ஓபிஎஸ் உள்பட 11 எம்.எல்.ஏக்களை தகுதி நீக்க கோரி வழக்கு: சபாநாயகரின் முடிவில் நீதிமன்றம் தலையிடமுடியாது - உயர்நீதிமன்றம்

**ayyasamy ram** · **ayyasamy ram** Fri Apr 27, 2018 7:46 pm

ஓபிஎஸ் உள்ளிட்ட 11 எம்.எல்.ஏக்களை தகுதி நீக்கம்
செய்யக்கோரி திமுக கொறடா தொடர்ந்த வழக்கில்
சபாநாயகரின் முடிவில் நீதிமன்றம் தலையிடமுடியாது
என உயர்நீதிமன்றம் தீர்ப்பளித்துள்ளது.

துணை முதல்வர் ஓபிஎஸ் உட்பட 11 எம்.எல்.ஏக்களை
தகுதி நீக்கம் செய்யக் கோரும் வழக்கில் சென்னை
உயர்நீதிமன்றம் இன்று தீர்ப்பு அளிக்கிறது.

முதல்வர் எடப்பாடி பழனிச்சாமி அரசு கடந்த ஆண்டு
பிப்ரவரி மாதம் தமிழக சட்டப்பேரவையில் நம்பிக்கை
வாக்கெடுப்பு கோரியது. அப்போது அதிமுக கொறடா
உத்தரவை மீறி ஓ. பன்னீர்செல்வம் உட்பட
11 எம்.எல்.ஏக்கள் அரசுக்கு எதிராக வாக்களித்தனர்.

கொறடா உத்தரவை மீறி வாக்களித்த 11 பேரையும் தகுதி
நீக்கம் செய்ய வேண்டும் என்று திமுக கொறடா
ஒட்டன்சத்திரம் சக்கரபாணி சென்னை உயர்நீதிமன்றத்தில்
வழக்கு தொடர்ந்தார்.

இவ்வழக்கு விசாரணை சென்னை உயர்நீதிமன்றத்தில்
நடைபெற்று வந்தது.

அனைத்து தரப்பு வாதங்களும் நிறைவடைந்ததால் இன்று
தீர்ப்பு அளிக்கப்பட்டுள்ளது. ஓ.பன்னீர்செல்வம் உள்ளிட்ட
11 எம்.எல்.ஏ.க்களாக நீடிக்கலாம் என்று தலைமை நீதிபதி
இந்திரா பானர்ஜி தலைமையிலான பெஞ்ச் தீர்ப்பளித்தது.

இந்த வழக்கில் சபாநாயகர் இன்னும் எந்த முடிவும்
எடுக்கவில்லை. இருந்தாலும், சபாநாயகரின் நிர்வாக
முடிவில் தலையிட முடியாது என்று நீதிபதிகள் தீர்ப்பில்
தெரிவித்துள்ளனர்.

இத் தீர்ப்பு குறித்து உச்ச நீதிமன்றத்தில் மேல் முறையீடு
செய்யலாம் என்றும் நீதிபதிகள் தங்கள் தீர்ப்பில்
குறிப்பிட்டுள்ளனர்.
-
--------------------------------
தினமணி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக