சென்னை அணி 'திரில்' வெற்றி

**ayyasamy ram** · **ayyasamy ram** Sun Apr 08, 2018 3:35 am

First topic message reminder :

ஐ.பி.எல் -2018 !! - Page 9 Tamil_News_large_1995323

-
மும்பை:
ஐ.பி.எல்., தொடரின் மும்பை அணிக்கு எதிரான முதல்
போட்டியில் சென்னை அணி, 1 விக்கெட் வித்தியாசத்தில்
வெற்றி பெற்றது.

இந்தியாவில் ஐ.பி.எல்., உள்ளூர் 'டுவென்டி-20' தொடரின்
11வது சீசன் துவங்கியது. மும்பை வான்கடே மைதானத்தில்
முதல் போட்டி நடந்தது.

மும்பை அணி, 20 ஓவரில், 4 விக்கெட்டுக்கு 165 ரன்கள் எடுத்தது.
அடுத்து களமிறங்கிய சென்னை அணி, 19.5 ஓவரில்
9 விக்கெட்டுக்கு, 169 ரன்கள் எடுத்து வெற்றி பெற்றது.
-
------------------------------
தினமலர்
-

**ayyasamy ram** · **ayyasamy ram** Thu May 10, 2018 12:48 pm

‘பிளே ஆப்’ சுற்றுக்கு வாய்ப்புள்ள அணிகள் பற்றிய விவரம்:-
-
சன்ரைசர்ஸ் ஐதராபாத்:
-
ஐ.பி.எல் -2018 !! - Page 9 201805101214475526_1_hyd._L_styvpf

-

ஐதராபாத் அணி 8 வெற்றி, 2 தோல்வியுடன் 16 புள்ளிகளை
பெற்று முதல் இடத்தில் இருக்கிறது. ரன் ரேட்டிலும் நல்ல
நிலையில் இருக்கிறது.

இன்னும் 4 ஆட்டங்கள் எஞ்சியுள்ளன. இன்றைய ஆட்டத்தில்
டெல்லியையும், 13-ந்தேதி சென்னையையும், 17-ந்தேதி
பெங்களூரையும், 19-ந்தேதி கொல்கத்தாவையும் சந்திக்கிறது.

பிளே ஆப் சுற்று வாய்ப்பை ஐதராபாத் அணி கிட்டத்தட்ட
உறுதி செய்துவிட்டது. இன்னும் ஒரு ஆட்டத்தில் வென்றால்
அதாவது 18 புள்ளிகளை பெற்றால் அதிகாரப்பூர்வமாக
நுழைந்து விடும்.

அபாரமான பந்து வீச்சை வைத்து அந்த அணி முத்திரை
பதித்து வருகிறது.
-
--------------------------------------------

**ayyasamy ram** · **ayyasamy ram** Thu May 10, 2018 12:49 pm

சென்னை சூப்பர் கிங்ஸ்:
-
ஐ.பி.எல் -2018 !! - Page 9 201805101214475526_2_MSDhoni._L_styvpf

-

சென்னை அணி 7 வெற்றி, 3 தோல்வியுடன் 14 புள்ளிகள் பெற்று
2-வது இடத்தில் இருக்கிறது. இன்னும் 4 ஆட்டம் எஞ்சியுள்ளன.

இதில் ஒரு ஆட்டத்தில் வெற்றி பெற்றாலே ‘பிளே ஆப்’
சுற்றை உறுதி செய்யலாம். சென்னை சூப்பர் கிங்ஸ் இனி வரும்
ஆட்டங்களில் ராஜஸ்தான் (11-ந்தேதி), ஐதராபாத், (13-ந்தேதி),
டெல்லி (18-ந்தேதி), பஞ்சாப், (20-ந்தேதி) அணிகளுடன் மோத
வேண்டும்.

இதில் சில ஆட்டங்கள் சவாலாக இருக்கும். டோனி அதிரடியாக
விளையாடி வருவது சென்னை அணிக்கு கூடுதல் பலமாக
இருக்கிறது.
-
-----------------------------------

**ayyasamy ram** · **ayyasamy ram** Thu May 10, 2018 12:50 pm

கிங்ஸ் லெவன் பஞ்சாப்:
-
ஐ.பி.எல் -2018 !! - Page 9 201805101214475526_3_KXI._L_styvpf

-

அஸ்வின் தலைமையிலான பஞ்சாப் அணி 6 வெற்றி 4 தோல்வியுடன்
12 புள்ளிகள் பெற்று மூன்றாவது இடத்தில் உள்ளது.

