30 வருடம் இழுத்தடிக்கப்பட்ட கொலை வழக்கில் சிறை செல்கிறார் சித்து

-
புதுடில்லி:
பஞ்சாப் மந்திரியும், மாஜி கிரிக்கெட் வீரருமான சித்து
மீதான முதியவர் கொலை வழக்கில் சுப்ரீம் கோர்ட்டில்
பஞ்சாப் அரசு 3 ஆண்டு தண்டனை வழங்க வேண்டும்
என வாதிட்டது.

இதனால் அவர் சிறைக்கு செல்வது உறுதியாகியுள்ளது.

கடந்த 1988-ம் ஆண்டு கிரிக்கெட்டில் உச்சத்தில் இருந்த
சித்து , குர்னாம்சி்ங்,66 என்ற முதியவருடன் ஏற்பட்ட
வாக்குவாதம் முற்றியதில் தாக்கினார்.

இதில் காயமடைந்து மருத்துவமனையில் அந்த முதியவர்
இறந்தார்.

பஞ்சாப், அரியானா ஐகோர்ட்டில் நடந்த வழக்கில்
2006-ம் ஆண்டு சித்துவுக்கு 3 ஆண்டுசிறை தண்டனை
விதித்து தீர்ப்பளிக்கப்பட்டது.

தண்டனையை எதிர்த்து சுப்ரீம் கோர்ட்டில் தொடந்த
வழக்கில் நேற்று நடந்த விசாரணை நீதிபதிகள்
செல்லமேஸ்வரர், எஸ்.கே.கவுல் ஆகியோர் அடங்கிய
பெஞ்ச் முன் நடந்தது., சித்து வழக்கறிஞர் கூறுகையில்,
தாக்கியதில் முதியவர் இறக்கவில்லை. மாரடைப்பால்
இறந்தார் என்றார்.

பஞ்சாப் காங். அரசு வழக்கறிஞர் கூறியது, சித்து
தாக்கியதில் மூளையில் ஏற்பட்ட பாதிப்பால் இறந்தார்
எனவே ஐகோர்ட் விதித்த 3 ஆண்டு தண்டனையை
அனுபவித்தே ஆக வேண்டும் என வாதிட்டார்.

சொந்த மாநிலத்தில் கலாச்சாரம் மற்றும் சுற்றுலாத்துறை
மந்திரியான சித்துவுக்கு எதிராக பஞ்சாப் அரசே சுப்ரீம்
கோர்ட்டில் வாதிட்டு சிறை தண்டனையை உறுதி செய்ய
வைத்தது அதிர்ச்சியை ஏற்படுத்தியது.

இதனால் சித்துவுக்கு எதிராக சுப்ரீம் கோர்ட் தீர்ப்பளிக்கும்
பட்சத்தில் அவர் சிறைக்கு செல்லும் நிலை ஏற்பட்டுள்ளது.

இது குறித்து காங். மூத்த தலைவர் கூறியது, சட்டத்தின்
படியே பஞ்சாப் அரசு செயல்பட்டது. உ.பி.யில் பா.ஜ.
முதல்வர் ஆதித்யநாத் , பலாத்கார வழக்கில் சிக்கிய தனது
கட்சி எம்.எல்.ஏ.வை வழக்கில் இருந்து காப்பற்ற முயற்சித்தது
போன் நாங்கள் செயல்படவில்லை என்றார்.
-
-----------------------------------
தினமலர்