காங்கிரசுக்கும் புதிய அலுவலகம்

-
பா.ஜ.,வை தொடர்ந்து, டில்லியில், காங்கிரசுக்கும் தலைமை
அலுவலகம் முழுவீச்சில் தயாராகி வருகிறது.

தற்போது, டில்லியில் உள்ள அக்பர் சாலையில், காங்., தலைமை
அலுவலகம் செயல்படுகிறது. தமிழகத்தின் மூத்த, காங்., தலைவரான,
மறைந்த மூப்பனாருக்காக, ஒதுக்கப்பட்ட அரசு பங்களா இது.

ஆனாலும், கட்சி அலுவலகத்திற்காக அதை கொடுத்த மூப்பனார்,
ராஜ்யசபா, எம்.பி.,யாக இருந்த போது, டில்லி, 'வெஸ்ட்ன் கோர்ட்'
விடுதியிலேயே தங்கி இருந்தார்.

புதிய அலுவலகம் கட்ட திட்டமிட்டு, பல ஆண்டுகளுக்கு முன்,
பார்லிமென்டிற்கு மிக அருகில் உள்ள, ராஜேந்திர பிரசாத்
சாலையில், காங்கிரசுக்கு நிலம் ஒதுக்கீடு செய்யப்பட்டது.

1989ல், ராஜிவ் பிரதமராக இருந்த போது, அந்த இடத்தில், நவீன
வசதிகளுடன் கூடிய கட்சி அலுவலகம் கட்டப்பட்டது.
'ஜவஹர் பவன்' என பெயரிடப்பட்டு, திறப்பு விழாவும் நடந்தது.

அந்நிகழ்ச்சியில், ராஜிவ் பேசிய போது, திடீரென மின் தடை ஏற்பட்டது.
திறப்பு விழா நிகழ்ச்சியில், இவ்வாறு ஏற்பட்டு விட்டதே என,
அபசகுணமாக கருதப்பட்டது. இதையடுத்து, அலுவலகம் ராசியற்றதாக
கருதப்படவே, 'ராஜிவ் பவுண்டேஷன்' என்ற அறக்கட்டளை
அலுவலகமாக மாறி விட்டது.

இந்நிலையில், டில்லியில் மக்கள் தொகை அதிகரிப்பு காரணமாக,
அரசு குடியிருப்புகளில் செயல்படும் அரசியல் கட்சிகளின்
அலுவலகங்களை, வேறு இடங்களுக்கு மாற்றும்படி, உச்ச
நீதிமன்றம் உத்தரவிட்டிருந்தது.

அதன்படி, தீனதயாள் உபாத்யா சாலையில், மூன்று மாடிகளுடன்
கூடிய, புதிய அலுவலகத்தை, பா.ஜ., கட்டியது. இதன் திறப்பு விழா,
சமீபத்தில் நடந்தது. இதே சாலையில், காங்., அலுவலகத்திற்கும்
நிலம் ஒதுக்கப்பட்டது. இங்கு, புதிய அலுவலகம் அமைக்கும் பணி,
மும்முரமாக நடக்கிறது.

'இந்திரா பவன்' என, பெயரிடப்பட உள்ள இந்த கட்டடத்தின்
வேலைகள் அனைத்தும் முடிந்து, தற்போது, வெளிப்புற பூச்சு
வேலைகளும், உள் அலங்கார பணிகளும் நடக்கின்றன. நவ.,
19ல், முன்னாள் பிரதமர், இந்திரா பிறந்த நாளன்று, திறப்பு விழாவும்
நடக்க உள்ளது.
-
----------------------------------

- நமது டில்லி நிருபர்
தினமலர்-

பழமொழி: செத்துப் போன கிளிக்கு எதுக்கு சிங்காரம்?

இதற்கும் செய்திக்கும் எந்த தொடர்பும் இல்லை...

மூத்த, காங்., தலைவரான,
மறைந்த மூப்பனாருக்காக, ஒதுக்கப்பட்ட அரசு பங்களா இது.

ஆனாலும், கட்சி அலுவலகத்திற்காக அதை கொடுத்த மூப்பனார்,

இப்படி ஒருத்தருக்கு அரசு பங்களாவை கொடுக்கலாமா அப்படி கொடுக்கும் பட்சத்தில் அவருக்கு வேண்டாம் என்றல் அவர் அரசிடம் தானே கொடுக்க வேண்டும் அவர் எப்படி அவரின் கட்சிக்கு கொடுக்கலாம்

இதுவும் ஒருவகள ஊழல் தான்

உதாரணத்துக்கு

ஈ ம இ த ம கட்சி முதல்வர் T.N.பாலசுப்ரமணியன் துணை முதல்வரான (SK) எனக்கு சென்னையில் 10 ஏக்கர் நிலம் ஒதுக்குவார் பின்னர் நான் அந்த இடத்தை கட்சிக்கு கொடுத்து விடலாம் அப்போ கட்சிக்கு 10 ஏக்கர் நிலம் ஒரு பைசா செலவில்லாமல் கிடைக்குமா