4 ஆட்டத்தில் இரண்டில் கண்டிப்பாக வெல்ல வேண்டிய நிலை
அந்த அணிக்கு உள்ளது.

பஞ்சாப் அணிக்கு கொல்கத்தாவை 11-ந்தேதியும், பெங்களூரை
14-ந்தேதியும், மும்பையை 16-ந்தேதியும், சென்னையை 20-ந்தேதியும்
சந்திக்கிறது. இதில் கொல்கத்தா, மும்பையுடன் மோதும்
ஆட்டங்கள் முக்கியமானதாக அமையும்.

ஒரே ஒரு ஆட்டத்தில் மட்டுமே வென்றால் 14 புள்ளிகளை பெறும்.
அப்போது மற்ற அணிகளின் ஆட்டத்தை பொறுத்து அந்த அணியின்
நிலை இருக்கும்.
-
-------------------------------------

**ayyasamy ram** · **ayyasamy ram** Thu May 10, 2018 1:01 pm

மும்பை இந்தியன்ஸ்:

-
ஐ.பி.எல் -2018 !! - Page 9 201805101214475526_4_MI._L_styvpf

-

5 வெற்றி, 6 தோல்வியுடன் 10 புள்ளிகள் பெற்று 4-வது இடத்தில்
உள்ளது. இன்னும் 3 ஆட்டங்கள் எஞ்சியுள்ளன.
ராஜஸ்தான், பஞ்சாப், டெல்லி அணிகளுடன் மோத வேண்டும்.

இந்த 3 ஆட்டத்திலும் வெற்றி பெற வேண்டிய நிலை இருக்கிறது.

தொடர்ச்சியாக 3 ஆட்டத்தில் வெற்றி பெற்றுள்ளது.
கொல்கத்தாவுக்கு எதிராக நேற்று மிகப் பெரிய வெற்றியை
பெற்றதால் ரன் ரேட்டில் நல்ல முன்னேற்றம் ஏற்பட்டது
. அந்த அணி 4-வது இடத்துக்கு தற்போது முன்னேறி
இருக்கிறது.

**ayyasamy ram** · **ayyasamy ram** Thu May 10, 2018 1:02 pm

கொல்கத்தா நைட்ரைடர்ஸ்:

-
ஐ.பி.எல் -2018 !! - Page 9 201805101214475526_5_KR._L_styvpf

-

மும்பையை போலவே தினேஷ் கார்த்திக் தலைமையிலான
கொல்கத்தாவும் 10 புள்ளியுடன் (5 வெற்றி, 6 தோல்வி) இருக்கிறது.

மும்பைக்கு எதிராக நேற்று மோசமாக தோற்றதால் ரன் ரேட்டில்
பாதிப்பு ஏற்பட்டு 5-வது இடத்துக்கு பின் தங்கியது.

அந்த அணிக்கு எஞ்சிய 3 ஆட்டங்கள் (பஞ்சாப், ராஜஸ்தான்,
ஐதராபாத்) உள்ளது, இந்த மூன்றிலும் வெல்ல வேண்டிய
நெருக்கடி உள்ளது. பஞ்சாப், ராஜஸ்தானுடன் மோதும் ஆட்டம்
முக்கியமானதாகும்.
-
---------------------------

**ayyasamy ram** · **ayyasamy ram** Thu May 10, 2018 1:04 pm

ராஜஸ்தான் ராயல்ஸ்:
-
ஐ.பி.எல் -2018 !! - Page 9 201805101214475526_6_RR._L_styvpf

-

ரகானே தலைமையிலான ராஜஸ்தான் ராயல்ஸ் 4 வெற்றி,
6 தோல்வியுடன் 8 புள்ளிகள் பெற்று 6-வது இடத்தில் உள்ளது.

