ரேணுகாவின் சிரிப்பும் புறப்பட்ட விவாதங்களும்

புதுடில்லி:
ராஜ்யசபாவில் ஜனாதிபதி உரைக்கு நன்றி தெரிவிக்கும்
தீர்மானத்தின் மீது பிரதமர் மோடி பதில் அளித்த போது,
காங்கிரஸ் எம்.பி., ரேணுகா சவுத்ரி சத்தமாக சிரித்ததற்கு,
பிரதமர் கிண்டல் செய்த விவகாரம் விவாதத்தை
ஏற்படுத்தியுள்ளது.
பிரதமருக்கு காங்கிரஸ் கண்டனம் தெரிவித்துள்ளது.

கண்டனம்

ஜனாதிபதி உரைக்கு நன்றி தெரிவிக்கும் தீர்மானத்திற்கு
பதிலளித்து, நேற்று ராஜ்யசபாவில் நடந்த விவாதத்தில்
பிரதமர் மோடி பேசினார். அப்போது, காங்கிரஸ்
எம்.பி., ரேணுகா சவுத்ரி சத்தமாக சிரித்தார்.

அதற்கு ராஜ்யசபா தலைவரான வெங்கையா நாயுடு கண்டனம்
தெரிவித்ததோடு, தேவைப்பட்டால் மருத்துவமனைக்கு
செல்லுங்கள் எனக்கூறினார்.

வரவேற்பு

அப்போது குறுக்கிட்ட பிரதமர் மோடி, ரேணுகா சவுத்ரியை
அவை தலைவர் தடுக்க வேண்டாம். ராமாயண தொடருக்கு
பிறகு நீண்ட சிரிப்பை கேட்கும் வாய்ப்பு நமக்கு இப்போது
தான் கிடைத்தது எனக்கூறினார்.

அப்போது ஆளுங்கட்சியினர் மேஜையை பலமாக தட்டி
பிரதமர் பேச்சுக்கு வரவேற்பு தெரிவித்தனர்.

அவமானம்

அவைக்கு வெளியே, ரேணுகா சவுத்ரி கூறுகையில், பிரதமரின்
விமர்சனத்திற்கு பதில் சொல்ல விரும்பவில்லை. அவரது பேச்சு,
பெண்களை அவமானபடுத்தியுள்ளது. பிரதமர் தனிப்பட்ட
முறையில் விம்ரசனம் செய்தார்.
இதனை தவிர வேறு என்ன அவரிடம் எதிர்பார்க்க முடியும்
எனக்கூறினார்.

காங்., கோரிக்கை

பிரதமரின் பேச்சுக்கு கண்டனம் தெரிவித்துள்ள காங்கிரஸ்,
முன்னாள் மத்தியஅமைச்சரும் ராஜ்யசபா எம்.பி.,யான
ரேணுகா சவுத்ரியை கிண்டல் செய்த பிரதமரின் பேச்சு
கண்டனத்திற்குரியது.

ராஜ்யசபா தலைவர் ஒரு தலைபட்சமாக செயல்பட வேண்டாம்.
அவையில் உறுப்பினர் மரியாதையை அவர் காக்க வேண்டும்
எனக்கூறியது.

பதிலடி

மத்திய அமைச்சர் ஸ்மிருதி இரானி கூறுகையில், ராஜ்யசபாவில்
நானும் இருந்தேன். பிரதமர் குறித்து ரேணுகா சவுத்ரி அநாகரிமாக
கருத்து தெரிவித்தார். தனது கருத்தை நியாயபடுத்தவும், அவர்
தன் மீதான விமர்சனத்தை எதிர்க்கவும் பாலினத்தை
ரேணுகா சவுத்ரி பயன்படுத்துகிறாரா? என கேள்வி எழுப்பினார்.

தீர்மானம்

இதனிடையே, மத்திய உள்துறை அமைச்சர் கிரண் ரிஜ்ஜூ,
தனது டுவிட்டர் பக்கத்தில், ராஜ்யசபாவில் கோபமூட்டும் வகையில்
ரேணுகா சவுத்ரி சிரித்தாலும், அதனை கண்டு பிரதமர்
எரிச்சலைடையவில்லை எனக்கூறி, பிரதமர் கிண்டலாக பேசிய
வீடியோவை வெளியிட்டுள்ளார்.

முன்னதாக, தனது பேஸ்புக் பக்கத்தில் பிரதமர் மோடி கிண்டல்
குறித்து கருத்து தெரிவிக்கையில், ராமாயணத்தில் சூர்ப்பனகை
சிரிப்பது போன்ற வீடியோவை வெளியிட்டு பின்னர் நீக்கினார்.

இதற்கு எதிர்ப்பு தெரிவித்துள்ள ரேணுகா சவுத்ரி,
கிரண் ரிஜ்ஜூ மீது ராஜ்யசபாவில் உரிமை மீறல் தீர்மானம் கொண்டு
வர உள்ளதாக கூறியுள்ளார்.
-
-----------------------------------
தினமலர்

அப்போ அங்க போய் மக்களுக்காக எதுவும் பேச மாடீங்க அப்படி தானே