என்ன பெயர் இந்தப் பூச்சிக்கு?

Guest · Guest Sun 11 Feb 2018 - 21:58

**பழ.முத்துராமலிங்கம்** · 27/09/2015

வெல்வெட் பூச்சி மழை பெய்த ஈர மண்ணில் ஊர்ந்து செல்லும் அதன்
அழகே அழகு. அதன் பிறப்பு இறப்பு ரகசியம் அறியோம்.
அதன் உருவாக்கம் அறியோம்.
தெரிந்து கொள்ள ஆசை
இணையத்தை அலசி பதிவு செய்யுங்கள்.
நன்றி
மூர்த்தி

Guest · Guest Mon 12 Feb 2018 - 13:24

நன்றி ஐயா. இதை சிலர் தம்பளப்பூச்சி ,பட்டுப் பூச்சி எனவும் அழைப்பார்கள். கம்பராமாயணத்தில் சொல்லப்பட்டுள்ளது. சங்க இலக்கியத்தில் மூதாய் எனக் குறிப்பிடப்பட்டுள்ளது. முதை-முதையல் நிலத்தில் இருந்து உருவாகும் பூச்சி இது. தம்பள பூச்சி என பெயர் வைத்தவர் கம்பர்.

எள் இட இடமும் இன்றி
எழுந்தன இலங்கு கோபம்,
தள்ளுற, தலைவர்தம்மைப்
பிரிந்தவர் தழீஇய தூமக்
கள்ளுடை ஓதியார் தம்
கலவியில், பலகால் கான்ற
வெள்ளடைத் தம்பல் குப்பை
சிதர்ந்தென, விரிந்த மாதோ.

கொவ்வை நோக்கிய வாய்களை.
இந்திர கோபம்
கவ்வி நோக்கின என்றுகொல் -
காட்டு இன மயில்கள்.
நவ்வி நோக்கியர். நலம் கொள்
மேகலை. பொலஞ் சாயல்-
செவ்வி நோக்கின திரிவன
போல்வன. திரிந்த.

இந்திரகோபம் எனவும் வட மொழியில் பெயர் உண்டாம். இந்த்ர-சிவப்பு.

இது சிந்தாமணியில்...............

பைந்துகின் மகளிர் தேன்சோர்
பவளவாய் திகழ நாணிச்
சிந்தித்துக் கூந்தல் வாங்கிச்
செவ்வணந் துடைப்ப தேபோ
லிந்திர கோபங் கௌவி
யிறகுளர் கின்ற மஞ்ஞை
யந்தரத் திவர்ந்த பாய்மா
வரும்பொற்றா ரரவத் தாலே.

நன்றி-இணையம்.

**பழ.முத்துராமலிங்கம்** · 27/09/2015

தம்பளப்பூச்சி ,பட்டுப் பூச்சி,மூதாய்,இந்திரகோபம் இத்தனை பெயர்களில்
அழைக்கப் பட்ட இந்த பட்டுப் பூச்சி அருமை
இணையத்தை அலசி இவ்வளவு விசயங்களை கொட்டி விட்டீர்கள்
நன்றி மூர்த்தி

**ayyasamy ram** · **ayyasamy ram** Mon 12 Feb 2018 - 23:16

என்ன பெயர் இந்தப் பூச்சிக்கு? 3838410834

-
தம்பளப்-பூச்சிகள்
மைட்டி பூச்சிகள்-MIghty Mites

பெரும்பாலும் மழைக் காலங்களில் வெளியில் தலையைக்
காட்டும் இந்த தம்பளப்பூச்சி பார்ப்பதற்கு சிகப்பு மஞ்சாடி
அளவில் இருக்கும்

இந்த பூச்சிகள், சின்னச்சின்ன சிகப்பு பட்டு கம்பளம் போல்
தோன்றுவதினால் இந்தப் பூச்சியை பேச்சு வழக்கில்
கம்பளப்பூச்சி என்று அழைப்பவர்களும் உண்டு

மாசுபடிந்த உலகத்தின் கழிவு, அமில மழை மற்றும் பூச்சிக்கொல்லி,
களைகொல்லி, இரசாயன-உரம் போன்ற விஷங்களினால் அழிந்து
வரும் இந்த அரிய வகை உயிரினத்தை சின்ன வயதில் எனது
கைகளில் பிடித்து வைத்து பார்த்திருக்கின்றேன்

மிக மிருதும், அழகும் உள்ள இந்தப் பூச்சிக்கு ஆறு கால்களும்
இரண்டு உணர்வு-கொடுக்குகளையும் கொண்டது
(ஆண்டெனா-Antenne)

சற்று இறுக்கிப் பிடித்தால் அதில்லுள்ள சிகப்பு நிறம் கைகளில்
ஒட்டிக் கொள்ளும் அளவிற்கு மிக மென்மையான வண்ணம்
கொண்டது

இந்த அழகான தம்பளப்பூச்சியை சிவபெருமானுக்கு,
மதுரை மீனாட்சி அம்மன் மடித்துக் கொடுத்த தாம்பூலத்தின் துப்பல்,
என்று என்னுடைய தாத்தா சிவக்கொழுந்து-ஐயா, சொல்லக்
கேட்டிருக்கின்றேன்

யாழ்ப்பாணம் அளவெட்டி கிராமம் கும்பழாவளை பிள்ளையார்
கோயில் பகுதிகளில் அதிகளவில் காணப்படும் இந்த அரிய வகை
நண்டு-பூச்சி
-
-----------------------------
நன்றி-
Mahesvaran Ravintheran