புள்ளியெழுத்து இல்லாத வெண்பா

**M.Jagadeesan** · **M.Jagadeesan** Tue Feb 20, 2018 1:47 pm

First topic message reminder :

புள்ளியெழுத்து இல்லாத வெண்பா
=====================================
உனது முகமோ உதய நிலவு
மனது முழுது முனது - நினைவே
உனது பிரிவா லுருகு மெனது
மனதை யறியாயோ நீ !

**ஜாஹீதாபானு** · **ஜாஹீதாபானு** Sat Mar 10, 2018 3:18 pm

புள்ளியெழுத்து இல்லாத வெண்பா - Page 7 103459460

புள்ளியெழுத்து இல்லாத வெண்பா - Page 7 1571444738

**T.N.Balasubramanian** · **T.N.Balasubramanian** Sat Mar 10, 2018 4:34 pm

நாட்டு நடப்புக்கு தக்கபடி நீங்களும் குறட்பாக்கள்
தனித் திரியாக ஈகரையில் ஆரம்பியுங்கள்.MJ .

ரமணியன்

**M.Jagadeesan** · **M.Jagadeesan** Sat Apr 14, 2018 6:44 am

அறுசீர் ஆசிரிய விருத்தம் ( விளம் மா விளம் மா விளம் காய் என்னும் வாய்ப்பாட்டில் )
********************************************************************************************************************************************
திருக்குறள் தினமும் படித்திடும் எவனும்
...திருடிட மாட்டானே !
திருடரும் தினமும் திருக்குறள் படித்தால்
...திருந்திட வாய்ப்புண்டு
இருமனப் பெண்டிர் கள்ளுடன் கவறும்
...இடர்தரும் என்றானே !
குருவெனக் கொண்டு வள்ளுவன் தன்னை
...கும்பிட மறவாதே !

**M.Jagadeesan** · **M.Jagadeesan** Sat Apr 14, 2018 9:32 am

அறுசீர் ஆசிரிய விருத்தம் .
*****************************************
கனமழை பெய்தால் களிப்புறும் மூவர்
...கண்ணெதிர் காண்பீரே !
அனுதினம் பள்ளி சென்றிடும் சிறுவர்
...அகமிக மகிழ்வாரே !
வனமதில் பெய்யும் மழையினால் உழவர்
...மகிழ்தலும் இயல்பன்றோ !
தனம்தரும் வாரி வைத்தியர் தமக்கு
...தந்திடும் நோயாலே !

**M.Jagadeesan** · **M.Jagadeesan** Sat Apr 14, 2018 9:36 am

நேரிசை வெண்பா
*****************************
நாத்திகனா வள்ளுவன் நம்பாதீர் மக்களே !
ஆத்திகன் ஆனால் அறிவுள்ள - ஆத்திகன்
வையத்துள் வாழ்வாங்கு வாழ்பவன் வானுறையும்
தெய்வமெனச் சொன்னதை நோக்கு .

**M.Jagadeesan** · **M.Jagadeesan** Sat Apr 14, 2018 9:40 am

அறுசீர்க் கழிநெடிலடி ஆசிரிய விருத்தம் :
****************************************************************
( விளம் மா தேமா விளம் மா தேமா )

கருக்கலில் எழுந்து கொஞ்சம்
...கமகம காபி தன்னை
பருகிய பின்னர் செய்தி
...படித்திடும் வேளை தன்னில்
தெருவினில் நண்பன் வந்து
...தலையினைச் சொரிந்து நிற்க
அருகினில் சென்று கேட்க
...ஆயிரம் வேண்டும் என்றான் .

**M.Jagadeesan** · **M.Jagadeesan** Sat Apr 14, 2018 9:46 am

கட்டளைக் கலித்துறை
************************************
கற்றவா் நெஞ்சில் க௫ணை சுரக்கும் கடலெனவே
மற்றவா் துன்பம் மதித்தே உதவும் மனத்தினிலே
பற்றும் வினைகள் பறந்து விலகும் பனியெனவே
நற்றவா் சேவடி நாளும் பணிவது நம்கடனே !.

**M.Jagadeesan** · **M.Jagadeesan** Sat Apr 14, 2018 10:31 am

வஞ்சி விருத்தம்
***************************
பொன்னும் பொ௫ளும் யான்வேண்டேன்
மன்னும் புகழும் யான்வேண்டேன்
கன்னித் தமிழில் கவிபாடும்
இன்பம் ஒன்றே வேண்டுவனே !

tamiliyappan · tamiliyappan Sun Apr 29, 2018 8:32 pm

உதய நிலவு--
கண்ணதாசன்...

உதயநிலவே கண் துயில்வாயே..

**M.Jagadeesan** · **M.Jagadeesan** Tue Jun 18, 2019 6:11 pm

குறள் வெண்பா
================
முதலடி நான்கு சீர்களும் , இரண்டாமடி மூன்று சீர்களும் பெற்று வருவது குறள் வெண்பாவாகும் . இரண்டாமடியின் ஈற்றுச்சீர் ஓரசைச் சீராய் நாள் ,மலர் , காசு பிறப்பு என்னும் வாய்ப்பாட்டுகளுள் ஒன்றினைக் கொண்டு முடியும் .

ஒன்று , மூன்றாம் சீர்களில் மோனையும் , இரண்டடிகளும் ஒரு எதுகை பெற்றும் முடியும் . வெண்டளை மட்டுமே பயின்று வரக்கூடிய சீர்களைப் பெற்று வருவது குறள் வெண்பா ஆகும் .

திருக்குறள் முழுமையும் இவ்வகையே .

எடுத்துக்காட்டு :
===============

எள்ளில் இருக்கின்ற எண்ணெய் நறுமணம்
உள்ளில் இருக்கும் உணர் .

Sponsored content · Sponsored content

புள்ளியெழுத்து இல்லாத வெண்பா

புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக