ஐ லவ் யூ - ஒரு பக்க கதை -

**ayyasamy ram** · **ayyasamy ram** Tue Feb 06, 2018 8:43 pm

-
பஸ் ஸ்டாப்பில் நின்றுகொண்டிருந்தாள் பவித்ரா.
ஜீன்ஸ், டி-ஷர்ட் சகிதம் சன் கிளாஸோடு ஒரு ஹை கிளாஸ்
பெண் அவள் பக்கத்தில்!

‘என்ன இது? இவ ஏன் நம்மளையே பார்த்துக்கிட்டிருக்கா?’ -
கொஞ்சம் அசவுகரியமாக உணர்ந்தாள் பவித்ரா. திடீரென
அந்தப் பெண் பவித்ராவைப் பார்த்துச் சிரித்தபடி,
‘‘ஐ லவ் யூ!’’ என்றாள் கிறக்கமாக!அதிர்ந்து போனாள்
பவித்ரா.

‘அடச்சீ! கலாச்சாரம் இப்படியா கெட்டுப் போகணும்?
ஒரு பொண்ணு இன்னொரு பொண்ணுகிட்ட போய்...’ -
அருவருப்பாக சற்றுத் தள்ளி நின்றாள் பவித்ரா.

‘‘ப்ளீஸ்! நான் ஃபர்ஸ்ட் சொன்னதால என்னை சீப்பா
நினைச்சிட்டே இல்ல? லவ் யாருக்கு யார் மேல வந்தாலும்
சொல்லிடணும். ப்ளீஸ், என்னை அக்செப்ட் பண்ணிக்கோ!’’
- அவள் மேலும் பேசவும், பவித்ரா கோபத்தின் உச்சிக்கே
சென்றுவிட்டாள்.

‘‘என்னடி இது? பொது இடத்துல அசிங்கமா...’’ என்று
அவள் சீற, ‘‘சாரி மேம்... என் பாய் ஃப்ரெண்ட் என் லவ்வை
ஏத்துக்க மாட்டேங்கறான். அந்த டென்ஷன்ல செல்லுல சத்தமா
பேசிட்டேன்’’ என்றாள் அந்தப் பெண் பதற்றமாக.

அப்போதுதான் பவித்ரா கவனித்தாள், அவள் காதில் இருந்த
ப்ளூடூத் இயர் போனை!
-
-----------------------------------

விகடபாரதி
குங்குமம்-9-2-15