ஒவ்வொரு நாளும் காதலிப்பேன்!(உகாண்டா காதல் கவிதை)

ஒவ்வொரு நாளும் காதலிப்பேன்!(உகாண்டா காதல் கவிதை)

ஒவ்வொரு நாளும் உன்னை நான்
காதலிப்பேன்! காதலிப்பேன்! ஏஏ ..ஏஏ !

நான் –
உலகம் முழுதும் சுற்றியுள்ளேன்!
ஆயிரம் முறை !
நான்-
பல இடங்களைப் பார்த்துள்ளேன்!
பல முகங்களைப் பார்த்துள்ளேன்!
ஆனால்-
மீண்டும் மீண்டும் நான் –
உன்னை நாடியே வருகிறேன்!

என்னால் தினமும் என்னருகே -
ஒவ்வொரு பெண்ணைப் பார்க்கமுடிகிறது-
என் பணத்தால் , என் மனத்தால் அல்ல!
ஆனால் நான் எப்போதும் –
உன்னையே நாடுகிறேன் !

எனது காதல் மனம் –
எப்போதும் உன்னைச் சுற்றியே வருகிறது!
அதனால்-
நான் இன்றைக்குப் புது வாழ்வைத் தொடங்குவது போல உள்ளது!

நான்-
உன்னைவிட்டு நீங்கினாலும்-
உனது கண்தான் எனக்குத் தென்படுகிறது!
எனக்குள்ளே வருகிறது –
உன்னால் ஓர் எழுச்சி!

உன் மீது எனக்குள்ள நினைப்பு –
அது பைத்தியமான நினைப்பு!
ஆம் ! அது பைத்தியமான நினைப்புதான் !

ஹாய்!
நான் உன்னை –
என் சொந்த ஊருக்குக் கொண்டுசெல்ல விரும்புகிறேன் !
நான் ஒவ்வொரு நாளும் –
புத்தம் புதிய உலகைக் கனவுகாண்கிறேன் !
நான் எப்படி ஏங்குகிறேன் தெரியுமா?
நான் ஒவ்வொரு நாளும் உன்னைக் காதலிக்கிறேன் !
ஒவ்வொரு நாளும் உன்னைக் காதலிக்கிறேன்!


நான் உன்னைச் சந்தித்ததிலிருந்து-
நான் ஒரு மாற்றத்தை அடைந்துள்ளேன் !
நீ என்னை விரும்பி ஏற்குமாறு ஆகியுள்ளேன் !
ஆகவே –
நான் உன்னைத் தேடி வருகிறேன்!

நான் –
எங்கே போகிறேன் என்பது
முக்கியமில்லை!
ஏனென்றால்-
நான் எப்போதும் உன்னவன்தான் !
நான் –
உன் நினைப்பாக இருப்பதால்-
மற்றவர்கள் பழிமொழி
எனக்கு ஒரு பொருட்டல்ல!


நான் உன்னை –
எனது ஊருக்குக் கொண்டுசெல்வேன்!
நான் தினமும் உன்னைக் காதலிக்கிறேன் !
இதனை அறிவாய்! அறிவாயே!

நான் உன்னைத்-
தினமும் காதலிப்பேன்!
ஆம்! நான் உன்னைத்-
தினமும் காதலிப்பேன்!

Coutesy- Howwe.biz.lyrics

(உகாண்டாக் கலைஞர் Baby cool என்பார் எழுதிய கவிதையின் ஆங்கிலவழித் தமிழாக்கம் செய்தவர் முனைவர் சு.சௌந்தரபாண்டியன்)

நன்றி ஐயாசாமிராம் ! கூல் கூல்!