காவிரி மேலாண்மை வாரியத்திற்கு பதிலாக நதிநீர் பங்கீடு திட்டம்: மாநிலங்களவையில் மத்திய அரசு தகவல்

புதுடெல்லி:
தமிழகம், கர்நாடகா, புதுவை மற்றும் கேரளா ஆகிய நான்கு
மாநிலங்களின் தண்ணீர் பிரச்னையை தீர்க்கும் விதமாக காவிரி
நதிநீர் பங்கீட்டு திட்டம் உருவாக்கப்பட்டு, அதுகுறித்து
சம்பந்தபட்ட மாநிலங்களிடையே ஆலோசனை நடத்தி வருவதாக
மத்திய அரசு தெரிவித்துள்ளது.

காவிரி விவகாரத்தில் நடுவர்மன்ற உத்தரவின்படி காவிரி
மேலாண்மை வாரியத்தை அமைக்க வேண்டும் என கடந்த மாதம்
16ம் தேதி உச்ச நீதிமன்றம் இறுதி தீர்ப்பை வழங்கியது.

மேலும் அதில், “மாநிலங்களின் தண்ணீர் பிரச்னைகளை கருத்தில்
கொண்டு அடுத்த 6 வாரத்திற்குள் காவிரி மேலாண்மை வாரியத்தை
அமைத்திட வேண்டும் என்றும், இதில் மேற்கொண்டு கால அவகாசம்
எதுவும் வழங்க முடியாது’’ எனவும் குறிப்பிட்டது.

இந்த நிலையில் காவிரி மேலாண்மை வாரியம் அமைப்பது
தொடர்பாகவும், நதிநீர் பங்கீட்டில் இருக்கும் பிரச்னைகள் குறித்தும்
தமிழகம், புதுச்சேரி, கர்நாடகா மற்றும் கேரளா ஆகிய நான்கு
மாநில பிரநிதிகளிடையே கடந்த 9ம் தேதி ஒரு சிறப்பு ஆலோசனை
கூட்டம் மத்திய நீர்வளத்துறை அமைச்சகத்தின் தரப்பில் அதன்
செயலாளர் யு.பி.சிங் நடத்தி முடித்தார்.

இதையடுத்து நான்கு மாநிலங்களும் உச்ச நீதிமன்ற உத்தரவின்படி
காவிரி விவகாரத்தை எப்படி கையாள்வது என்பது தொடர்பாக
செயல் திட்ட அறிக்கை ஒன்றை எழுத்துப்பூர்வமாக தாக்கல் செய்ய
மத்திய நீர்வளத்துறை அமைச்சகம் உத்தரவிட்டது.

இந்த நிலையில் காவிரி மேலாண்மை வாரியத்தை அமைக்க
வலியுறுத்தி திமுக மற்றும் அதிமுக எம்பிக்கள் அனைவரும்
ஒன்றிணைந்து தொடர்ந்து நாடாளுமன்றத்தில் ஆர்ப்பாட்டம் செய்தும்,
அமளியில் ஈடுபட்டும் வருகின்றனர்.

இதற்கிடையே காவிரி மேலாண்மை வாரியம் தொடர்பாக
மாநிலங்களவையில் நேற்று கேள்வி எழுப்பப்பட்டது. இதற்கு மத்திய
நீர்வளத்துறை இணையமைச்சர் அர்ஜூன் ராம் அளித்த பதில்:

உச்ச நீதிமன்ற தீர்ப்பின்படி நான்கு மாநிலங்களின் தண்ணீர்
பிரச்னையை தீர்த்து வைக்கும் விதமாக ‘காவிரி நதிநீர் பங்கீட்டு
திட்டம்’ தொடங்கப்பட்டு அதற்கான பணி நடந்து வருகிறது.

மேலும் இதுகுறித்து சம்பந்தப்பட்ட மாநிலங்களிடையேயும்
ஆலோசனை தொடங்கி தொடர்ந்து நடைபெறுகிறது.
இவ்வாறு அமைச்சர் தெரிவித்தார்.

நடுவர்மன்ற உத்தரவின்படி காவிரி மேலாண்மை வாரியத்தை
அமைத்திட உச்ச நீதிமன்றம் உத்தரவிட்டுள்ள நிலையில் மத்திய
அரசு அதனை தவிர்த்து காவிரி நதிநீர் பங்கீடு திட்டம் என்பதை
உருவாக்கி சம்பந்தப்பட்ட மாநிலங்களுடன் பேச்சுவார்த்தை
நடத்தி வருவதாக மாநிலங்களவையில் தெரிவித்திருப்பது
மேலாண்மை வாரியத்தை மத்திய அரசு அமைக்குமா என்ற பெரும்
சந்தேகத்தை ஏற்படுத்தியுள்ளது.
-
-----------------------------------
தினகரன்

சிலர் ஆசைக்கும் தேவைக்கும் வாழ்வுக்கும் வசதிக்கும்
ஊரார் கால் பிடிப்பார்
ஒரு மானமில்லை அதில் ஈனமில்லை
அவர் எப்போதும் வால் பிடிப்பார்

இது நான் எழுதவில்லை யாரோ வாலி என்று ஒருத்தர் எழுதினாராம்

இங்கு சிலர் என்று யாரையும் குறிப்பிடவில்லை

பொதுவா சொன்னேன்

கர்நாடக தேர்தல் முடியும் வரை இந்த நாடகம் நடக்கும்,

ரமணியன்

நதிகளுக்கு யாரும் உரிமை கொண்டாடமுடியாது என்ற தீர்ப்பையே கர்நாடகம் ஏற்றுக்கொள்ளாது . காவிரி அவர்களுக்கே சொந்தம் என்று நினைக்கிறார்கள் . அப்படி இருக்கும்போது CMB க்கு எப்படி ஒத்துக்கொள்வார்கள் ?