நியூட்டன் விதிக்கு மாற்றுவிதி கூறிய மருத்துவ மாணவருக்கு மத்தியஅரசு விருது: தமிழக அரசு அலட்சியம்

**பழ.முத்துராமலிங்கம்** · 27/09/2015

சென்னை: நியூட்டனின் விதிக்கு மாற்றுவிதி கூறிய தமிழகத்தை சேர்ந்த மருத்துவ மாணவருக்கு இளம் விஞ்ஞானி விருது வழங்கி மத்திய அரசு கவுரவித்துள்ளது. ஆனால், தமிழக அரசின் சார்பில் எந்த ஒரு அங்கீகாரமும் கிடைக்காமல் அந்த மருத்துவ மாணவர் தவித்து வருகிறார்.
சென்னை மருத்துவக் கல்லூரியில் எம்.பி.பி.எஸ் படித்து வரும் ஹேமசந்திரன் என்ற மருத்துவ மாணவர் நியூட்டனின் புவி சுழற்சி விதிக்கு மாற்றுவிதி கூறி மத்திய அரசின் சிறந்த இளம் விஞ்ஞானிக்கான விருது பெற்றுள்ளார். ஆனால், அடுத்தகட்ட ஆராய்ச்சியை தேசிய அளவில் தொடரவும், இங்கிலாந்தில் ‘நைட் பேச்சுலர்’ விருது பெற தமிழக அரசின் உதவிதேவை என கோரிக்கை விடுத்துள்ளார்.
நன்றி
தினகரன்

**பழ.முத்துராமலிங்கம்** · 27/09/2015

இதுகுறித்து, அவர் நேற்று சென்னையில் நிருபர்களுக்கு அளித்த பேட்டி: நான் நியூட்டனின் புவி சுழற்சி விதிக்கு மாற்றுவிதியை ஆராய்ச்சி கட்டுரை மூலம் நிரூபித்து இன்டர்நேஷனல் யூத் ரிசர்ச் பவுண்டேசன் மூலம் மத்திய அரசிடம் வழங்கினேன். என்னுடைய ஆராய்ச்சியை ஏற்றுக்கொண்ட மத்திய அரசு எனக்கு கடந்த 20ம் தேதி மணிபூரில் நடந்த இந்திய ஆராய்ச்சி காங்கிரஸ் 105வது மாநாட்டில் இளம் விஞ்ஞனி விருது வழங்கியது.
என்னுடைய ஆராய்ச்சியை மேற்கொண்டு தொடர தமிழகத்தில் இளம் விஞ்ஞானிகளுக்கான விருது, தமிழகத்தின் சிறந்த விஞ்ஞானிக்கான விருது, தமிழ் ரத்னா போன்ற விருதுகள் உள்ளன. இதுபோன்ற விருது வழங்கினால் மட்டுமே நான் அடுத்தகட்ட மருத்துவ ஆராய்ச்சிகளை தேசிய அளவில் மேற்கொள்ள முடியும். ஆனால், தமிழக அரசு தமிழகத்தில் உள்ள 1000க்கும் மேற்பட்ட எங்களை போன்ற இளம் விஞ்ஞானிகளை கண்டுகொள்ளவில்லை.

**பழ.முத்துராமலிங்கம்** · 27/09/2015

என்னால், மருத்துவம் சம்பந்தப்பட்ட எந்த ஒரு உதவியையும் அரசிற்கு செய்து தரமுடியும். தற்போது, எய்ட்ஸ் நோய்க்கு மருந்து கண்டுபிடிப்பதில் நான் 80 சதவிகித ஆராய்ச்சியை முடித்துள்ளேன். தற்போது இறுதி முயற்சியாக இதற்கு மாதிரி எடுக்க வேண்டும். இதற்காக உலக சுகாதார நிறுவனத்திடம் அனுமதி கேட்டுள்ளேன். உலக சுகாதார நிறுவனம் அனுமதி வழங்கினால் அதையும் வெற்றிகரமாக முடிப்பேன். இதனால், எய்ட்ஸ் நோயை குணப்படுத்தவும் முடியும். இதற்கு அரசின் உதவி முழுவதும் தேவை. இதேபோல், ராணுவத்தில் எதிரிகளை எளிதில் வீழ்த்தும் வகையில் தன்நிலை மறக்க செய்யும் திரவ மருந்தினையும் கண்டுபிடிக்கும் முயற்சியில் இறங்கியுள்ளேன். இந்த மருந்தை எதிரிகள் மற்றும் தீவிரவாதிகள் இருக்கும் இடத்தில் சத்தம் வராத துப்பாக்கி மூலம் செலுத்தும் போது மருந்தில் இருந்து வெளிப்படும் திரவப்பொருளால் தீவிரவாதிகளின் கை, கால்கள் செயல் இழந்து போகும். இதனால், எதிரிகளை எளிதில் வீழ்த்த முடியும்.

