ருசி என்பதை முழு பசிதான் உணர்த்தும்!

**krishnaamma** · **krishnaamma** Mon Jan 08, 2018 11:34 pm

“ஆண் மனதோடு இருந்தால், ஒருபோதும் நன்றாகச் சமைக்க முடியாது. சமையலறைக்குள் நுழையும் போது, பெண்ணாக மாறிவிட வேண்டும். பெண்ணின் மனதைக் கொண்டுதான் சமையலை வசப்படுத்த முடியும்” என்கிறார் எழுத்தாளர் போப்பு. உணவு சார்ந்து எழுதுவதில் தொடங்கி, உணவகம் வைத்தது வரைக்கும், இவருக்கும் சமையலுக்குமான தொடர்பு சுவாரஸ்யமானது.

சமையல் குறித்த, சுவையான தகவல்களை, பகிர்ந்து கொள்கிறார். “வீட்டில் எல்லாருமே ஆண்பிள்ளை என்பதால், அம்மாவுக்குச் சமையலில் உதவிக்கு ஒரு பெண் தேவை. அதனால் என்னைப் பக்கத்தில் வைத்துக்கொள்வார். மசாலா கலக்கும் போது ஏற்படும் நிற மாற்றமும், வாசனையும், என்னை ஒவ்வொரு பொழுதும் ஆச்சரியப்படுத்தும்.

அடுத்ததாக என் பாட்டி, விதவிதமான வடிவத்திலும் நிறத்திலும் தோசை சுடுவார். என் அப்பா என்ன சாப்பாடு வேண்டும் என்று சொல்ல மாட்டார். சமையலுக்கான குறிப்பு சொல்லி, அம்மாவைச் சமைக்கச் சொல்லுவார். இவர்களே என்னுடைய சமையலின் குருநாதர்கள். சுவையான சாப்பாட்டின் மீதான தேடுதல் எப்போதுமே எனக்கு உண்டு.

அதனால் நானே ஓட்டல் தொடங்கினேன். ஒரு கட்டத்தில் ஓட்டல் நடத்தமுடியாமல் போய்விட்டது. பிறகு மனைவி வேலைக்குப் போய்விடுவார். நான் வீட்டு வேலையைப் பார்ப்பேன். ஒவ்வொரு நாளும் புதிதுபுதிதாக, அதுவும் ஆரோக்கியமான உணவைச் சமைப்பதில் அதிக ஈடுபாடு. எனக்கு சமைக்கவும், சாப்பிடவும் பிடித்தது, மீன் வருவல். என் வீட்டிற்கு வரும் நண்பர்கள், என்னிடம் செய்யச் சொல்வதும் மீன் குழம்புதான்.

இரவு தாமதமாக உறங்குவது, பகலிலும் தாமதமாக எழுவது, இரண்டுமே நம் உணவு முறையையே மாற்றி விடுகிறது. சாப்பாட்டுடன் அதிகமாக கார்போஹைட்ரேட் எடுத்துக்கொள்கிறோம். சத்தான காய்கறிகளை அதிகமாக சாப்பிடுவதில்லை. இரண்டுமே தவறு. ஆரோக்கியமான உணவுகளை தேடித் தேடி சாப்பிடவேண்டும். நமது நாக்கில் சுவை மொட்டுக்கு வேலைக் கொடுத்துக்கொண்டே இருக்கவேண்டும். ருசி என்பதை முழு பசிதான் உணர்த்தும். நல்ல பசியோடு சாப்பிடும்போதுதான், முழுமையான உணவின் ருசியை உணரமுடியும்.”

போப்பு, எழுத்தாளர்.

SK · SK Tue Jan 09, 2018 9:56 am

sk wrote:நல்ல பசியோடு சாப்பிடும்போதுதான், முழுமையான உணவின் ருசியை உணரமுடியும்.”

ருசி என்பதை முழு பசிதான் உணர்த்தும்!

ருசி என்பதை முழு பசிதான் உணர்த்தும்!

Re: ருசி என்பதை முழு பசிதான் உணர்த்தும்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக