அட்சய திருதியை விரதம்!

**ayyasamy ram** · **ayyasamy ram** Sun Apr 15, 2018 3:23 am

-

அட்சய திருதியை நாளில், எண்ணெய் தேய்த்து குளித்து,
விஷ்ணு ஸ்தோத்திரம் சொல்லி, விரதம் மேற்கொள்ளலாம்.

பூஜை அறையில் விளக்கேற்றி, விஷ்ணு சகஸ்ரநாமமோ,
அஷ்டோத்தரமோ சொல்லுங்கள். பாயசம் அல்லது
பொங்கல் நைவேத்யமாக சமர்ப்பிக்கலாம்.

அன்று முழுதும், 'ஓம் நமோ நாராயணா...
ஸ்ரீமஹா விஷ்ணுவே நமஹ...' என சொல்ல, நன்மைகள்
கிடைக்கும்.

இந்நாளில், கொஞ்சமாவது தங்கம் வாங்கினால்,
ஆண்டு முழுதும் வீட்டில் தங்க மழை பொழிந்து கொண்டே
இருக்கும் என்பது ஐதீகம்.

இப்படிப்பட்ட அட்சய திருதியை நாமும் கொண்டாடி,
வாழ்வில் நலமும், வளமும் பெறுவோம்!

அட்சய திருதியை நாளில்...

*நலித்தோருக்கு உதவி செய்தால், மறு பிறவியில்,
ராஜயோக வாழ்க்கை அமையும்

* ஆடைகள் தானம் கொடுத்தால், நோய்கள் நீங்கும்

* பழங்கள் தானம் கொடுத்தால், உயர் பதவிகள்
கிடைக்கும்

* நீர் மோர், பானகம் போன்றவை கொடுத்தால்,
கல்வி அறிவு பெருகும்

* தானியங்கள் தானம் கொடுத்தால், அகால மரணம்
ஏற்படாது

* தயிர் சாதம் அளித்தால், பாவ விமோசனமும்,
வாழ்வில் முன்னேற்றமும் ஏற்படும்

* புண்ணிய நதியில் நீராடி, இறைவனை தொழுதால்,
வாழ்வில் குறையாத செல்வம் பெருகும்.

அட்சய திருதியை மகிமை!

அள்ள அள்ள குறையாத செல்வம் தரும் நாள், அட்சய
திருதியை. கண்ணனின் திருவருளால் குசேலன்,
குபேரனான நாள்; நான்கு யுகங்களுள் கிருதாயுகம்
தோன்றிய திருநாள்.

'சயம்' என்றால், தேய்மானத்தையும், 'அட்சயம்' என்றால்,
குறைவில்லாதது என்றும் பொருள். இந்த அட்சய
திருதியை நாள், சூரிய சஞ்சார அடிப்படையில் சித்திரை
மாத வளர்பிறையில், அதாவது, அமாவாசைக்கு பின்,
மூன்றாம் நாள் வருகிறது.
-
------------------------------------
வாரமலர்

_________________

**ayyasamy ram** · **ayyasamy ram** Thu May 02, 2019 12:04 am

-
மே 07, 2019 (செவ்வாய்)- அட்சய திருதியை வருகிறது
----

**ayyasamy ram** · **ayyasamy ram** Thu May 02, 2019 12:08 am

அட்சய திருதியை சிறப்புகள்:

* கர்நாடக மாநிலத்தில் அட்சய திருதியை தினத்தன்று பெண்கள்
ஒரு மண்டபத்தில் கலசம் வைத்து அதில் கௌரி தேவியை எ
ழுந்தருளச் செய்து சொர்ண கௌரி விரதம் கடைபிடிப்பர்.

இதன்மூலம் பார்வதிதேவி, தங்கள் வீட்டுக்கு வருவதாக நம்புகின்றனர்.
குழந்தைப்பேறு, சுமங்கலிப் பாக்கியம், உடல்நலம் ஆகியவற்றுக்காக
கர்நாடக பெண்கள் விரதம் இருப்பர். விரத முடிவில் அட்சய திருதியை
தானமும் வழங்குவர்.

* அட்சய திருதியை தினத்தன்று பவானி சங்கமேஸ்வரர் ஆலயத்தில்
உள்ள முக்கூடல் புண்ணிய தீர்த்தத்தில் நீராடினால் நமது எல்லா
பாவங்களும் விலகிவிடும் என்பது ஐதீகம்.

* நவ திருப்பதிகளில் ஒன்றான திருக்கோளூர், தூத்துக்குடி மாவட்டம்
ஆழ்வார் திருநகரி அருகில் உள்ளது. பெருமாள், குபேரனுக்கு
மரக்கால் என்ற அளவை பாத்திரம் கொண்டு செல்வத்தை அளந்து
கொடுத்தார்.

அந்த மரக்காலை தன் தலைக்கு அடியில் வைத்தபடி படுத்திருப்பார்.
இவரை வைத்தமாநிதி என்றும், செல்வம் அளித்த பெருமாள் என்றும்
அழைப்பர்.

அட்சய திருதியை நாளில் இவரை தரிசித்தால் வாழ்வில் வளம்சேரும்.
-
தினகரன்

Sponsored content · Sponsored content

அட்சய திருதியை விரதம்!

அட்சய திருதியை விரதம்!

Re: அட்சய திருதியை விரதம்!

Re: அட்சய திருதியை விரதம்!

Re: அட்சய திருதியை விரதம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக