மோடி வருகைக்கு எதிர்ப்பு: உலக அளவில் டுவிட்டரில் ட்ரெண்டான GoBackModi

மோடி வருகைக்கு எதிர்ப்பு தெரிவித்து GoBackModi என்ற
ஹேஷ்டேக் உருவாக்கப்பட்டு இருந்தது அந்த ஹேஷ்டேக்
உலக அளவில் டுவிட்டர் ட்ரெண்டிங்கில் இடம் பிடித்தது.

ஏப்ரல் 12, 2018, 12:38 PM

பலத்த எதிர்ப்புகளுக்கு மத்தியில் பிரதமர் மோடி, சென்னை
விமானநிலையம் வந்திறங்கினார்.

பிரதமர் மோடி, விமான நிலையத்தில் வந்திறங்கிய சமயத்தில்
அந்தப் பகுதியைச் சுற்றி கறுப்பு பலூன்கள் பறக்கவிடப்பட்டன.

அவருக்கு முதல்வர் எடப்பாடி பழனிசாமி, துணை முதல்வர்
ஓ.பன்னீர்செல்வம், ஆளுநர் பன்வாரிலால் புரோஹித், தலைமைச்
செயலாளர் கிரிஜா வைத்தியநாதன், மத்திய அமைச்சர்
பொன்.ராதாகிருஷ்ணன் ஆகியோர் பூங்கொத்து கொடுத்து
வரவேற்றனர்.

பிரதமர் மோடியின் வருகைக்கு எதிர்ப்பு தெரிவித்து, சென்னை
பரங்கிமலைப் பகுதிகளில் நூற்றுக்கும் மேற்பட்டவர்கள்
கறுப்புக்கொடி காட்டி போராட்டத்தில் ஈடுபட்டு வருகின்றனர்.

சென்னை விமான நிலையத்தின் உள்நாட்டு முனைய வருகை
பகுதியில் கருப்புக் கொடி ஏந்தி போராட்டம் நடத்திய
இயக்குநர்கள் பாரதிராஜா, அமீர், வெற்றிமாறன், ராம் ஆகியோர்
கைது செய்யப்பட்டனர்.

சென்னை விமான நிலையம் அருகே போராட்டம் நடத்திய
நாம் தமிழர் கட்சி ஒருங்கிணைப்பாளர் சீமான் உள்ளிட்டோர்
கைது.

பிரதமர் மோடி, 10 மணிக்கு முன்னதாக விமானநிலையம்
வந்தடைவார் என்று எதிர்பார்க்கப்படுகிறது. இந்தநிலையில்,
விமானநிலையத்தைச் சுற்றிய பகுதிகளில் பெரும் பரபரப்பு
ஏற்பட்டுள்ளது.

விமானநிலைய வரவேற்புக்கு பிறகு ஹெலிகாப்டர் மூலம்
திருவிடந்தை சென்றார் பிரதமர். அங்கு தமிழ்த்தாய் வாழ்த்துடன்
ராணுவ கண்டகாட்சி தொடங்கியது. ராணுவ தளவாட கண்
காட்சியை அதிகாரப்பூர்வமாக தொடங்கி வைக்கிறார் பிரதமர்.

ராணுவ தளவாட கண்காட்சி விழாவில் பிரதமர் மோடி, ஆளுநர்
பன்வாரிலால் புரோகித், முதலமைச்சர் பழனிசாமி பங்கேற்று உள்ளனர்.

மோடி வருகைக்கு எதிர்ப்பு தெரிவித்து #GoBackModi என்ற
ஹேஷ்டேக் உருவாக்கப்பட்டு இருந்தது.
அந்த ஹேஷ்டேக் இந்திய அளவில் டுவிட்டர் ட்ரெண்டிங்கில்
இடம்பிடித்தது.

மதியம் 12 மணிக்கு பிறகு #GoBackModi ஹேஷ்டேக் உலக
அளவில் டுவிட்டர் ட்ரெண்டிங்கில் இடம்பிடித்தது.
-
------------------------------------------
தினத்தந்தி

பிரதமர் வருகைக்கு எதிர்ப்பு; அண்ணா அறிவாலயம், கருணாநிதி வீட்டில் கருப்பு கொடி ஏற்றப்பட்டது
--
சுப்ரீம் கோர்ட்டு உத்தரவிட்ட பின்னரும் காவிரி மேலாண்மை
வாரியம் அமைக்காத பிரதமரின் தமிழக வருகைக்கு எதிர்ப்பு
தெரிவித்து கருப்பு கொடி காட்ட வேண்டும் என்று தி.மு.க.
செயல் தலைவர் மு.க. ஸ்டாலின் கூறினார்.

பிரதமர் மோடி தமிழ்நாட்டுக்கு வரும் நாளை துக்க நாளாக
கடைபிடிக்கும் வகையில், 12-ம் தேதியன்று எல்லோருடைய
வீடுகளிலும் கருப்பு கொடி ஏற்ற வேண்டுமென்றும்,
அனைவரும் கருப்பு உடையணிய வேண்டும் என்றும், கருப்பு
பேட்ஜ் அணிந்து எதிர்ப்பை தெரிவிக்க வேண்டும் என்றும்
தி.மு.க. தலைமை கழகம் சார்பில் அறிவிக்கப்பட்டது.

இதற்காக தி.மு.க.வின் தலைமையகம் அமைந்திருக்கும்
சென்னையில் உள்ள அண்ணா அறிவாலயம் மற்றும்
கோபாலபுரத்தில் உள்ள கருணாநிதி வீட்டில் இன்று கருப்பு
கொடி ஏற்றப்பட்டது.
-
--------------------
தினத்தந்தி

மோடி ஒரு தேசிய அவமானம்

SK wrote:மோடி ஒரு தேசிய அவமானம்

என்ன SK அவர்கள்எல்லோரும் மோடி தான் இந்தியாவின் அடையாளம் என்று சொல்லிக்கிட்டு இருக்காங்க நீங்க பொசுக்குன்னு இப்படி சொல்லிப்புட்டீங்க

அடுத்த தேர்தலில் சுஸ்மாஜி அவர்களை பிரதமர் வேட்பாளராக அறிவித்தால் BJP வெற்றிபெற வாய்ப்புள்ளது ; மறுபடியும் மோடி என்றால் BJP வெல்ல இயலாது .