மத்திய பட்ஜெட்: ஆதரவும் எதிர்ப்பும்

**ayyasamy ram** · **ayyasamy ram** Thu Feb 01, 2018 8:00 pm

-

புதுடில்லி:
மத்திய பட்ஜெட், சாமான்யர்களுக்கான பட்ஜெட் என பிரதமர்
மோடி கூறினார்.

மத்திய பட்ஜெட் தொடர்பாக, பிரதமர் மோடி, டிவி மூலம்
ஆற்றிய உரை;

பட்ஜெட் புதிய இந்தியாவை வலிமைபடுத்துவதாகவும்,
வளர்ச்சியை வேகப்படுத்துவதாகவும் உள்ளது. 125 கோடி
மக்களுக்கான பட்ஜெட்டாக உள்ளது. மத்திய அரசின்
பொருளாதார வளர்ச்சியை வேகப்படுத்தும்.விவசாயிகளின்
அச்சம் போக்கப்பட்டுள்ளது.

விவசாயிகளுக்கு தேவையான அடிப்படை வசதிகள் செய்து
தரப்பட்டுள்ளன.
-

விளைபொருட்களை விற்பனை மையங்களுக்கு விவசாயிகள்
கொண்டு செல்ல வழிவகுக்கப்பட்டுள்ளது. அனைத்து
துறைகளுக்கும் முக்கியத்துவம் அளிக்கப்பட்டுள்ளது.

விளைபொருட்களுக்கு குறைந்தபட்ச ஆதார விலை நிர்ணயம்
செய்யப்பட்டது வரவேற்கத்தக்கது. ஆயுஷ்மான் பாரத் திட்டத்தின்
கீழ் 10 கோடி ஏழைகளுக்கு மருத்துவ உதவி வழங்கப்பட உள்ளது.
இவ்வாறு அவர் கூறினார்.
-
------------------------------------------------

**ayyasamy ram** · **ayyasamy ram** Thu Feb 01, 2018 8:01 pm

காங்கிரஸ் மூத்த தலைவர் சிதம்பரம் கூறியதாவது:

நிதி ஒருங்கிணைப்பு சோதனையில் ஜெட்லிக்கு தோல்வி
ஏற்பட்டுள்ளது. ஜெட்லியின் தோல்வி கடுமையான
விளைவுகளை ஏற்படுத்தும்.

தமிழக பா.ஜ., தலைவர் தமிழிசை கூறியதாவது:

நாடு பொருளாதாரம் வீட்டு பொருளாதார வளர்ச்சி கொண்ட
ஆரோக்கிய பட்ஜெட். விவசாயிகளுக்கு கடன் அட்டை கொடுப்பது
போல், மீனவர்களுக்கு கடன் அட்டை கொடுக்கப்பட உள்ளது.

மத்திய அமைச்சர் கட்கரி:

10 கோடி குடும்பங்களுக்கு ரூ.5 லட்சம் மருத்துவ காப்பீடு
மிகப்பெரிய திட்டம். வரலாற்று சாதனை மிக்க பட்ஜெட்.

பீஹார் முதல்வர் நிதிஷ்குமார்:

கல்வி, சுகாதாரம், விவசாயம் குறித்து அறிவிப்பு வெளியிடப்
பட்டுள்ளது. 10 கோடி குடும்பங்கள் பயன்பெறும் வகையில்,
தேசிய சுகாதார திட்டம் அறிவிக்கப்பட்டது மிகப்பெரிய
சாதனை. இதற்காக அரசை பாராட்டுகிறேன்.

மதசார்பற்ற ஜனதா தள தலைவர் தேவகவுடா:

விவசாயிகளை மேம்படுத்த நிதியமைச்சர் முயற்சி செய்துள்ளார்.
ஆனால், கிராமப்புற விவசாயிகளின் பிரச்னை பெரியது.

தமிழக காங்., தலைவர் திருநாவுக்கரசர்:

2019 தேர்தலை கொண்டு பல அறிவிப்புகள் வெளியிடப்பட்டுள்ளன.
ரயில் திட்டங்களை ஒரு வருடத்தில் நிறைவேற்ற முடியுமா?
இது கார்ப்பரேட் அரசாங்கம். இந்த வருடம் விவசாயிகள் கடன்
தள்ளுபடி செய்யப்பட்டுள்ளதா?
-
-----------------------
தினமலர்

**ayyasamy ram** · **ayyasamy ram** Thu Feb 01, 2018 8:02 pm

சென்னை:
மத்திய பட்ஜெட் அலங்கார அணிவகுப்புகளின் தொகுப்பு
என தி.மு.க., செயல் தலைவர் ஸ்டாலின் தெரிவித்துள்ளார்.

மத்திய பட்ஜெட் தாக்கல் குறித்து ஸ்டாலின் தெரிவித்ததாவது:
2014 தேர்தலின் போது வெளியிட்ட வாக்குறுதிகள் என்ன?
வெளியிட்ட அறிவிப்புகள் என்ன? பா.ஜ., ஒருமுறை தன்னை
சுயபரிசோதனை செய்து கொள்ள வேண்டும்.

