தவறான சிகிச்சையால் பெண் இறந்ததாக புகார்:

தவறான சிகிச்சையால் பெண் இறந்ததாக புகார்: தனியார் ஆஸ்பத்திரியில் உறவினர்கள் “திடீர்” ரகளை- கம்ப்யூட்டர்கள் சேதம்: போலீசாருடன் தள்ளுமுள்ளு சிவகங்கை மாவட்டம் தேவகோட்டை சரஸ்வதி வாசகசாலை பகுதியை சேர்ந்தவர் கருணாநிதி மனைவி தமிழ்செல்வி (வயது 32). இவர் லேப்ராஸ் கோப்பிக் அறுவை சிகிச்சை செய்து கொள்வதற்காக கடந்த 10-ந்தேதி காரைக்குடி வ.உ.சி. ரோட்டில் உள்ள ஒரு தனியார் ஆஸ்பத்திரியில் அனுமதிக்கப்பட்டார். 11-ந் தேதி தமிழ்செல்விக்கு அறுவை சிகிச்சை நடந்தது. 12-ந்தேதி அவரது உடல் நிலை மிகவும் மோசமானது. 
டாக்டர்கள் அவருக்கு தீவிர சிகிச்சை அளித்தும் நேற்று மாலை தமிழ் செல்வி இறந்தார். ஆனால் அவர் டாக்டர்களின் தவறான சிகிச்சை யால்தான் இறந்து விட்டார் என்ற தகவல் பரவியது. இதனால் அந்த தனியார் ஆஸ்பத்திரி முன்பு உறவினர்கள் ஏராள மானோர் திரண்டனர். இதையடுத்து ஆஸ்பத்திரிக்குள் புகுந்த அவர்கள் ஊழியர்களுடன் தகராறு செய்து ரகளையிலும் ஈடுபட்டனர். இதில் ஆஸ்பத்திரியில் இருந்த கம்ப்யூட்டர்கள் அடித்து நொறுக்கப்பட்டு சேதமடைந்தது. இதுபற்றிய தகவல் கிடைத்ததும் சம்பவ இடத்துக்கு காரைக்குடி துணைபோலீஸ் சூப்பிரண்டு மாறன் போலீஸ் படையினருடன் வந்தார். தொடர்ந்து அவர் ரகளையில் ஈடுபட்ட வர்களிடம் சமரசபேச்சு நடத்தினார். ஆனால் அதனை ஏற்காத தமிழ்செல்வியின் உறவினர்கள் மீண்டும் மோதல் போக்கை கடை பிடித்தனர். இதனால் போலீசாருக்கும் அவர்களுக்கும் இடையே தள்ளுமுள்ளு ஏற்பட்டது. 
இதற்கிடையே அங்கு வந்த இந்திய கம்யூனிஸ்டு கட்சியின் மாநில நிர்வாகக்குழு உறுப்பினர் ராமச்சந்திரன், நகர செயலாளர் சீனிவாசன் நகர்க்குழு உறுப்பினர் கண்ணன், ஆகியோர் தமிழ்ச்செல்வியின் உடலை உறவினர்கள் பெறக்கூடாது என்று கூறினர். 
தமிழ்செல்வி எப்படி இறந்தார்? தவறு செய்தவர்களை தண்டிக்க வேண்டும். நியாயம் கிடைக்க வேண்டும் என்று கூறினார். இதனால் அங்கு பரபரப்பு ஏற்பட்டது. 
தனது மகள் இறந்தது குறித்து விசாரணை நடத்த வேண்டும் என்று தமிழ்செல்வியின் தந்தை அண்ணாதுரை காரைக்குடி வடக்கு போலீசில் புகார் கொடுத்தார். அதன்பேரில் இன்ஸ்பெக்டர் அண்ணாத் துரை வழக்குப்பதிவு செய்து விசாரணை நடத்தி வருகிறார்.