இடைத்தேர்தல் தோல்வி: பா.ஜ. எம்..பி.க்கள் பலம் 272 ஆக குறைந்தது

உ.பி, பீஹாரில் நடந்து முடிந்த 3 லோக்சபா இடைத்தேர்தல் முடிவுகள் வாயிலாக 2014-ம் ஆண்டு நடந்த லோக்சபா பொதுத் தேர்தலில் பா.ஜ. பெற்ற 282 எம்.பி.க்களில் இதுவரை நடந்து முடிந்த இடைத்தேர்தல்களில் 10 எம்.பி.க்களை இழந்து அதன் பலம் 272 ஆக குறைந்துள்ளது.

2019-ம் ஆண்டு பொதுத்தேர்தலை நாடு சந்திக்க ஒரு சில மாதங்களே உள்ளன. பா.ஜ.வின் பதவி காலம் நிறைவடைய இன்னும் ஓராண்டு உள்ள நிலையில் இன்னும் 7 லோக்சபா தொகுதிகள் காலியாக உள்ளன. இத்தொகுதிகளுக்கு நடக்க உள்ள இடைத்தேர்தலில் பா.ஜ.வின் வெற்றி தோல்வி 2019 பொது தேர்தலில் எத்தகைய கூட்டணி மாற்றத்தை ஏற்படுத்தும் என்ற கேள்வி எழுந்துள்ளது.

கடந்த 2014-ம் ஆண்டு லோக்சபா தேர்தலுக்கு முன்பாகவே பிரதமர் வேட்பாளராக அறிவிக்கப்பட்ட குஜராத் முன்னாள் முதல்வர் நரேந்திர மோடியை முன்னிறுத்தி தேர்தலை சந்தி்த்தது பா.ஜ. இதில் 282 தொகுதிகளி்ல் வெற்றி பெற்று ஆட்சியை பிடித்தது.

அன்று துவங்கி கடந்த நான்கு ஆண்டுகளில் இந்தாண்டு துவக்கம் வரை 20 லோக்சபா தொகுதிகளுக்கு இடைத்தேர்தல் நடந்தது. இதில் ஆளும் கட்சியாக இருக்கும் பா.ஜ. வெறும் 3 லோக்சபா தொகுதிகளில் தான் வெற்றி பெற முடிந்தது. தவிர அதிகபட்சமாக காங்., திரிணாமுல் காங், ஆகிய கட்சிகள் தலா 4 தொகுதிகளிலும், சமாஜ்வாதி 3 தொகுதிகளிலும், தெலுங்கானா ராஷ்ட்ரீ சமிதி 2 என 16 தொகுதிகளிலும் மற்ற கட்சிகள் தலா ஒன்று என மொத்தம் 20 லோக்சபா தொகுதிகளுக்கு இடைத்தேர்தல் நடந்து முடிந்துள்ளது.

இதன் மூலம் மொத்தம் 543 லோக்சபா தொகுதிகளை கொண்ட பார்லி.யில் பா.ஜ. 282 தொகுதிகளில் வெற்றி பெற்றது. தற்போது 7 தொகுதிகள் காலியாக உள்ளன. மீதமுள்ள 536 தொகுதிகளில் பா.ஜ.வின் பலம் 272 ஆக குறைந்துள்ளது. எனினும் ஆட்சி அமைக்கும் அளவிற்கு பெரும்பான்மையுடன் தான் உள்ளது.
இந்த சூழ்நிலையில் தே.ஜ. கூட்டணியில் இருந்து தெலுங்கு தேசம் கட்சி விலகியுள்ளது. எனவே 2019-ம் லோக்சபா பொதுத்தேர்தலுக்கு முன்பாக நிகழப்போகும் கூட்டணி மாற்றங்கள் அரசியல் சூழ்நிலைகளை பா.ஜ. எப்படி எதிர்கொள்ளப்போகிறது என்பது மத்திய அரசின் பதவி காலம் நிறைவடையும் காலம் நெருங்கி வரும் போதே தெரியவரும்.

நன்றி
தினமலர்

தோல்வி தொடருமோ?
பார்ப்போம்!!

நம்பிக்கை ஓட்டெடுப்பு வந்தால் BJP கவிழாது . ஏனென்றால் ADMK ஓட்டுகள் காப்பாற்றிவிடும் . எல்லாம் நன்றிக் கடன்தான் !