**பழ.முத்துராமலிங்கம்** · 27/09/2015

இந்த மருந்தை சுமார் 2 ஆயிரம் மீட்டரில் இருந்து கூட எதிரிகளை நோக்கி செலுத்த முடியும். இதற்காக அரசு தரப்பில் இருந்து லேப் உள்ளிட்ட உதவிகளை பயன்படுத்த அனுமதி வழங்கினால் போதும். இதை விரைவாக செய்து முடித்து ராணுவத்திற்கு வழங்குவேன். எனக்கு இங்கிலாந்து அரசு ‘நைட் பேச்சுலர்’ விருது விரைவில் வழங்க இருக்கிறது. இந்த விருதை நான் வாங்குவதற்கு தமிழக அரசின் அறிவியல் சார்ந்த விருதுகள் தேவைப்படுகிறது. இதனை கொடுத்தால் மட்டுமே நான் இங்கிலாந்து அரசு கொடுக்கும் ‘நைட் பேச்சுலர்’ விருதில் தமிழகத்தில் இருந்து விருது பெறும் மாணவனாக இருக்க முடியும். இல்லையேல், இந்தியாவில் உள்ள ஒருவருக்கு விருது வழங்கப்படுவதாக மாறிவிடும். எனக்கு, தமிழகத்தின் பெருமைதான் முக்கியம். அதனாலேயே, தமிழக அரசு அறிவியல் சார்ந்த விருது எனக்கு கொடுக்க வேண்டும் என வேண்டுகிறேன்.
என்னுடைய ஆராய்ச்சி சம்பந்தமாக மத்திய அரசிடம் கடிதம் மூலமாக கோரிக்கை விடுத்தால் உடனடியாக எனக்கு பதில் வருகிறது. ஆனால், தமிழக அரசிற்கு இதுகுறித்து 10க்கும் மேற்பட்ட முறை கோரிக்கை கடிதத்தை அனுப்பியுள்ளேன். ஒருமுறை கூட என்னுடைய கோரிக்கைக்கு எந்தவித பதிலையும் தமிழக அரசு தெரிவிக்கவில்லை. இது வளர்ந்து வரும் எங்களை போன்ற இளம் விஞ்ஞானிகளுக்கு பெரிய பின்னடைவாகவே இருக்கிறது. எனவே, என்னை போன்ற இளம் விஞ்ஞானிகளை ஊக்குவிக்க தமிழக அரசு உரிய நடவடிக்கைகளை எடுக்க வேண்டும். இவ்வாறு மாணவன் ஹேமாசந்திரன் கூறினார்.

krishnanramadurai · krishnanramadurai Sun Mar 25, 2018 12:44 pm

தமிழகத்திலிருந்து பதில் வரலை
மத்தியிலிருந்து வருகிறதா?
இது பிஜேபியின் தூண்டுதல் .
அந்த ஆராய்ச்சிமீதே சந்தேகம் வருகிறது
இது எத்தனை நாளுக்கு
அடுத்து மத்தியிலும் எங்க ஆட்சிதான்
அங்கேருந்தும் பதில் வராதே ,
என்ன செய்வீங்க?

Sponsored content · Sponsored content

நியூட்டன் விதிக்கு மாற்றுவிதி கூறிய மருத்துவ மாணவருக்கு மத்தியஅரசு விருது: தமிழக அரசு அலட்சியம்

நியூட்டன் விதிக்கு மாற்றுவிதி கூறிய மருத்துவ மாணவருக்கு மத்தியஅரசு விருது: தமிழக அரசு அலட்சியம்

Re: நியூட்டன் விதிக்கு மாற்றுவிதி கூறிய மருத்துவ மாணவருக்கு மத்தியஅரசு விருது: தமிழக அரசு அலட்சியம்

Re: நியூட்டன் விதிக்கு மாற்றுவிதி கூறிய மருத்துவ மாணவருக்கு மத்தியஅரசு விருது: தமிழக அரசு அலட்சியம்

Re: நியூட்டன் விதிக்கு மாற்றுவிதி கூறிய மருத்துவ மாணவருக்கு மத்தியஅரசு விருது: தமிழக அரசு அலட்சியம்

Re: நியூட்டன் விதிக்கு மாற்றுவிதி கூறிய மருத்துவ மாணவருக்கு மத்தியஅரசு விருது: தமிழக அரசு அலட்சியம்

Re: நியூட்டன் விதிக்கு மாற்றுவிதி கூறிய மருத்துவ மாணவருக்கு மத்தியஅரசு விருது: தமிழக அரசு அலட்சியம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக