அணுஆயுதத்தை சுமந்து செல்லும் பிருத்வி 2 ஏவுகணை சோதனை வெற்றி

**ayyasamy ram** · **ayyasamy ram** Thu Feb 22, 2018 3:36 pm

-

அணுஆயுதத்தை சுமந்து செல்லும் பிருத்வி 2 ஏவுகணை சோதனை வெற்றி Tamil_News_large_1964872

பலசோர் :
ஒடிசா மாநிலம், பலசோர் மாவட்டத்தில் உள்ள அப்துல் கலாம்
தீவில் நேற்று (பிப்., 21) இரவு நடந்த அணு ஆயுதத்தை சுமந்து
சென்று தாக்கும் பிருத்வி 2 ஏவுகணை சோதனை
வெற்றியடைந்தது என பாதுகாப்பு துறை அதிகாரிகள்
தெரிவித்துள்ளனர்.

ஒடிசா மாநிலத்தின் பலசோர் மாவட்டத்தில் உள்ள
அப்துல் கலாம் தீவில் பல்வேறு ஏவுகணை சோதனைகள்
மேற்கொள்ளப்பட்டு வருகின்றன. இந்நிலையில்,
அணு ஆயுதங்களை சுமந்து சென்று தாக்கும் பிருத்வி 2
ஏவுகணை இரவு 8. 30 மணியளவில் சோதனை செய்யப்பட்டது.

இரவு நேரத்திலும் குறிப்பிட்ட இலக்கை அடையாளம் கண்டு
தாக்கும் சோதனையில், கடற்கரையிலிருந்து ஏவப்பட்ட
ஏவுகணை மிகவும் துல்லியமாக தனது இலக்கை அடைந்தது.

இந்த ஏவுகணை 500 முதல் 1,000 கிலோ எடையை தாங்கும்
சக்தி கொண்டது. திரவ எரிபொருளால் இயங்கும் தன்மை
கொண்டது. இந்த ஏவுகணை 350 கி.மீ. தூரம் வரை தாக்கும்
திறன் கொண்டது.

ஜனவரி 18ம் தேதி நடந்த அக்னி - 5 ஏவுகணை சோதனை,
பிப்ரவரி 6ம் தேதி நடந்த அக்னி - 1 ஏவுகணை சோதனை,
நேற்று முன்தினம் நடந்த அக்னி - 2 ஏவுகணை சோதனை
ஆகியவற்றின் வெற்றியை தொடர்ந்து நேற்று நடத்திய
பிரித்வி - 2 ஏவுகணை சோதனையும் வெற்றி அடைந்துள்ளது
என அதிகாரிகள் குறிப்பிட்டுள்ளனர்.

இந்திய ராணுவத்தில் கடந்த 2003ம் ஆண்டு இந்த ஏவுகணை
சேர்க்கப்பட்டது குறிப்பிடத்தக்கது.
-
---------------------------------
தினமலர்

SK · SK Thu Feb 22, 2018 4:25 pm

அணுஆயுதத்தை சுமந்து செல்லும் பிருத்வி 2 ஏவுகணை சோதனை வெற்றி

அணுஆயுதத்தை சுமந்து செல்லும் பிருத்வி 2 ஏவுகணை சோதனை வெற்றி

Re: அணுஆயுதத்தை சுமந்து செல்லும் பிருத்வி 2 ஏவுகணை சோதனை வெற்றி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக