தேர்தல் இன்றைக்கு வருமானம் தரும் ஒரு நிகழ்வு! - 'களவாடிய பொழுதுகள்' பற்றி தங்கர்பச்சான்

**பழ.முத்துராமலிங்கம்** · 27/09/2015

களவாடிய பொழுதுகள்’ படப்பிடிப்பில் பிரபுதேவா, சத்யன், ஷாம் ஆகியோருக்கு காட்சிகளை விளக்கும் இயக்குநர் தங்கர் பச்சான்.

''பெருமங்கலத்தில் இடைத்தேர்தல். பரபரப்பு உச்சகட்டம். ஓட்டுக்கு ஒரு கட்சி ரூ.8 ஆயிரம் கொடுக்குது. இன்னொரு கட்சி ரூ.10 ஆயிரம் கொடுக்குது. புதுக்கட்சியொண்ணு 5 ஆயிரம் ரூபா கொடுக்குது. நமக்கும் ஒரு எம்எல்ஏ இருக்காரே... 10 காசுக்கு பலனில்லை. அவருக்கு ஒரு சாவு வராதா? இவங்கெல்லாம் செத்துட்டே இருந்தாதான் இடைத்தேர்தல் வந்துட்டேயிருக்கும்?'' என்று அதிர்ச்சிகரமாக டீக்கடை வசனப் பின்னணியில் ‘களவாடிய பொழுதுகள்’ படத்துக்காக ஒரு காட்சியை வைத்திருக்கிறார், இயக்குநர் தங்கர் பச்சான்.

விரைவில் வெளிவர விருக்கும் இப்படத்தின் இந்த டிரெயிலர் காட்சி, தற்போதைய இடைத்தேர்தல் அரசியல் சூழலில் பரபரப்பாக வைரலாகி வருகிறது. இக்காட்சி குறித்து ‘தி இந்து’-விடம் இயக்குநர் தங்கர் பச்சான் கூறியதாவது:

‘‘தேர்தல் இன்றைக்கு வருமானம் தரும் ஒரு நிகழ்வாக மாறிவிட்டது. வாக்காளர்கள் பணத்துக்காக வாக்களிக்கும் எண்ணத்துக்கு மாறிவிட்டனர். தற்போதைய இடைத்தேர்தல் சூழ்நிலையில்கூட இதுகுறித்து சமூக வலைதளங்களில் நகைச் சுவையாக பல கருத்துகள் வெளிவருகின்றன. இந்தக் காட்சியும் மக்களின் மன நிலையை வெளிப்படுத்தும் காட்சியாகவே பார்க்கப்படுகிறது.

தேர்தலில் வெற்றிபெறுபவர்களின் பெயரைக்கூட நினைவு வைத்துக்கொள்ள முடியாத இடைவெளி மக்களுக்கும், பதவியில் இருப்பவர்களுக்கும் இடையே உள்ளது. மக்கள் எதையுமே கண்டுகொள்ள மாட்டார்கள். ‘நாம் பணம் கொடுத்தால் ஓட்டு போடுவார்கள்’ என்றே அரசியல்வாதிகள் நினைக்கிறார்கள்.

அந்தப் புலம்பலின் வெளிப்பாடாகத்தான், ‘நம்ம தொகுதி எம்எல்ஏ-வுக்கு எப்போ சாவு வரும்? என்ற காட்சி. தற்கால அரசியல் கட்சிகள் மக்களை எப்படி கையாள்கிறார்கள் என்பதற்கான கண்ணாடிதான் இந்தக் காட்சி. பார்ப்பதற்கு நகைச்சுவை காட்சி மாதிரி இருந்தாலும், நகைச் சுவைக்காக வைக்கப்பட்டதல்ல இக்காட்சி! ‘களவாடிய பொழுதுகள்’ படத்தில் தற்கால அரசியல் நிகழ்வுகளை நிறைய கையாண்டிருக்கிறேன். இது அரசியல் படமல்ல. ஒரு இளைஞன் வாழ்க்கை ஓட்டத்தில் இந்த மாதிரியான அரசியல் நிகழ்வுகள் எல்லாம் அங்கங்கே வரும். இதுவொரு காதல் கதை. ஒரு ஆண் - பெண் வாழ்க்கையில் முக்கிய காலகட்டங்களைப் பற்றிப் பேசும் படம். அதில் அவர்கள் கடந்துபோகும் அனுபவங்கள்தான் இதெல்லாம்!’’

நன்றி
தி இந்து

SK · SK Fri Dec 22, 2017 10:37 am

தேர்தல் இன்றைக்கு வருமானம் தரும் ஒரு நிகழ்வு! - 'களவாடிய பொழுதுகள்' பற்றி தங்கர்பச்சான் 3838410834

**பழ.முத்துராமலிங்கம்** · 27/09/2015

SK wrote:

மேற்கோள் செய்த பதிவு: 1254295
நன்றி
நண்பா

Sponsored content · Sponsored content

தேர்தல் இன்றைக்கு வருமானம் தரும் ஒரு நிகழ்வு! - 'களவாடிய பொழுதுகள்' பற்றி தங்கர்பச்சான்

தேர்தல் இன்றைக்கு வருமானம் தரும் ஒரு நிகழ்வு! - 'களவாடிய பொழுதுகள்' பற்றி தங்கர்பச்சான்

Re: தேர்தல் இன்றைக்கு வருமானம் தரும் ஒரு நிகழ்வு! - 'களவாடிய பொழுதுகள்' பற்றி தங்கர்பச்சான்

Re: தேர்தல் இன்றைக்கு வருமானம் தரும் ஒரு நிகழ்வு! - 'களவாடிய பொழுதுகள்' பற்றி தங்கர்பச்சான்

Re: தேர்தல் இன்றைக்கு வருமானம் தரும் ஒரு நிகழ்வு! - 'களவாடிய பொழுதுகள்' பற்றி தங்கர்பச்சான்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக