பத்மாவதி படம் விவகாரம்: படத்தின் பெயரை மாற்ற தணிக்கைக்குழு அறிவுரை!

KavithaMohan · KavithaMohan Sat Dec 30, 2017 3:58 pm

பத்மாவதி படத்திற்காக தொடர்ந்து நடைபெறும் பிரச்னையை சரி செய்ய படத்தின் பெயரை 'பத்மாவத்' என மாற்றிக்கொள்ள திரைப்பட தணிக்கைக்குழு அறிவுரை வழங்கியுள்ளது.

இயக்குனர் சஞ்சய் லீலா பன்சாலி இயக்கத்தில், நடிகை தீபிகா படுகோனே கதாநாயகியாக நடித்து விரைவில் திரைக்கு வர காத்திருக்கும் படம் "பத்மாவதி". வரலாற்று பின்னணியை அடிப்படையாக கொண்ட இந்த படத்தில், நடிகர்கள் ரண்வீர் சிங் மற்றும் ஷாகித் கபூர் ஆகியோர் கதாநாயகர்களாக நடித்துள்ளனர். இந்த படம் டிசம்பர் 1–ந் தேதி திரைக்கு வரவிருந்தது. ஆனால் பத்மாவதி படத்தில் வரலாற்றை தவறாத சித்தரித்து இருப்பதாகவும், இந்த படம் வெளியாவதற்கு தடை விதிக்க வேண்டும் என பல்வேறு தரப்பில் எதிர்ப்பு தெரிவிக்கப்பட்டு வந்தது.
இதனையடுத்து படத்தின் வெளியீடு தேதி தள்ளிப்போனது. மேலும் ‘பத்மாவதி’ படத்தை தடை விதிக்க கோரி உச்ச நீதிமன்றத்தில் மனுதாக்கல் செய்யப்பட்டது. ஆனால் மனுவை உச்ச நீதிமன்றம் நிராகரித்தது. அதேபோல, அலாகாபாத் உயர் நீதிமன்றமும் இதுதொடர்பான வழக்கை முன்னெடுக்க மறுத்துவிட்டது. ஆனால் படத்திற்கு கிளம்பிய எதிர்ப்பு மட்டும் குறையாமல் அதிகரித்துக்கொண்டே சென்றது. இந்நிலையில், டிசம்பர் 28-ம் தேதி திரைக்கலைஞர்கள் மத்தியில் சமுதாய கண்ணோட்டத்தில் பத்மாவதி படம் பார்க்கப்பட்டது. இதனையடுத்து 'பத்மாவதி' படத்தில் 26 கட் போட்டதோடு, படத்தின் பெயரை 'பத்மாவத்' என மாற்றிக்கொள்ள திரைப்பட தணிக்கைக்குழு, படக்குழுவினருக்கு அறிவுரை வழங்கியுள்ளது.

பத்மாவதி படம் விவகாரம்: படத்தின் பெயரை மாற்ற தணிக்கைக்குழு அறிவுரை!

பத்மாவதி படம் விவகாரம்: படத்தின் பெயரை மாற்ற தணிக்கைக்குழு அறிவுரை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக