அடடே அரசியல் : பா.ஜ.விற்கு எதிராக 7 கட்சி தலைவர்கள் பேரணி

**ayyasamy ram** · **ayyasamy ram** Sat Jan 27, 2018 3:24 pm

மும்பை:
மும்பையில் பா.ஜ.வுக்கு எதிராக 7 கட்சி தலைவர்கள் கைகோர்த்து
வீதியில் பேரணி நடத்தினர். அதற்கு போட்டியாக பா.ஜ.வும் பேரணி
நடத்தியது பரபரப்பை ஏற்படுத்தியுள்ளது.

2019-ம் ஆண்டு நடக்க உள்ள லோக்சபா தேர்தலுக்கு முன்னோட்டமாக
7 கட்சியினர் ஓரணியில் திரண்டது போன்ற மாயை ஏற்பட்டதாக
கூறப்படுகிறது.

இன்னும் ஒராண்டிற்குள் நாடு பார்லி.லோக்சபா தேர்தலை சந்திக்க
உள்ளது. இதில் இரு பெரும் தேசிய கட்சிகளான பா.ஜ.,காங். ஆகிய
கட்சிகளுடன் பிற மாநில கட்சிகள் யாருடன் கூட்டணி சேர்வார்கள்
என்று தெரியாத நிலையில் மீண்டும் ஆட்சியை தக்க பா.ஜ. வியூகம்
வகுத்து வருகிறது.

அதே நேரத்தில் பா.ஜ. வுக்கு எதிராக எதிர்க்கட்சிகளும் ஓரணியில்
திரள தயாராகிவிட்டது போன்ற தோற்றத்தை நேற்று மும்பையில்
நடந்த பேரணியில் தெரிந்தது.
-
---------------------------------------------

**ayyasamy ram** · **ayyasamy ram** Sat Jan 27, 2018 3:24 pm

நேற்று காலை குடியரசு தின விழா கொண்டாட்டம் முடிந்த
பின்னர் மும்பையின் ஓவல் மைதானத்தில் சரத்பவார்
( தேசியவாத காங்.), சரத்யாதவ் ( ஐக்கிய ஜனதா தளம் அதிருப்தி),
சீத்தாராம் யெச்சூரி (சி.பி.எம்.) டி.ராஜா( இந்திய கம்யூ.),
தினேஷ் திரிவேதி (திரிணாமுல் காங்.) ஓமர் அப்துல்லா
(தேசிய மாநாட்டு கட்சி), சுஷில்குமார் ஷிண்டே (காங்.), பதிதார்
அமைப்பினர் ஹர்திக் படேல் ஆகியோர் ஒன்றாக கைகோர்த்தபடி
வீதியில பேரணி நடத்தினர்.

அப்போது ‛அரசியலமைப்பு சட்டத்தை காப்பாற்று'' என்ற
கோஷமிட்டனர். இந்த பேரணி தெற்கு மும்பையின் கேட்வே
ஆப்இந்தியாவில் நிறைவடைந்தது.

அங்கு நடந்த பொதுக்கூட்டத்தில் சரத்பவார் பேசியது,
நாட்டில் அரசியலமைப்புசட்டத்திற்கு எதிராக மிகப்பெரிய
தாக்குதல் நடக்கிறது. அதனை எப்பாடுபட்டாவது காப்பாற்ற
வேண்டும். மத்தியில் ஆளும் பா.ஜ.,வுக்கு எதிராக வரும்
29-ம் தேதி மிகப்பிரமாண்ட மாநாடு நடத்தி நாம் யார் என்பதை
காட்ட வேண்டும்.

பா.ஜ.வை எதிர்க்க, அனைத்து எதிர்க்கட்சிகள் எங்கள் பின்னால்
அணி திரண்டு வரலாம் என்றார்.

நாடகம்

இதற்கு போட்டியாக பா.ஜ.வினர் நேற்று ‛‛அரசியலமைப்பு
சட்டத்திற்கு மதிப்பளிப்போம்'' என்ற பெயரில் மும்பை
சைதன்யபூமி என்ற இடத்தில் கிளம்பிய பிரமாண்ட பேரணி மத்திய
மும்பையின் கம்கார் என்ற இடத்தில் நிறைவடைந்தது. அங்கு
நடந்த பொதுக்கூட்டத்தில் மகாராஷ்டிரா மாநில பா.ஜ. முதல்வர்
தேவேந்திர பட்னாவிஸ் பேசினார்.

அப்போது அவர் பேசுகையில், அரசியலமைப்பு காப்பாற்றுங்கள்
என்ற பெயரில் எதிர்கட்சிகள் நடத்துவது நாடகம். அவர்களின்
முகத்திரை விரைவில் கிழியும். அம்பேத்கர் என்ற மேதையால்
வடிவமைக்கப்பட்ட அரசியலமைப்பு உலகின் மகிவும் சக்தி
வாய்ந்த ஒன்று என்றார்.
-
--------------------------------------
தமிழ் ஒன் இந்தியா