'20 ஆம் ஆத்மி எம்.எல்.ஏ.,க்கள் தகுதி நீக்கம் செல்லாது'

ஆதாயம் தரும் இரட்டைப் பதவி வகித்ததாக, டில்லி சட்டசபையின், 20 ஆம் ஆத்மி கட்சி, எம்.எல்.ஏ.,க்களை தகுதி நீக்கம் செய்தது செல்லாது என்று, டில்லி உயர் நீதிமன்றம் தீர்ப்பளித்துள்ளது.

'20 ஆம் ஆத்மி, எம்.எல்.ஏ.,க்கள் ,தகுதி நீக்கம் ,செல்லாது'



டில்லியில், முதல்வர் அரவிந்த் கெஜ்ரிவால் தலைமையிலான, ஆம் ஆத்மி கட்சி ஆட்சி

அமைந்துள்ளது. 'ஆம் ஆத்மி கட்சியைச் சேர்ந்த, 21 எம்.எல்.ஏ.,க்கள் ஆதாயம் தரும் அமைச்சரவை செயலர் என்ற பதவியிலும் இருப்பதால்,அவர்களை தகுதி நீக்கம் செய்ய வேண்டும்' என, வழக்கறிஞர், பிரஷாந்த் படேல் என்பவர், 2015ல் வழக்கு தொடர்ந்திருந்தார்.


இது தொடர்பாக, அப்போது ஜனாதிபதியாக இருந்த பிரணாப் முகர்ஜிக்கும் அவர் கடிதம் அனுப்பி இருந்தார். இது குறித்து விசாரிக்கும்படி, தேர்தல் கமிஷனுக்கு, பிரணாப்முகர்ஜி உத்தரவிட்டு இருந்தார்.ஒரு, எம்.எல்.ஏ., பதவியை ராஜினாமா செய்ததால், 20 எம்.எல்.ஏ.,க்கள் மீதான புகார் குறித்து தேர்தல் கமிஷன் விசாரித்தது.


இவர்கள் ஆதாயம் தரும் பதவியில் இருந்ததால், தகுதி நீக்கம் செய்யலாம் என, இந்தாண்டு, ஜன., 19ல் தேர்தல் கமிஷன் பரிந்துரை செய்தது. அதை ஏற்று, 20 எம்.எல்.ஏ.,க்களையும் தகுதி நீக்கம் செய்து, ஜனாதிபதி, ராம்நாத் கோவிந்த் உத்தர விட்டார்.இதை எதிர்த்து, எம்.எல்.ஏ.,க்கள் சார்பில், டில்லிஉயர் நீதிமன்றத்தில் வழக்கு தொடரப்பட்டது. அதை விசாரித்த, உயர் நீதிமன்ற அமர்வு அளித்து உள்ள தீர்ப்பில் கூறியுள்ளதாவது:


தகுதி நீக்கம் செய்யும் தேர்தல் கமிஷனின் பரிந்துரை முடிவு, இயற்கை நீதிக்கு எதிரானது. எம்.எல்.ஏ.,க்களிடம் விசாரணை நடத்தாமல், அவர்களுடைய கருத்தை கேட்காமல், இந்த முடிவு எடுக்கப்பட்டுள்ளது. அதனால், இந்த வழக்கை, தேர்தல் கமிஷன் மீண்டும் விசாரிக்க வேண்டும். எம்.எல்.ஏ.,க்களின் கருத்தையும் கேட்க வேண்டும்.இவ்வாறு தீர்ப்பில் கூறப் பட்டுள்ளது.

இந்த தீர்ப்பை, டில்லி முதல்வர், அரவிந்த் கெஜ்ரிவால் வரவேற்றுள்ளார். நீதி வென்றுள்ளது என்று, சமூக தளத்தில் வெளி யிட்டுள்ள பதிவில் அவர் குறிப்பிட்டுள்ளார்.

நன்றி
தினமலர்

சட்டம் எல்லோர் மனதிலும் எலோருக்கும் ஒரே கருத்தாய் இருக்கனும்.
ஒருவர் உண்டு என்பதை மற்றோர் இல்லை என்பது போல் சட்டம் வலைந்து
கொடுப்பதாலேயே குற்றங்கள் நிறைய செயகின்றனர் .மேல் கோர்ட் என்று
ஒன்றும் உள்ளது இதெல்லாம் குற்றம் தப்பிக்கவேதான்>>>>>>