ரூ.12 ஆயிரம் கோடி இழப்பை தாங்குமா தமிழகம்? ஜி.எஸ்.டி., வரம்பிற்குள் வருது பெட்ரோல், டீசல்

**ayyasamy ram** · **ayyasamy ram** Sun 28 Jan 2018 - 21:02

விலை உயர்ந்து வருவதால், பெட்ரோல், டீசலை, ஜி.எஸ்.டி., வரம்பிற்கு
உட்படுத்த, மத்திய அரசு, தீவிரம் காட்டி வருகிறது. இதனால், தமிழக
அரசுக்கு, ஆண்டிற்கு, 12 ஆயிரம் கோடி ரூபாய் வருவாய் இழப்பு
ஏற்படும் நிலை ஏற்பட்டுள்ளது.

சர்வதேச சந்தையில், கச்சா எண்ணெய் தட்டுப்பாடு காரணமாக,
நாடு முழுவதும், பெட்ரோல், டீசல் விலை, அதிரடியாக உயர்ந்து வருகிறது.
பெட்ரோல், டீசலுக்கு, தினமும் விலை நிர்ணயிக்கும் நடைமுறை,
2017 ஜூனில் அமலுக்கு வந்தது. அப்போது, லிட்டர் பெட்ரோல், 68 ரூபாய்;
லிட்டர் டீசல், 57.50 ரூபாய்க்கு விற்கப்பட்டது.

தற்போது, டீசல், 67 ரூபாய்; பெட்ரோல், 75 ரூபாயை தாண்டி விட்டது.

ஜி.எஸ்.டி., வரியை அமல்படுத்தும் முன், பெட்ரோல், டீசலையும்,
அந்த வரம்பிற்குள் கொண்டு வர, மத்திய அரசு திட்டமிட்டது. ஆனால்,
பல ஆயிரம் கோடி ரூபாய் வருவாய் இழப்பு ஏற்படும் என்பதால்,
தமிழகம் உள்ளிட்ட மாநிலங்கள், அதற்கு கடும் எதிர்ப்பு தெரிவித்தன.

அதைத் தொடர்ந்து, பெட்ரோலிய பொருட்களை, 'வாட்' வரியில்
வைத்திருக்க, மத்திய அரசு சம்மதித்தது.

அதனால், பெட்ரோலிய பொருட்களுக்கு, மாநில அரசின், வாட் வரி;
மத்திய அரசின், கலால் வரி என, இருவிதமான வரிகள்
விதிக்கப்படுகின்றன. இதனிடையே, 2017 அக்டோபரில், பெட்ரோல்,
டீசல் மீதான கலால் வரியில், இரண்டு ரூபாயை, மத்திய அரசு
குறைத்தது. ஆனால், தமிழகம் உள்ளிட்ட பெரும்பாலான மாநில
அரசுகள், வாட் வரியைகுறைக்கவில்லை.
-
---------------------------------------------

**ayyasamy ram** · **ayyasamy ram** Sun 28 Jan 2018 - 21:02

மீண்டும் முயற்சி

இந்நிலையில், பெட்ரோல், டீசல் விலை தொடர்ந்து அதிகரித்து
வருவதால், அவற்றை, ஜி.எஸ்.டி., வரம்புக்குள் கொண்டு வருவதற்கான
முயற்சிகளை, மத்திய அரசு மீண்டும் துவக்கியுள்ளது. அதனால்,
ஒரே ஒரு வரி மட்டும் விதிக்க வழி ஏற்படும்; பெட்ரோல், டீசல், விலை
சற்று குறையும்.

இதை, மத்திய பெட்ரோலிய துறை அமைச்சர், தர்மேந்திர பிரதானும்,
சமீபத்தில் உறுதிப்படுத்தியுள்ளார்.

இதனால், மாநில அரசுகளுக்கு, குறிப்பாக, தமிழக அரசுக்கு கிடைக்கும்,
12 ஆயிரம் கோடி ரூபாய் வருவாய் பாதிக்கப்படும். ஆனால், விலை
குறையும் என்பதால், மத்திய அரசின் முடிவுக்கு, மக்கள் ஆதரவு உள்ளது.
எனவே, ஜி.எஸ்.டி.,க்கு எதிராக பலமாகவும் குரல் கொடுக்க முடியாது.

இந்த நிதியாண்டில், தமிழகத்தில், 16 ஆயிரம் கோடி ரூபாய் வருவாய்
பற்றாக்குறை இருக்கும்என, பட்ஜெட்டில் கூறப்பட்டுள்ளது. அது,
மேலும் அதிகரித்து வருகிறது. அதனால், வருவாய் இழப்பை தாங்க
முடியாத நிலை உருவாகும். எனவே, இரு தலைக்கொள்ளி எறும்பாக,
தமிழக அரசு தவிக்கும் நிலை ஏற்பட்டுள்ளது.

எதிர்ப்போம்

இது குறித்து, தமிழக வணிக வரித்துறை அதிகாரிகள் கூறியதாவது:
தமிழகத்தில், 10 ஆண்டு இடைவெளிக்குப் பின், பெட்ரோலிய
பொருட்கள் மீதான, வாட் வரி, 2017 மார்ச்சில் அதிகரிக்கப்பட்டது.
அப்போது, தமிழக அரசு, பெட்ரோலுக்கான வரியை, 27ல் இருந்து,
34 சதவீதமாகவும், டீசல் மீதான வரியை, 21.4ல் இருந்து,
25 சதவீதமாகவும் உயர்த்தியது;

அதனால், பெட்ரோல் விலை, 3.78 ரூபாயும், டீசல் விலை, 1.70 ரூபாயும்
அதிகரித்தது. அதுவரை கிடைத்து வந்த, 10 ஆயிரம் கோடி வரி வருவாய்
, 12 ஆயிரம் கோடி ரூபாயாக அதிகரித்தது.

தற்போது, பெட்ரோல், டீசல் விலை உயர்வால், மேலும் பல நுாறு கோடி
ரூபாய், வருவாய் அதிகரித்துள்ளது. இந்த சூழலில், நாம் ஜி.எஸ்.டி.,க்கு
மாறினால், கணிசமான வரி இழப்பு ஏற்படும்.

அதனால், பிப்ரவரியில் நடைபெறவுள்ள, ஜி.எஸ்.டி., கவுன்சில் கூட்டத்தில்,
இதுபற்றி விவாதிக்கப்பட்டால், கடும் எதிர்ப்பு தெரிவிப்போம்.
இவ்வாறு அவர்கள் கூறினர்.
-
-------------------------------------------------
- நமது சிறப்பு நிருபர் -
தினமலர்
-

SK · SK Mon 29 Jan 2018 - 16:21

தெரியாமல் கூட மக்களுக்கு நல்லது செஞ்சிறாதீங்க

சிறப்பான ஆட்சி நடக்குது தமிழகத்திலே

**பழ.முத்துராமலிங்கம்** · 27/09/2015

ayyasamy ram wrote:
இந்நிலையில், பெட்ரோல், டீசல் விலை தொடர்ந்து அதிகரித்து
வருவதால், அவற்றை, ஜி.எஸ்.டி., வரம்புக்குள் கொண்டு வருவதற்கான
முயற்சிகளை, மத்திய அரசு மீண்டும் துவக்கியுள்ளது. அதனால்,
ஒரே ஒரு வரி மட்டும் விதிக்க வழி ஏற்படும்; பெட்ரோல், டீசல், விலை
சற்று குறையும்.

இதை, மத்திய பெட்ரோலிய துறை அமைச்சர், தர்மேந்திர பிரதானும்,
சமீபத்தில் உறுதிப்படுத்தியுள்ளார்.

மேற்கோள் செய்த பதிவு: 1258219

இலவசங்களை குறையுங்கள், இப்படி மக்களிடம் புடுங்கி இலவசம் தேவையா?
----
இந்த இலவசம் நம் மக்களை கெடுத்து சோம்பேறிகளாக்கி விட்டது.
------
யாரும் கோவித்து கொள்ள வேண்டாம்.
எதற்கெடுத்தாலும் அரசிடம் கையேந்தியே நிற்பது.
-----
நாம் இந்த மாதிரி சில இலவசங்களை எதிர்பார்த்துக்கொண்டே இருப்பதால்
இதிலும் கொள்ளை.
-----
தேவையற்ற இலவசம் வேண்டாம் என்று தவிர்த்து விடுங்கள்.
----
நன்றி
ஐயா

Sponsored content · Sponsored content

ரூ.12 ஆயிரம் கோடி இழப்பை தாங்குமா தமிழகம்? ஜி.எஸ்.டி., வரம்பிற்குள் வருது பெட்ரோல், டீசல்

ரூ.12 ஆயிரம் கோடி இழப்பை தாங்குமா தமிழகம்? ஜி.எஸ்.டி., வரம்பிற்குள் வருது பெட்ரோல், டீசல்

Re: ரூ.12 ஆயிரம் கோடி இழப்பை தாங்குமா தமிழகம்? ஜி.எஸ்.டி., வரம்பிற்குள் வருது பெட்ரோல், டீசல்

Re: ரூ.12 ஆயிரம் கோடி இழப்பை தாங்குமா தமிழகம்? ஜி.எஸ்.டி., வரம்பிற்குள் வருது பெட்ரோல், டீசல்

Re: ரூ.12 ஆயிரம் கோடி இழப்பை தாங்குமா தமிழகம்? ஜி.எஸ்.டி., வரம்பிற்குள் வருது பெட்ரோல், டீசல்

Re: ரூ.12 ஆயிரம் கோடி இழப்பை தாங்குமா தமிழகம்? ஜி.எஸ்.டி., வரம்பிற்குள் வருது பெட்ரோல், டீசல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக