மாட்டு தீவன ஊழல் வழக்கு: சிறை செல்கிறார் லாலு பிரசாத்!

KavithaMohan · KavithaMohan Sat Dec 23, 2017 4:42 pm

மாட்டு தீவன ஊழல் வழக்கில் பீகார் முன்னாள் முதல் மந்திரி லாலு பிரசாத் யாதவ் குற்றவாளி என நீதிமன்றம் தீர்ப்பளித்துள்ளது.
1990 முதல் 97 வரை லாலு பிரசாத் யாதவ் பீகார் மாநில முதல்வராக இருந்தபோது மாட்டுத்தீவனம் வழங்குவதில் மிகப்பெரிய ஊழல் நடந்ததாக குற்றச்சாட்டு எழுந்தது. சுமார் ரூ.950 கோடி அளவுக்கு லாலு ஊழல் புரிந்ததாகவும் கூறப்பட்டது. இதனையடுத்து 1997-ம் ஆண்டு லாலு பிரசாத் யாதவ் பதவி விலகி தனது மனைவி ராப்ரி தேவியை முதல்-மந்திரியாக்கினார்.

இது தொடர்பாக லாலு பிரசாத் மீது 5 வழக்குகள் உட்பட 64 வழக்குகளை சிபிஐ பதிவு செய்து விசாரித்ததில் 2013-ம் ஆண்டு அவர் குற்றவாளி என தீர்ப்பளித்து சிபிஐ சிறப்பு நீதிமன்றம் உத்தரவிட்டது. இதனையடுத்து பதியப்பட்ட 5 வழக்குகளில் ஒன்றிற்காக 5 ஆண்டுகள் சிறைத்தண்டனை பெற்று வந்த அவர் உச்ச நீதிமன்றத்தில் மனுதாக்கல் செய்து ஜாமீனில் வெளிவந்தார்.

பின்னர் தொடர்ந்து இந்த வழக்கை விசாரித்து வந்த சிபிஐ நீதிமன்றம் இன்று இறுதி தீர்ப்பை வழங்கியது. அதில், முதல்வர் லாலு பிரசாத் யாதவ் உள்ளிட்ட 15 பேரை குற்றவாளிகள் என அறிவித்துள்ளது. இதனால் லாலுபிரசாத் சிறை செல்ல உள்ளார். மேலும் குற்றவாளிகளுக்கான தண்டனை விவரம் ஜனவரி 3ல் அறிவிக்கப்படும் என நீதிபதி தெரிவித்துள்ளார்.

அதேசமயத்தில், அதேவேளையில் பீகார் முன்னாள் முதல் அமைச்சர் ஜெகன்னாத் மிஸ்ரா உட்பட 7 பேர் விடுவிக்கப்பட்டுள்ளனர்.

நன்றி
IBC Tamil News

SK · SK Sat Dec 23, 2017 5:22 pm

இதை நிரூபிக்க முடிந்த சிபிஐ 2g வழக்கை நிரூபிக்க முடியவில்லையா

**T.N.Balasubramanian** · **T.N.Balasubramanian** Sat Dec 23, 2017 6:27 pm

SK wrote:இதை நிரூபிக்க முடிந்த சிபிஐ 2g வழக்கை நிரூபிக்க முடியவில்லையா

மேற்கோள் செய்த பதிவு: 1254503

இது சம்பந்த மீம்ஸ் ஒன்று பகிர்வு செய்கிறேன்

sanaullah‏
@Ambur
லாலு ங்கிறவருக்கு விடுதலை இல்லையாம்.

மாடுங்க எல்லாம் சரியா சாட்சி சொல்லிடுச்சாம்.?

#மாட்டுத்தீவனஊழல்வழக்கு[/quote]

ரமணியன்