தமிழகத்திற்கு அறிவித்த எய்ம்ஸ் மருத்துவமனை இதுவரை
வரவில்லை. பட்ஜெட்டில் தமிழக மக்களின் நலம்
புறக்கணிக்கப்பட்டுள்ளது. தி.மு.க., சார்பில் இதற்கு கண்டனம்
தெரிவிக்கப்படுகிறது.

பட்ஜெட்டில் அமைப்புசாரா தொழிலாளர் நலனுக்கான திட்டம்
ஏதும் இல்லை. பட்ஜெட்டில் விவசாயிகளின் முன்னேற்றத்துக்கு
தீர்வு காணாதது ஏமாற்றம் அளிக்கிறது.

மொத்தத்தில் மத்திய பட்ஜெட் வெறும் அலங்கார
அணிவகுப்புகளின் தொகுப்பாகவே உள்ளது. இவ்வாறு அவர்
தெரிவித்தார்.
-
---------------------------
தினமலர்

**T.N.Balasubramanian** · **T.N.Balasubramanian** Thu Feb 01, 2018 8:05 pm

எதிர் கட்சிகள் எதிர்ப்பதும்
ஆளும் கட்சி /சார்பு கட்சிகள் ஆதரிப்பதும்
வருடாவருடம் நாம் பார்க்கும் கேலிக்கூத்துதானே !
ரமணியன்

**ayyasamy ram** · **ayyasamy ram** Thu Feb 01, 2018 8:06 pm

அதிர்ஷ்டவசமாக இன்னும் ஒருவருடம் தான் இருக்கிறது
பட்ஜெட் குறித்து ராகுல் காந்தி
---
சென்னை

பாராளுமன்றத்தில் இன்று 2018-19 ஆம் நிதியாண்டுக்கான மத்திய பொது பட்ஜெட்டை நிதி மந்திரி அருண் ஜெட்லி தாக்கல் செய்து உரையாற்றினார்.

அதில் பல்வேறுதிட்டங்கள் குறித்த அறிவிப்பை அருண்ஜெட்லி வெளியிட்டார். இதற்கு எதிர்கட்சிகள் பெரும்பாலும் ஏமாற்றத்திற்கான பட்ஜெட் என விமர்சித்தனர். சிலர் இது தேர்தலுக்கான பட்ஜெட் என விமர்சித்தனர்.

காங்கிரஸ் தலைவர் ராகுல் காந்தி பட்ஜெட் பற்றி தனது கவிதை நடையில் டுவிட்டரில் கூறி உள்ளதாவது :-

நான்கு ஆண்டுகள் கடந்தும் இன்னும் விவசாயிகளுக்கு நியாமன விலை கிடைக்க செய்வோம் என உறுதி தான் உள்ளது.

நான்கு ஆண்டுகள் கடந்தும் கற்பனையான திட்டங்கள்... பொருந்தாத பட்ஜெட்டாக உள்ளது.

நான்கு ஆண்டுகள் கடந்தும் நமது இளைஞர்களுக்கு வேலை வாய்ப்பு இல்லை.

அதிர்ஷ்டவசமாக இன்னும் ஒருவருடம் தான் இருக்கிறது.

4 years gone; still promising FARMERS a fair price.
4 years gone; FANCY SCHEMES, with NO matching budgets.
4 years gone; no JOBS for our YOUTH.
Thankfully, only 1 more year to go.#Budget2018

— Office of RG (@OfficeOfRG) February 1, 2018

**பழ.முத்துராமலிங்கம்** · 27/09/2015

ayyasamy ram wrote:
பீஹார் முதல்வர் நிதிஷ்குமார்:
கல்வி, சுகாதாரம், விவசாயம் குறித்து அறிவிப்பு வெளியிடப்
பட்டுள்ளது. 10 கோடி குடும்பங்கள் பயன்பெறும் வகையில்,
தேசிய சுகாதார திட்டம் அறிவிக்கப்பட்டது மிகப்பெரிய
சாதனை. இதற்காக அரசை பாராட்டுகிறேன்.

மதசார்பற்ற ஜனதா தள தலைவர் தேவகவுடா:

விவசாயிகளை மேம்படுத்த நிதியமைச்சர் முயற்சி செய்துள்ளார்.
ஆனால், கிராமப்புற விவசாயிகளின் பிரச்னை பெரியது.

மேற்கோள் செய்த பதிவு: 1258490
இதை பாராட்டி தான் ஆக வேண்டும்
ஏழைகள் சுகாதாரம் பற்றி சிந்தனை.
நன்றி
ஐயா

Sponsored content · Sponsored content

மத்திய பட்ஜெட்: ஆதரவும் எதிர்ப்பும்

மத்திய பட்ஜெட்: ஆதரவும் எதிர்ப்பும்

Re: மத்திய பட்ஜெட்: ஆதரவும் எதிர்ப்பும்

Re: மத்திய பட்ஜெட்: ஆதரவும் எதிர்ப்பும்

Re: மத்திய பட்ஜெட்: ஆதரவும் எதிர்ப்பும்

Re: மத்திய பட்ஜெட்: ஆதரவும் எதிர்ப்பும்

Re: மத்திய பட்ஜெட்: ஆதரவும் எதிர்ப்பும்

Re: மத்திய பட்ஜெட்: ஆதரவும் எதிர்ப்பும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக