. ஏ.ஹெச். காஷிஃப்
என்கிற புதிய இசையமைப்பாளர் இப்படத்தில்
அறிமுகமாகிறார்.

இவர், இசையமைப்பாளர் ஏ.ஆர். ரஹ்மானின் சகோதரி
ஃபாத்திமாவின் மகன்.

ஜூன் 3 முதல் இப்படத்தின் படப்பிடிப்பு ஆரம்பமாகவுள்ளது.
-
-------------------------------
தினமணி

**T.N.Balasubramanian** · **T.N.Balasubramanian** Fri Apr 27, 2018 7:59 pm

ஈகரை உறவுகளுக்கு ஒரு செய்தி.

AR ரஹ்மானின் தாத்தா --ராஜகோபால பாகவதர் --ஹரிகதா காலஷேபம் செய்தவர்.--திருவள்ளூர்வாசி.
அவர் மகன் ராஜ கோபாலகுலசேகர். என்கின்ற RK சேகர்.அவர் மணந்தது கஸ்தூரி என்கின்ற பெண்ணை .திருப்பதி தேவஸ்தான கோவிலில்.RK சேகர் மரணத்திற்கு பின் கஸ்தூரி இஸ்லாமிய மதத்தை தழுவி கரீமா பேகமாக மாறினார்.
இவர்களுக்கு நான்கு குழந்தைகள் ரிஹானா /திலீப் என்கின்ற ரஹ்மான் /ஃ பாத்திமா ரபிஃக் /இஷ்ரத் கத்ரே.
ரிஹானாவின் கணவர் G வெங்கடேஷ் பாடகர் . மகன் GV பிரகாஷ்குமார் --மனைவி பள்ளிக்கூட தோழி சைந்தவி.
AR ரஹ்மானின் தாத்தா ஹரிகதை சொல்லும் ராஜகோபால பாகவதர் என்ற செய்தி -- அக்டொபர்மாதம் 2010 இல் டைம்ஸ் ஆஃப் இந்தியாவில் படித்தது என எந்தன் குறிப்பேடு கூறுகிறது. மற்ற செய்திகள் திரட்டியது விக்கி மூலம்.

ரமணியன்