ஆவி பிடிப்பதை தவிர்ப்பது நல்லது!

**T.N.Balasubramanian** · **T.N.Balasubramanian** Fri Jan 19, 2018 2:44 pm

ஆவி பிடிப்பதை தவிர்ப்பது நல்லது!

பனிக்காலத்தில் சரும பராமரிப்பு குறித்து கூறும், ஆயுர்வேதமருத்துவர் ரேகா ராவ்: பனிக்காலத்தில், குளிர்ச்சியான உணவுகளை தவிர்ப்பது நல்லது. தேங்காய் எண்ணெய், நல்லெண்ணெய் நல்லது; கடலை எண்ணெய் வேண்டாம். இரவில் கீரை மற்றும் தயிர் சாப்பிட வேண்டாம்.இறந்த செல்களை நீக்க, முட்டையின் வெள்ளைக்கரு, தேன் மற்றும் எலுமிச்சை சாறு தலா ஒரு ஸ்பூன் கலந்து, முகத்தில் தேய்த்து, ஒரு மணி நேரம் கழித்து வெதுவெதுப்பான நீரில்கழுவலாம்.பாலாடை மற்றும் பன்னீரை சம அளவு கலந்து முகத்தில் போடலாம். பப்பாளியுடன் சிறிது பால் சேர்த்து மசித்து, முகத்தில் தடவினால், முகச் சுருக்கங்கள் சரியாகும்.
முகத்திற்கு கடலை மாவோ அல்லது முல்தானி மிட்டியோ பயன்படுத்தக் கூடாது. மேலும், 40 வயதுக்கு மேற்பட்டவர்கள், தேங்காய் எண்ணெயுடன், வெண்ணெய் கலந்து முகத்தில் தடவினால், எப்படிப்பட்ட வறட்சியும், சுருக்கமும் சரியாகும்.இச்சமயத்தில், ஆவி பிடிப்பதை தவிர்ப்பது நல்லது. 'புரூட் பேஷியல்' செய்து கொள்ளலாம். வாழைப்பழத்துடன், தேன் கலந்தும், 'பேக்' போடலாம்.உடலும் ஷைனாக, தேங்காய் எண்ணெயில் மஞ்சள் துாளை குழைத்து, உடல் முழுக்க பூசி, 20 நிமிடம் கழித்து, பயத்த மாவு போட்டு குளிக்கலாம்.
வெந்தயத்தை பொடி செய்து, பாலில் கலந்து, உதட்டில் பூசினால், உதடு வெடிப்பு சரியாகும்.ஏதாவது, 'பேஸ் ஸ்கிரப்பரை' கைகளில் போட்டு ஸ்கிரப் செய்தால், இறந்த செல்கள் நீங்கி, புத்துணர்ச்சி பெறும். நகம் வறண்டு போகாமல் இருக்க, துாங்குவதற்கு முன் நகத்தின் மீது ஆலிவ் எண்ணெய் தடவலாம்.செம்பருத்தி, துளசி, வேம்பு கலந்து தலைக்கு, 'பேக்' போடலாம். பனிக்காலத்தில், தலைக்கு மருதாணி போடக் கூடாது.அதேபோல், 'முட்டை பேக்'குக்கு பதில், தயிர் தேய்த்து குளிக்கலாம். எந்த, 'பேக்' போட்டாலும், 10 நிமிடத்திற்கு மேல் ஊற வைக்க வேண்டாம்.பொடுகு தொல்லை இந்நேரத்தில் அதிகமாக இருக்கும் என்பதால், சிறிது எண்ணெய் வைப்பது அவசியம்.
இந்த நேரத்தில், 'வேக்ஸ்' செய்து கொள்வதை கண்டிப்பாக தவிர்க்க வேண்டும். சைனஸ் பிரச்னை உள்ளவர்கள், குளித்து முடித்ததும், யூகலிப்டஸ் ஆயிலை பின் கழுத்து மற்றும் நெற்றிப் பொட்டில் தடவினால், சளி பிடிக்காது.கால் கப் தயிருடன், சிறிது வினிகர் கலந்து, பாதங்களில் தேய்த்து, 10 நிமிடம் கழித்து வெதுவெதுப்பான நீரில் கழுவினால், இறந்த செல்கள் நீங்கி, பாதம் பளபளக்கும்.பலருக்கும் முழங்கை, முழங்காலில் கருமை படர்ந்து சொரசொரப்பாக இருக்கும். இதற்கு கடலை எண்ணெயுடன், எலுமிச்சை சாறு கலந்து அந்த இடங்களில் போடலாம்.

ரமணியன்

நன்றி தினமலர்

SK · SK Fri Jan 19, 2018 2:52 pm

பயனுள்ள தகவல் ஐயா

இந்த பதிவைத் துவங்கியவர் நன்றி கூறியுள்ளார் SK

**ayyasamy ram** · **ayyasamy ram** Sat Jan 20, 2018 8:03 am

-
ஆவி பிடிப்பதை தவிர்ப்பது நல்லது!
-

**பழ.முத்துராமலிங்கம்** · 27/09/2015

பனி காலத்திற்கு ஆன தோல் சிகிச்சை முறைகள்
நான் இப்போது சோப்பு உபயோகிப்பதை தவிர்த்து விட்டேன்.
தோல் வறண்டு போய் விடுகிறது.
இயற்கை குளியல் பொடி மட்டுமே
நன்றி ஐயா

**krishnaamma** · **krishnaamma** Sun Sep 27, 2020 7:54 pm

@பழ.முத்துராமலிங்கம்

பழ.முத்துராமலிங்கம் wrote:பனி காலத்திற்கு ஆன தோல் சிகிச்சை முறைகள்
நான் இப்போது சோப்பு உபயோகிப்பதை தவிர்த்து விட்டேன்.
தோல் வறண்டு போய் விடுகிறது.
இயற்கை குளியல் பொடி மட்டுமே
நன்றி ஐயா

மேற்கோள் செய்த பதிவு: 1257343

ஊடலில் முதலில், எண்ணை தேய்த்துக் கொண்டு, பிறகு கடலைமாவு அல்லது பயறு மாவு போட்டுக் குளியுங்கள் ஐயா, தோலில் எண்ணைப்பசை தங்கி இருக்கும் புன்னகை