உலக மசாலா -பாவம், அந்த வெள்ளெலி!

**ayyasamy ram** · **ayyasamy ram** Sun Feb 11, 2018 7:36 am

பெலென் அல்டிகோசியா கல்லூரிப் படிப்பை முடித்துவிட்டு,
ஃப்ளோரிடாவில் உள்ள வீட்டுக்குச் செல்ல விமானப் பயணச்
சீட்டு வாங்கினார்.

அப்போதே தான் வளர்க்கும் வெள்ளெலியை விமானத்தில்
அழைத்துச் செல்லலாமா என்று கேட்டார். அதில் பிரச்சினை
ஒன்றும் இல்லை என்று கூறிவிட்டனர்.

ஆனால் விமானத்தில் ஏறியதும் வெள்ளெலியை அனுமதிக்க
விமான ஊழியர்கள் மறுத்தனர். “நான் அனுமதி பெற்றுதான்
விமானத்துக்குள் அழைத்து வந்தேன். என் செல்லப்பிராணியின்
ஆரோக்கியம் குறித்து மருத்துவர் சான்றிதழ் வழங்கியிருக்கிறார்.

அதனால் பிறருக்கு வெள்ளெலியால் ஆபத்து இல்லை என்றேன்.
எதையும் அவர்கள் ஒப்புக்கொள்ளவில்லை. எங்காவது ஓரத்தில்
வைத்துக்கொள்கிறேன் என்றதையும் ஏற்கவில்லை.

கழிவறையில் வெள்ளெலியைப் போட்டு, கொன்றுவிடச்
சொல்லி என்னை வற்புறுத்தினார்கள். எனக்கும் வேறு வழி
தெரியவில்லை. என் செல்லப்பிராணியை எங்கோ தனியாக
விட்டுச் செல்வதற்குப் பதில், நானே கழிவறையில் போட்டு
விட்டு, 10 நிமிடங்கள் அழுது தீர்த்தேன்.

இந்த வலியைத் தாங்க முடியவில்லை. ஏற்கெனவே இரு முறை
நான் விமானத்தில் வெள்ளெலியை அழைத்து வந்திருக்கிறேன்.
இந்த முறை அவர்களிடம் அனுமதி பெற்றுதான் விமானத்தில்
ஏறினேன். அதனால் தவறு ஸ்பிரிட் விமான நிறுவனம் மீதுதான்.
சட்டப்படி நடவடிக்கை எடுக்க வழக்கு தொடுத்திருக்கிறேன்”
என்கிறார் பெலேன்.

“வெள்ளெலிக்கு மாற்று ஏற்பாடு செய்யச் சொன்னோம்.
அடுத்த விமானத்தில் கூட பயணம் செய்ய ஏற்பாடு செய்வதாகக்
கூறினோம். ஆனால் அவசரமாக அவர் செல்ல வேண்டும்
என்பதால் இந்த விமானத்தில் ஏறிவிட்டார்.

சட்டதிட்டங்களின்படிதான் நாங்கள் நடந்துகொள்ள முடியும்”
என்கிறார் விமானத்தை ஊழியர்.

பாவம், அந்த வெள்ளெலி!
-
-----------------------------------
தி இந்து

**பழ.முத்துராமலிங்கம்** · 27/09/2015

அந்த வெள்ளெலி என்ன பாவம் செய்தது
அந்த. விமான பயணம் அதன் உயிரை பரித்து
விட்டது,
நன்றி
ஐயா.

உலக மசாலா -பாவம், அந்த வெள்ளெலி!

உலக மசாலா -பாவம், அந்த வெள்ளெலி!

Re: உலக மசாலா -பாவம், அந்த வெள்ளெலி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக