உலகம் பலவிதம்

**பழ.முத்துராமலிங்கம்** · 27/09/2015

மிரட்டும் எரிமலை

பிலிப்பைன்ஸ் தலைநகர் மணிலா அருகே உள்ள மேயான் எரிமலை பல ஆண்டாக உயிர்ப்புடன் இருந்து வருகிறது. 2640 மீட்டர் உயரம் கொண்ட இந்த எரிமலை அவ்வப்போது வெடித்து பல உயிர்களை பலி கொண்டு வருகிறது. தற்போது மேயான் எரிமலை எப்போது வேண்டுமானாலும் வெடிக்கலாம் என்ற நிலை உள்ளது. மேயான் எரிமலை கடந்த சில நாட்களாகவே லாவா குழம்பையும், சாம்பலையும் வெளியேற்றி பொங்கி வருவதைத் தொடர்ந்து பாதுகாப்பு கருதி 40,000 கிராம மக்கள் வெளியேற்றப்பட்டனர். இது விரைவில் வெடிக்கும் என்று அதிகாரிகள் எச்சரித்து உள்ளனர். அருகிலுள்ள கிராமங்களில் இருள் சூழ்ந்துள்ளது.

நன்றி
தினகரன்

**பழ.முத்துராமலிங்கம்** · 27/09/2015

கட்டுமானத்தில் சாதிக்கும் சீனா

மலேசிய தலைநகர் கோலாலம்பூரில் 106 மாடிகள் கொண்ட உலகின் உயரமான கட்டிடம் கட்டப்பட்டு வருகிறது. இப்பணியை சீன நிறுவனம் மேற்கொண்டு வருகிறது. 3 நாளுக்கு ஒரு தளம் என்ற விகிதத்தில் கட்டுமானப் பணி மிக விரைவாக நடந்து வருகிறது. அதோடு உலகின் மிக உயரிய தொழில்நுட்பம் பயன்படுத்தப்பட்டு வருகிறது. 492 மீட்டர் உயரத்தில் கட்டப்படும் இக்கட்டிடம், தற்போது உலகின் மிக உயரிய கட்டிடமான மலேசியாவின் டிவின் டவர் கட்டிடத்தை விட 40 மீட்டர் அதிக உயரம் கொண்டதாகும். இந்தாண்டு இறுதியில் இக்கட்டிடப்பணி நிறைவடையும் என எதிர்பார்க்கப்படுகிறது. இக்கட்டிடத்திற்கு சிக்னேச்சர் டவர் என பெயரிடப்பட்டுள்ளது. கட்டுமானத்தை பொறுத்த வரையில் சீனா மிக வேகமாக வளர்ச்சி அடைந்து வருகிறது. கடந்த வாரம் சீனாவில் புதிதாக அமைக்கப்படும், நன்லாங் ரயில் நிலையத்தில் தண்டவாள இணைப்பு பணியை 1,500 தொழிலாளர்கள் சேர்ந்து வெறும் 9 மணி நேரத்தில் முடித்துள்ளனர். தண்டவாளம் மட்டுமின்றி, சிக்னல்களும் பொருத்தப்பட்டுள்ளன.

நன்றி
தினகரன்

**பழ.முத்துராமலிங்கம்** · 27/09/2015

ஒட்டக அழகு போட்டியில் மோசடி

சவுதி அரேபியாவின் ரியாத் நகரில் ஒட்டக போட்டி ஒரு மாத காலம் நடந்து வருகிறது. இதில் ஒட்டக அழகு போட்டியில் பங்கேற்க வந்த 12 ஒட்டகங்கள் தகுதிநீக்கம் செய்யப்பட்டன. காரணம், அதன் உதடுகளில் அழகு சாதன பொருளை பயன்படுத்தி முடிகளை அகற்றியிருக்கிறார்களாம். இந்த ஒட்டக போட்டியின் மொத்த பரிசுத்தொகை சுமார் ₹300 கோடி. பல பிரிவுகளில் போட்டிகள் நடத்தப்படும். அதிகப்படியான பரிசுத்தொகைக்காக சிலர் விதிமுறை மீறி செயல்படுவது வழக்கமானது என கூறப்படுகிறது.

**பழ.முத்துராமலிங்கம்** · 27/09/2015

ஏரியை சாலை என காட்டிய ஜிபிஎஸ்

தொழில்நுட்பங்கள் எப்போதுமே நம்மை காப்பாற்றிக் கொண்டிருக்காது என்பதற்கு உதாரணமான சம்பவம் அமெரிக்காவில் நடந்துள்ளது. பர்லிங்டன் நகரில் காரில் சென்ற 3 பேர் ஜிபிஎஸ் கருவி காட்டிய வழியில் பயணம் செய்துள்ளனர். திடீரென கார் சென்ற சாலை வழுக்க ஆரம்பித்து கட்டுப்பாட்டை இழந்தது. அப்போதுதான் கார் சென்றது, பனியால் உறைந்த ஏரி என்பது காரில் இருந்தவர்களுக்கு தெரிந்தது. உடனடியாக காரிலிருந்து வெளியேறி ஓடினர். சிறிது நேரத்தில் பனி கட்டிகள் உடைந்து கார் ஏரி நீரில் மூழ்க ஆரம்பித்தது. இது குறித்து போலீசார் விசாரிக்கின்றனர். ஜிபிஎஸ் கருவி எப்படி தவறான பாதை காட்டியது என்பது குறித்து விசாரிக்கப்படுகிறது.

சிவனாசான் · சிவனாசான் Tue Jan 30, 2018 9:22 pm

உயிரற்ற ஜடப்பொருள் என்பது தெரியவைத்துவிட்டது.

**பழ.முத்துராமலிங்கம்** · 27/09/2015

சிவனாசான் wrote:உயிரற்ற ஜடப்பொருள் என்பது தெரியவைத்துவிட்டது.

மேற்கோள் செய்த பதிவு: 1258347

நன்றி ஐயா

**ayyasamy ram** · **ayyasamy ram** Wed Jan 31, 2018 9:50 pm

உலகம் பலவிதம் Dkn_Daily_News_2018_8354717493058

-
ஜிபிஎஸ் கருவியை முழுக்க நம்பினால் விபத்துதான்...!!

**பழ.முத்துராமலிங்கம்** · 27/09/2015

ayyasamy ram wrote:
-
ஜிபிஎஸ் கருவியை முழுக்க நம்பினால் விபத்துதான்...!!

மேற்கோள் செய்த பதிவு: 1258436
மனிதனுக்கு முன் மனிதனால் உருவகப்படுத்திய அனைத்தும்
ஒரு நாள் தோற்றுப்போகும். இது உண்மையாகிக் கொண்டிருக்கிறது.
நன்றி
ஐயா

Sponsored content · Sponsored content

உலகம் பலவிதம்

உலகம் பலவிதம்

Re: உலகம் பலவிதம்

Re: உலகம் பலவிதம்

Re: உலகம் பலவிதம்

Re: உலகம் பலவிதம்

Re: உலகம் பலவிதம்

Re: உலகம் பலவிதம்

Re: உலகம் பலவிதம்

Re: உலகம் பலவிதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக