கத்துவா சிறுமியின் புகைப்படத்தை வெளியிட்ட ஊடகங்களுக்கு ரூ.10 லட்சம் அபராதம்: டெல்லி ஐகோர்ட் அதிரடி

புதுடெல்லி:
8 வயது சிறுமி பாலியல் வன்கொடுமை செய்யப்பட்டு
கொல்லப்பட்ட சம்பவத்தில் சிறுமியின் புகைப்படத்தை
வெளியிட்ட ஊடகங்களுக்கு டெல்லி உயர்நீதிமன்றம்
அபராதம் விதித்துள்ளது.

ஜம்மு காஷ்மீர் மாநிலம் கத்துவா மாவட்டத்தில் 8 வயது
சிறுமி பலாத்காரத்துக்கு உள்ளாகி படுகொலை செய்யப்பட்ட
சம்பவம் தொடர்பான வழக்கு டெல்லி உயர்நீதிமன்றத்தில்
இன்று விசாரணைக்கு வந்தது.

அப்போது, கத்துவா சம்பவத்தில் தொடர்புடைய சிறுமியின்
பெயரையும், புகைப்படத்தையும் வெளியிட்ட
ஊடகங்களுக்குக் கடும் கண்டனம் தெரிவித்த நீதிமன்றம்,
அடையாளத்தை வெளிப்படுத்திய ஊடகங்கள் மன்னிப்புக்
கேட்கும்படி உத்தரவிட்டனர்.

அதோடு, சிறுமியின் அடையாளத்தை வெளிப்படுத்திய
ஊடகங்கள் ஒவ்வொன்றும் தலா ரூ.10 லட்சத்தை ஜம்மு-
காஷ்மீர் நிவாரண நிதியில் சேர்ப்பிக்குமாறு அபராதமும்
விதித்துள்ளது.

பாதிக்கப்பட்டவரின் அடையாளத்தை வெளிப்படுத்தக்
கூடாது என்ற சட்டம் தெரிந்தும், தங்களது அறியாமையாலும்,
பாதிக்கப்பட்ட சிறுமி இறந்துவிட்டதால் அவரது புகைப்
படத்தை வெளியிடலாம் என்ற தவறான கருத்து
காரணமாகவும், புகைப்படத்தை வெளியிட்டதாக ஊடகங்கள்
நீதிமன்றத்தில் மன்னிப்புக் கோரின.

பின்னர், பாலியல் பலாத்கார சம்பவங்களில் பாதிக்கப்
படுவோரின் அடையாளத்தை வெளிப்படுத்துவது
அரசியலமைப்புச் சட்டப்படி தண்டனைக்குரிய குற்றம்
என்பதையும், மீறினால் 6 மாத சிறைத்தண்டனை
விதிக்கப்படும் என்பது குறித்து ஊடகங்கள் விழிப்புணர்வை
ஏற்படுத்த வேண்டும் என்றும் நீதிபதிபதிகள் கீதா மிட்டல்,
சி.ஹர ஷங்கர் அடங்கிய குழு அறிவுரை வழங்கினர்.

மேலும் இவ்வழக்கின் அடுத்த விசாரணை ஏப்ரல் 25ம்
தேதிக்கு ஒத்திவைக்கப்பட்டுள்ளது.
-
---------------------------
தினகரன்

_________________