ராணுவ உடை தயாரிப்பு தொழிற்சாலையை மூடுவது தமிழர்களுக்கு செய்கிற துரோக செயல் : விஜயகாந்த் கண்டனம்

**ayyasamy ram** · **ayyasamy ram** Wed Feb 07, 2018 7:30 am

சென்னை:
தேமுதிக தலைவர் விஜயகாந்த் வெளியிட்ட அறிக்கை:

ராணுவ வீரர்களுக்கு உடைகள் தயாரிக்கும் ஆவடி ஓசிஎப்
தொழிற்சாலை காமராஜர் தமிழக முதல்வராக இருந்தபோது
1961ம் ஆண்டில் துவங்கப்பட்டது.

மத்திய அரசு திடீர் என்று கடந்த ஆண்டு நவம்பர் 16ம் தேதி
முதல் சீருடைக்கு பதிலாக, ரூபாய் பத்தாயிரம் ஒவ்வொரு
ராணுவ வீரர்களுக்கும் வழங்கிட உத்தரவு பிறப்பித்துள்ளது.

இந்த உத்தரவு என்பது தொழிற்சாலையில் பணிபுரியும்
2,121 தொழிலாளர்களுக்கு பெரும் அதிர்ச்சியை ஏற்படுத்தியுள்ளது.
இந்த தொழிற்சாலை ராணுவ வீரர்களுக்கு சீருடை தயாரிப்பதை
நிறுத்துவதோடு விட்டு விடாமல், மார்ச் 31ம் தேதி முதல் ஆலையை
மூடுவதென முடிவெடுத்து இருப்பது கண்டிக்கத்தக்கது.

தமிழகத்தில் இயங்கும் இந்த தொழிற்சாலையை மூடுவது என
மத்திய அரசு முடிவு எடுத்திருப்பது தமிழக மக்களுக்கு செய்கின்ற
பெரும் துரோகச்செயலாகும்.

தமிழக வளத்தை அழிக்கும் திட்டங்களான மீத்தேன்,
ஹைட்ரோ கார்பன், நியூட்ரினோ போன்ற திட்டங்களை தமிழகத்தில் -----
செயல்படுத்திவிட்டு, தமிழ் மக்களை வஞ்சித்ததோடு இல்லாமல்,
எந்த பாதிப்பும் இல்லாத ஆவடி ஓசிஎப் தொழிற்சாலையை மூடுவது
எந்த விதத்தில் நியாயம்.

பிரதமர் நரேந்திரமோடியும், பாதுகாப்பு துறை அமைச்சர்
நிர்மலா சீதாராமனும் அங்கு பணிபுரியும் தொழிலாளர்களின்
நலனை கருத்தில் கொண்டு, ஆவடி ஓசிஎப் தொழிற்சாலையை
தனியாரிடம் தாரைவார்ப்பதையோ, மூடுவதையோ தடுத்து நிறுத்தி
நடவடிக்கை எடுக்க வேண்டும். இவ்வாறு அறிக்கையில் கூறப்பட்டுள்ளது.
-
-----------------------------------------
தினகரன்

SK · SK Wed Feb 07, 2018 11:01 am

அவரை தான் நம் மக்கள் கோமாளி போல பார்க்கிறார்களே மக்களின் நலனில் அக்கறையுள்ள ஒரு தலைவர் அவர்

ராணுவ உடை தயாரிப்பு தொழிற்சாலையை மூடுவது தமிழர்களுக்கு செய்கிற துரோக செயல் : விஜயகாந்த் கண்டனம்

ராணுவ உடை தயாரிப்பு தொழிற்சாலையை மூடுவது தமிழர்களுக்கு செய்கிற துரோக செயல் : விஜயகாந்த் கண்டனம்

Re: ராணுவ உடை தயாரிப்பு தொழிற்சாலையை மூடுவது தமிழர்களுக்கு செய்கிற துரோக செயல் : விஜயகாந்த் கண்டனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக