பத்தே நிமிடத்தில் ரெடியாகும் ஸ்பெஷல் இறால் தொக்கு - செய்வது எப்படி?

அசைவ உணவுகளிலேயே அதிகமான சுவை கொண்டது இறால். குறிப்பாக, குழந்தைகள் மிகவும் விரும்பி சாப்பிடுவார்கள். அந்த இறால் தொக்கை எளிமையாக எப்படி செய்யலாம்,.
தேவையானப்பொருட்கள் :
இறால் : 500 கிராம்
சின்ன வெங்காயம்: 250 கிராம்
தக்காளி : 2
பூண்டு : 10 பல்
இஞ்சி : 3 அங்குல துண்டு
சீரகம் : 2 டீஸ்பூன்
மிளகு : 3 டீஸ்பூன்
கடுகு : 1 டீஸ்பூன்
மிளகாய்த்தூள் : 2 டீஸ்பூன்
தனியாத்தூள் : 2 டீஸ்பூன்
மஞ்சள் தூள்: 1/2 டீஸ்பூன்
தேங்காய் பால் : 1 டேபிள்ஸ்பூன்
கறிவேப்பிலை : சிறிது
கொத்தமல்லி : சிறிது
செய்யும் முறை:
இறாலை நன்றாக சுத்தம் செய்து வைத்து கொள்ளவும்.
மிக்ஸியில் 15 சின்ன வெங்காயம் ஒரு டீஸ்பூன் சீரகம்; 3 டீஸ்பூன் மிளகு ; இஞ்சி மற்றும் பூண்டு போட்டு நன்றாக அரைத்து கொள்ளவும்.
அடிகனமான வானலியில்(கடாய்) இரண்டு டேபிள்ஸ்பூன் எண்ணெய் ஊற்றி சூடானதும் அதில் கடுகு சீரகம் கறிவேப்பிலை சேர்த்து தாளித்து நறுக்கிய வெங்காயம் சேர்த்து பொன்னிறமாக வதக்கவும்.
பிறகு நறுக்கிய தக்காளி சேர்த்து வதக்கவும்.
நன்றாக வதங்கியதும் அரைத்த விழுதை சேர்த்து நன்றாக வதக்கவும்.
பச்சை வாசனை போனதும் மஞ்சள் தூள் மிளகாய்த்தூள் தனியாத்தூள் அனைத்தையும் ஒன்றன் பின் ஒன்றாக போட்டு நன்றாக வதக்கவும்.
பின்னர் சுத்தம் செய்து வைத்துள்ள இறால் சேர்த்து நன்றாக வதக்கவும்.
ஐந்து நிமிடம் கழித்து தேவையான உப்பு சேர்த்து சிறிது தண்ணீர் தெளித்து நன்றாக கலக்கி மூடி வைத்து மிதமான சூட்டில் வேக வைக்கவும்.
இறால் வேக குறைந்த நேரம் தான் ஆகும். பத்து நிமிடத்தில் தயாராகி விடும்.
தேங்காய் பால் சேர்த்து சிறிது நேரம் கொதிக்க வைத்து இறுதியில் கொத்தமல்லி தழை தூவி இறக்கவும்
சுவையான இறால் தொக்கு ரெடி.
நன்றி
புன்னகை