இந்தியாவில் கடைநிலை ஊழியரின் 941 ஆண்டு கால ஊதியம் மேலாளரின் ஆண்டு வருவாய்க்கு சமம் : அதிர்ச்சி தகவல்

டேவோஸ்:
இந்தியாவில் கடந்த ஓராண்டில் ஏழை - பணக்காரர் இடையிலான
இடைவெளி மிகவும் அதிகரித்திருப்பதாக சர்வதேச ஆய்வு ஒன்றில்
தெரிய வந்துள்ளது.

உலக பொருளாதார கூட்டமைப்பு மாநாட்டில் பிரதமர் மோடி
பங்கேற்க சுவிட்சர்லாந்து சென்றுள்ள நிலையில், அந்நாட்டை
சேர்ந்த ஆக்ஸ்ஃபேம் ஹவர்ஸ் என்ற சர்வதேச நிறுவனம் தமது
ஆய்வு முடிவை வெளியிட்டுள்ளது.

அதன்படி இந்தியாவில் 1 சதவீதமே உள்ள பணக்காரர்களின்
சொத்து மதிப்பு கடந்த ஓராண்டில் மட்டும் ரூ.20 லட்சத்து 90 ஆயிரம்
கோடி அதிகரித்துள்ளதாக கூறியுள்ளது.

இது 2017 - 18-ம் நிதியாண்டிற்கான இந்தியாவின் ஒட்டு மொத்த
பட்ஜெட் மதிப்பிற்கு சமமானது. அதே நேரத்தில் நாட்டின் மொத்த
மக்கள் தொகையில் ஏறத்தாழ 67 கோடி பேர், அதாவது 50 சதவீதம்
பேரின் வருவாய் 1 சதவீதம் மட்டுமே அதிகரித்துள்ளது.

இந்தியாவில் கடைநிலை ஊழியர் ஒருவர் 941 ஆண்டுகள் உழைத்தால்
கிடைக்கும் வருவாயானது ஒரு நிறுவன மேலாளரின் ஆண்டு
வருமானத்திற்கு சமம் என்கிறது அந்த ஆய்வு.

நாட்டின் பொருளாதார வளர்ச்சி அனைவருக்கும் போய் சேர
வேண்டுமே தவிர, குறிப்பிட்ட பணக்காரர்களுக்கு மட்டுமேயானதாக
இருக்க கூடாது என இந்திய அரசுக்கு ஆக்ஸ்ஃபேம் ஹவர்ஸ்
அறிவுறுத்தியுள்ளது.

கடந்தாண்டு ஆய்வின்படி, நாட்டின் 1 சதவீத மக்களிடம் உள்ள
58 சதவீத சொத்துக்கள்/ வளங்கள் இருந்ததாகவும், அது தற்போது
20.9 லட்சம் கோடிகள் அதிகரித்து நாட்டின் 73 சதவீத சொத்துக்கள்
1 சதவீத மக்களிடம் சென்று சேர்ந்துள்ளதாகவும் குறிப்பிடப்பட்டுள்ளது.

இது மக்களிடையே வருவாய் சமநிலை இல்லாத நிலையை
காட்டுவதாகவும் ஆய்வில் கூறப்பட்டுள்ளது. 1 சதவீத மக்களிடம்
73 சதவீத சொத்துக்கள் உள்ளன.
-
----------------------------
தினகரன்

மோடியின் சிறப்பான செயல்பாட்டையே இது காட்டுகிறது

எல்லாம் புள்ளி விவரம்தான் உண்மை>>>>>>>>>>>>>>>>>.