கேரள அமைச்சர்கள், எம்.எல்.ஏ.,க்களுக்கு 2 மடங்கு ஊதிய உயர்வு

**ayyasamy ram** · **ayyasamy ram** Thu Mar 29, 2018 6:51 am

திருவனந்தபுரம்:
கேரள அமைச்சர்கள், எம்.எல்.ஏ.,க்களின் மாதச் சம்பளத்தை,
இரண்டு மடங்கு உயர்த்தும் மசோதா, அம்மாநில சட்டசபையில்
நிறைவேறியது.

கேரளாவில், முதல்வர் பினராயி விஜயன் தலைமையிலான,
இடது ஜனநாயக முன்னணி ஆட்சி நடக்கிறது. இங்கு,
அமைச்சர்கள், எம்.எல்.ஏ.,க்களின் மாதச் சம்பளம், 2012ல்
உயர்த்தப்பட்டது.

அதன் பின், இந்த ஐந்து ஆண்டு காலத்தில், ஏற்பட்டுள்ள
விலைவாசி உயர்வை கருத்தில் வைத்து, சட்டசபை
உறுப்பினர்களின் ஊதியத்தை உயர்த்த முடிவு செய்யப்பட்டது.

இதற்காக, ஓய்வுபெற்ற நீதிபதி, ஜே.எம்.ஜேம்ஸ் தலைமையில்,
கமிஷன் அமைக்கப்பட்டது. இந்த கமிஷனின் பரிந்துரையின்
அடிப்படையில், ஊதிய உயர்வு மசோதா, கேரள சட்டசபையில்
நேற்று தாக்கல் செய்யப்பட்டது.

அமைச்சர்களின் சம்பளம் மற்றும் படிகளை, 55 ஆயிரம்
ரூபாயிலிருந்து, 90 ஆயிரத்து 500 ரூபாயாக உயர்த்தவும்,
எம்.எல்.ஏ.,க்களின் சம்பளம் மற்றும் படிகளை,
39 ஆயிரத்து 500 ரூபாயிலிருந்து, 70 ஆயிரம் ரூபாயாக
உயர்த்தவும் பரிந்துரை செய்யப்பட்டிருந்தது.

இந்த மசோதா, கேரள சட்டசபையில், நேற்று ஒருமனதாக
நிறைவேற்றப்பட்டது. சம்பள உயர்வு, ஏப்ரல் 1 முதல் அமலுக்கு
வருகிறது.
-
----------------------------------
தினமலர்

SK · SK Thu Mar 29, 2018 11:32 am

இந்த மசோதா, கேரள சட்டசபையில், நேற்று ஒருமனதாக
நிறைவேற்றப்பட்டது.

இதுவே மக்கள் பிரச்சனைக்கு இப்படி ஒருமனதாக ஆதரவு கொடுப்பீர்களா

கேரள அமைச்சர்கள், எம்.எல்.ஏ.,க்களுக்கு 2 மடங்கு ஊதிய உயர்வு

கேரள அமைச்சர்கள், எம்.எல்.ஏ.,க்களுக்கு 2 மடங்கு ஊதிய உயர்வு

Re: கேரள அமைச்சர்கள், எம்.எல்.ஏ.,க்களுக்கு 2 மடங்கு ஊதிய உயர்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக