ஆஸி.,யில் இந்துக்கள் எண்ணிக்கை 60 சதவீதம் அதிகரிப்பு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

ஆஸி.,யில் இந்துக்கள் எண்ணிக்கை 60 சதவீதம் அதிகரிப்பு

#1259101

ayyasamy ram
வழிநடத்துனர்: பதிவுகள் : 84213
இணைந்தது : 30/09/2013

Post ayyasamy ram Sat Feb 10, 2018 7:51 am

சிட்னி:
ஆஸ்திரேலியாவில் 5 ஆண்டுகளில் இந்துக்களின் எண்ணிக்கை
60 சதவீதம் அதிகரித்துள்ளதாக, அந்நாட்டு புள்ளிவிபர கழகம்
தெரிவித்துள்ளது.

60 சதவீதம்:

புள்ளிவிபர கழக அறிக்கையில் கூறப்பட்டுள்ளதாவது:

2016ம் ஆண்டு நடத்தப்பட்ட மக்கள்தொகை கணக்கெடுப்புப்படி
2011 முதல் 2016ம் ஆண்டு வரை ஆஸ்திரேலிய இந்துக்களின்
எண்ணிக்கை 60 சதவீதம் அதிகரித்து, 4,40,300 ஆக உள்ளது.

இதே கால இடைவெளியில் மற்ற மதத்தினரின் எண்ணிக்கை
குறைந்துள்ளது. கிறிஸ்துவர்கள், இஸ்லாமியர்கள், புத்த மதத்தினரை
தொடர்ந்து அதிகமானவர்கள் பின்பற்றும் 4வது பெரிய மதமாக
இந்து மதம் உள்ளது.

ஆஸ்திரேலியாவில் வாழும் இந்துக்களின் சராசரி வயது 31 ஆகும்.
92 சதவீத இந்துக்கள் நகரங்களில் வசிக்கின்றனர். 81 சதவீதம் பேர்
வெளிநாடுகளில் பிறந்தவர்கள்.

ஆஸி.,யில் இந்துக்களின் எண்ணிக்கை அதிகரித்து வருவது
தொடர்பாக சர்வதேச இந்துக்கள் அமைப்பின் தலைவர்களில்
ஒருவரான ராஜன் ஜெத் கூறுகையில், பல்வேறு கவன சிதறல்களுக்கு
இடையே தொடர்ச்சியான கடின உழைப்பு, உயர்ந்த நன்னெறி, கல்வி,
திருமண உறவுகள் போன்றவைகளே இந்து கலாச்சாரத்தின்
மதிப்புகளை காத்து வருகின்றன என தெரிவித்துள்ளார்.

இந்துக்கள் உள்ளார்ந்த தேடுதல், தூய்மை, நூல்களின் பரந்த ஞானத்தை
ஆராய்தல், இளைஞர்களையும் குழந்தைகளையும் ஆன்மிக பாதையில்
வழி நடத்துவது, பேராசைகளில் இருந்து விலகி இருப்பது, இறை
சிந்தனையை வாழ்வில் கடைபிடிப்பது ஆகியவற்றில் கவனம் செலுத்த
வேண்டும் என்றார்.
-
---------------------------------------
தினமலர்

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1