வங்கி வாராக்கடன்களை வசூலிக்க துப்பறியும் நிறுவனங்கள்

**ayyasamy ram** · **ayyasamy ram** Thu Apr 26, 2018 8:50 pm

புதுடில்லி :
பஞ்சாப் நேஷனல் வங்கியில் கடன் பெற்று, அதை திருப்பி
செலுத்தாமல் தலைமறைவாக இருப்பவர்களை கண்டு
பிடிக்க, துப்பறியும் நிறுவனங்களை நியமிக்க, வங்கி
நிர்வாகம் முடிவு செய்துள்ளது.

பஞ்சாப் நேஷனல் வங்கியில், 2017 டிசம்பர் வரை, 57 ஆயிரத்து,
519 கோடி ரூபாய் வாராக் கடனாக உள்ளது. இந்த வங்கியின்
மும்பை கிளையில், 13 ஆயிரம் கோடி ரூபாய் கடன் பெற்ற,
வைர வியாபாரிகள், நிரவ் மோடி மற்றும் மெஹுல் சோக்சி
ஆகியோர், வெளிநாடு தப்பிச் சென்றனர்.

இதுவரை, 150 கோடி ரூபாய் வரை கடன் பெற்றிருப்பவர்களின்
பாஸ்போர்ட்டை முடக்கி வைக்க, வங்கி நிர்வாகம் நடவடிக்கை
எடுத்துள்ளது. கடன் பெற்று, அதை திருப்பி செலுத்தாதவர்களின்
பெயர் பட்டியலை, நாளிதழ்களில் வெளியிடுவது மற்றும்
அவர்களது வீடு மற்றும் அலுவலகங்களில், பதாகைகளை
பிடித்தபடி நின்று, கடன்களை வசூல் செய்யும் பணிகளில்,
வங்கி ஊழியர்கள் மும்முரம் காட்டி வருகின்றனர்.

இந்நிலையில், வங்கியில் கடன் பெற்று, தலைமறைவானோர்
பற்றிய விபரங்களை சேகரிக்க, துப்பறியும் நிறுவனங்களின்
உதவியை நாட, பஞ்சாப் நேஷனல் வங்கி முடிவு செய்துள்ளது;

இதில், ஆர்வமுள்ள, துப்பறியும் நிறுவனங்கள், மே, 5 முதல்
விண்ணப்பிக்கலாம் என அறிவிக்கப்பட்டுள்ளது.

துப்பறியும் நிறுவனங்கள், கடன் பெற்று தலைமறைவாக
இருப்போரின், தற்போதைய முகவரி, அவரது, சட்டப்படியான
வாரிசின் முகவரி, அவர்களது சொத்து விபரம் உள்ளிட்ட
தகவல்களை, 60 நாட்களுக்குள் துப்பறிந்து தரவேண்டும்
என வங்கி நிர்வாகம் தெரிவித்துள்ளது.
-
------------------------------
தினமலர்

_________________

வங்கி வாராக்கடன்களை வசூலிக்க துப்பறியும் நிறுவனங்கள்

வங்கி வாராக்கடன்களை வசூலிக்க துப்பறியும் நிறுவனங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக