'ரூபஸ்ரீ' திருமண திட்டம் துவக்கி வைத்தார் மம்தா

கோல்கட்டா:
மேற்கு வங்கத்தில், ஏழைப் பெண்களுக்கு திருமண உதவித்
தொகை வழங்கும், 'ரூபஸ்ரீ' திட்டத்தை, முதல்வர் மம்தா பானர்ஜி,
துவக்கி வைத்தார்.

மேற்கு வங்கத்தில், முதல்வர் மம்தா பானர்ஜி தலைமையில்,
திரிணமுல் காங்., ஆட்சி நடக்கிறது. இங்கு, ஏழை சிறுமியரின் க
ல்விக்கு உதவும், கன்யாஸ்ரீ என்ற திட்டத்தை, முதல்வர்
மம்தா பானர்ஜி சமீபத்தில் துவங்கினார்.

ஏழை சிறுமியரின், 18 வயதிற்குள்ளாகவே திருமணம் நடப்பதை
தடுக்கவும், அவர்களுக்கு கல்வி அறிவு கிடைக்க வகை செய்யவும்,
இத்திட்டம் அறிமுகப் படுத்தப்பட்டது.

இதன்படி, ஏழைச் சிறுமியரின் கல்விக்காக, 25 ஆயிரம் ரூபாய்
வழங்கப்படுகிறது. பின், ஆண்டுக்கு, 500 ரூபாய், உதவித்
தொகையும் வழங்கப்படுகிறது. இத்திட்டம், மிகுந்த வரவேற்பையும்,
பாராட்டையும் பெற்றது.இதையடுத்து,

முதல்வர் மம்தா பானர்ஜியின் கனவுத் திட்டமான, ரூபஸ்ரீ திட்டம்
அறிவிக்கப்பட்டது. இதன்படி, 18 வயது பூர்த்தியான, ஏழைப்
பெண்களுக்கு, திருமண உதவித் தொகையாக, 25 ஆயிரம் ரூபாய்
வழங்கப்படுகிறது.

இந்த உதவித் தொகையை பெற, கல்வி தகுதி எதுவும் கிடையாது.
ஆண்டுக்கு, 1.5 லட்சம் ரூபாய்க்கும் குறைவான வருமானம் ஈட்டும்
ஏழை குடும்பத்தைச் சேர்ந்த பெண்கள், இந்த உதவித் தொகையை
பெற, விண்ணப்பிக்கலாம்.

விண்ணப்ப படிவங்களை, நகராட்சி அலுவலகங்கள், வட்டார
வளர்ச்சி அதிகாரி அலுவலகங்கள் மற்றும் துணை மண்டல
அதிகாரி அலுவலகங்களில் பெற்றுக் கொள்ளலாம்.

இத்திட்டத்திற்காக, 1,500 கோடி ரூபாய் நிதி ஒதுக்கப்பட்டுள்ளது.
இதன் மூலம் ஆறு லட்சம் ஏழைப் பெண்கள் பயனடைவர்.
இத்திட்டத்தை, முதல்வர் மம்தா பானர்ஜி துவக்கி வைத்தார்.
-
------------------------------------------
தினமலர்

இங்கிருந்து இலவசங்கள் இப்போது இந்திய முழுக்க பரவுகிறது