அந்த அணி இன்னும் 4 ஆட்டங்கள் (சென்னை, மும்பை,
கொல்கத்தா, பெங்களூர்) உள்ளன. இதில் 3 அல்லது 4 ஆட்டத்தில்
வெல்ல வேண்டிய கட்டாயம் இருக்கிறது. ரன்ரேட்டில் அந்த
அணி மைனசில் இருப்பது பாதகமானதே,
-
-----------------------------

**ayyasamy ram** · **ayyasamy ram** Thu May 10, 2018 1:05 pm

ராயல் சேலஞ்சர்ஸ் பெங்களூர்:
-
ஐ.பி.எல் -2018 !! - Page 9 201805101214475526_7_RB._L_styvpf

-

3 வெற்றி, 7 தோல்வியுடன் 6 புள்ளிகள் பெற்று இருக்கிறது.
4 ஆட்டம் எஞ்சி உள்ளது. அந்த அணிகள் ‘பிளே ஆப்’
சுற்றில் நுழைவதற்கான வாய்ப்பு குறைந்து 4 ஆட்டத்திலும்
வென்றால் தான் 14 புள்ளிகளை பெற முடியும்.
-
----------------------------

**ayyasamy ram** · **ayyasamy ram** Thu May 10, 2018 1:06 pm

டெல்லி டேர்டெவில்ஸ்:
-
ஐ.பி.எல் -2018 !! - Page 9 201805101214475526_8_DD._L_styvpf

-

பெங்களூர் அணியை போலவே டெல்லி அணி இருக்கிறது.
பிளே ஆப் வாய்ப்பை பெறுவது கடினம்.

தகுதி பெறா விட்டாலும் அந்த அணியின் சில வெற்றிகள்
மற்ற அணிகளுக்கு சாதக, பாதகங்களை ஏற்படுத்தலாம்
-
--------------------------

மாலை மலர்

**ரா.ரமேஷ்குமார்** · 23/01/2011

IPL 2018 இப்பொழுது தான் பரபரப்பான கட்டத்தை எட்டியுள்ளது ... இனி வரும் போட்டிகளில் பல சில அணிகளுக்கு வாழ்வா சாவா என்றே இருக்கும் ... சிரி

**ayyasamy ram** · **ayyasamy ram** Fri May 11, 2018 3:38 am

டெல்லி அணிக்கு எதிரான ஐபிஎல் போட்டி: ஐதராபாத் அணி 9 விக்கெட் வித்தியாசத்தில் அபார வெற்றி
-
டெல்லி:
டெல்லி அணிக்கு எதிரான ஐபிஎல் போட்டியில் ஐதராபாத்
அணி 9 விக்கெட் வித்தியாசத்தில் வெற்றி பெற்றுள்ளது.

முதலில் டாஸ் வென்ற டெல்லி டேர் டெவில்ஸ் அணி
பேட்டிங்கை தேர்வு செய்தது. இதனை அடுத்து களமிறங்கிய
டெல்லி டேர்டெவில்ஸ் அணி 20 ஓவர்களில் 5 விக்கெட்
இழப்பிற்கு 187 ரன்கள் எடுத்தது.

அதிரடியாக விளையாடிய ரிசப் பண்ட் சதம்(128) விளாசினார்.
188 ரன்கள் என்ற வெற்றி இலக்குடன் சன் ரைசர்ஸ் ஐதராபாத்
அணி களமிறங்கியது.

ஐதராபாத் அணி 18.5 ஓவர்களில் 1 விக்கெட்டை இழந்து
191 ரன்கள் எடுத்து வெற்றி பெற்றுள்ளது.

தவான் மற்றும் வில்லியம்சன் அதிரடியாக விளையாடி
அரைசதம் அடித்தனர். ஐதராபாத் அணியில் அதிகப்பட்சமாக
தவான் 92 ரன்கள், வில்லியம்சன் 80 ரன்கள் எடுத்தனர்.

இந்த வெற்றியின் மூலம் ஐதராபாத் அணி தரவரிசை
பட்டியலில் முதலிடத்தை தக்கவைத்துள்ளது.
-
-------------------------------------
தினகரன்

Sponsored content · Sponsored content

ஐ.பி.எல் -2018 !!

சென்னை அணி 'திரில்' வெற்றி

Re: ஐ.பி.எல் -2018 !!

Re: ஐ.பி.எல் -2018 !!

Re: ஐ.பி.எல் -2018 !!

Re: ஐ.பி.எல் -2018 !!

Re: ஐ.பி.எல் -2018 !!

Re: ஐ.பி.எல் -2018 !!

Re: ஐ.பி.எல் -2018 !!

Re: ஐ.பி.எல் -2018 !!

Re: ஐ.பி.எல் -2018 !!

Re: ஐ.பி.எல் -2018 !!

Re: ஐ.பி.எல் -2018 !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக