அழகு புத்தாண்டை அன்போடு வரவேற்போம்!

**ayyasamy ram** · **ayyasamy ram** Mon Jan 01, 2018 12:33 am

-
ஆண்டுகளின் அரசனாய்
அவதரிக்கிறது புத்தாண்டு!
பிறக்கும் குழந்தைக்கு
தெரியுமா
பிறவியின் பெருமைகள்!
-
பதினெட்டு...
எண்களில் மட்டுமல்ல
வருடங்களிலும்
இது வசீகரமானது...
வளம் தரப்போவது!
-
அட்சரம் துவங்கி
அதிசயம் நிகழ்த்துவது வரை
'பதினெட்டின்' பெருமைக்கு
ஒரு பட்டியலே உண்டு!
-
தத்துவங்கள், 'பதினெட்டு'
தமிழ் மெய் எழுத்துகள், 'பதினெட்டு'
இலக்கியங்கள், 'பதினெட்டு'
இணையில்லா சித்தர்கள், 'பதினெட்டு'
இப்படி
பதினெட்டின் பெருமைகளை
பாங்காக பட்டியலிடலாம்!
-
'ஆடிப்பெருக்கு' ஆனந்தம் பெருகிட,
'பதினெட்டே' தமிழருக்கு
பவித்ரமான நாள்!
ஆடியில் மட்டுமல்ல...
ஆண்டு முழுமைக்கும்
ஆனந்தம் பெருகட்டும்
'பதினெட்டாம்' புத்தாண்டு!

அமுதம் வேண்டி அசுரரும், தேவரும்
பாற்கடல் கடைய பயன்படுத்திய
நாட்கள், 'பத்தாயிரத்து எண்ணுாறு!'
அமுதமாய் இன்பத்தை
அள்ளிக் கொடுப்பதற்கு
இது அடையாளமாகட்டும்!
-
கண்ணகிக்கு சிலை வடிக்க
சேரன் செங்குட்டுவன் இமயம் சென்று
கனக விஜயரை வெல்ல எடுத்த
காலம், 'பதினெட்டே' நாழிகை தான்!
குறுகிய காலத்தில் கொடுக்கும்
வெற்றிக்கு, 'இது' குறியீடாய்
ஆகட்டும்!
-
பிறந்தவர்கள் எல்லாரையும்
பிரம்மனாய் உயர்த்தி
தேசத்தின் தலையெழுத்தை எழுத
வாக்காளர் உரிமை வழங்குவதும்
'பதினெட்டாம்' வயதல்லவா...
உரிமைக்கு உயர்வு தரும்
ஆண்டாக மிளிரட்டும் இவ்வாண்டு!
-
வாழும் நெறியுணர்ந்தும்
கீதையின் அற்புதங்கள்
சொல்லும் அத்தியாயங்கள்
சுவை மிக்க, 'பதினெட்டு!'
-
இப்படி
வரலாறு நிகழ்த்திய
வலிமை மிகு எண் பதினெட்டு
வரலாறை நிகழ்த்த வருகிறது
புத்தாண்டாக!
அந்த அழகு புத்தாண்டை
அன்போடு வரவேற்போம்!
-
பிறக்கும் புத்தாண்டே
உன் பெருமை பட்டியலை
பிறந்தநாள் வாழ்த்தாக்கி
பெருமையுடன் படைக்கிறோம்
வரலாறு பாராட்ட, வளம் தந்து
அருள்புரிவாய்!
எல்லாருக்கும் மகிழ்ச்சியை
எந்நாளும் தந்தருள்வாய்!
-
---------------------------
கீதா பிரியன், ஸ்ரீவில்லிபுத்துார்.
வாரமலர்

aeroboy2000 · aeroboy2000 Mon Jan 01, 2018 8:03 am

அனைத்து ஈகரை உறவுகளுக்கும்,

நிர்வாகக் குழு அங்கத்தினர்களுக்கும்

இன்று சேர்ந்தவர் முதல் நீண்ட நாள் தொடரும்
உறுப்பினர்களுக்கும்

எமை இங்கு சேர வழிகாட்டிய பின் எஸ்கேப் என்று இருக்கும் இனிய குரு ஜி களுக்கும்

புத்தக வாசிப்பை யாம் விட்டு விடாமல் இருக்க அடிக்கடி புத்தகங்களைப் பதியும் நண்பர்களுக்கும்

எல்லோருடைய இனிய குடும்பங்களுக்கும்

எனது நெஞ்சார்ந்த இனிய புத்தாண்டு வாழ்த்துகள்......

மாநிலத்திலும் மத்தியிலும் நல்லாட்சி பெற்று
நாளும் நல் வாழ்க்கை வாழ இறையருள்
அருள வேண்டும்....

அன்புடன்
கே எல் என்

:வணக்கம்:

aeroboy2000 · aeroboy2000 Mon Jan 01, 2018 8:58 am

Wish You All a Very Happy New Year 2018

(புத்தாண்டு வாழ்த்துக்கள் கூறுகிறார் aeroboy 2000 அவர்கள் .)

KLN

**T.N.Balasubramanian** · **T.N.Balasubramanian** Mon Jan 01, 2018 12:33 pm

முழு பதிவும் ஆங்கிலத்திலேயே இருந்ததால், அவை நீக்கப்படுகிறது.
தவறாக நினைக்கவேண்டாம். KLN அவர்களே

ரமணியன்

aeroboy2000 · aeroboy2000 Mon Jan 01, 2018 2:49 pm

T.N.Balasubramanian wrote:முழு பதிவும் ஆங்கிலத்திலேயே இருந்ததால், அவை நீக்கப்படுகிறது.
தவறாக நினைக்கவேண்டாம். KLN அவர்களே

ரமணியன்

மேற்கோள் செய்த பதிவு: 1255503

மன்னிக்கவும் அய்யா,

தமிழ் நண்பரின் மகன் கேந்திரிய வித்யாலயா வில் இந்தி வழியில் கல்வி பயின்றவன்(ர்)

தமிழ் வார்த்தைகளை ஒவ்வொரு எழுத்தாக எழுத்து கூட்டி படிப்பவர்...
ஆனாலும் தமிழ் மொழி தளங்களை வலம் வருபவர் ...

ஈகரையில் அடிக்கடி விருந்தினராக (Guest) வருபவர்

அவர்களைப் போன்றவர்களுக்காக முழுதும் ஆங்கிலத்தில் பதிவிட்டு விட்டேன் ...

புத்தாண்டு சுவராசியங்களில் ...
தொலைக்காட்சி பட்டி மன்றங்களை செவியால் கேட்டு இன்புற்றபடி பதிவிட்டதால்
நம் பதிவிடும் விதிகளை மறந்து போனேன்...

நினைவூட்டியதற்கு மிக்க நன்றி...

என்றும் அன்புடன்

கே. எல். என்
அழகு புத்தாண்டை அன்போடு வரவேற்போம்! 1571444738

அழகு புத்தாண்டை அன்போடு வரவேற்போம்! 1571444738

Sponsored content · Sponsored content

அழகு புத்தாண்டை அன்போடு வரவேற்போம்!

அழகு புத்தாண்டை அன்போடு வரவேற்போம்!

Re: அழகு புத்தாண்டை அன்போடு வரவேற்போம்!

Re: அழகு புத்தாண்டை அன்போடு வரவேற்போம்!

Re: அழகு புத்தாண்டை அன்போடு வரவேற்போம்!

Re: அழகு புத்தாண்டை அன்போடு வரவேற்போம்!

Re: அழகு புத்தாண்டை அன்போடு வரவேற்போம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக